السلام عليكم ..

ترددت كثير بعرض مشكلتي .. بس أبغا حد يطمني وينقذني من الشكوك اللي في بالي

يوم السبت هذا صارت بيني وبين زوجي مشكلة والحمدلله تصالحنا بس زوجي قال كلام

وقت ما كنا متزاعلين الحين قمت أعيد الكلام اللي قاله فسرته على كيفي ومدري اللي في بالي

صحيح والا لأ ؟

القصة ومافيها تزاعلنا يوم السبت على موضوع جدااا تافه ما تتصورون بس زوجي هالايام زايد عليه

العمل وصاير مضغوط ويعصب بكثرة ونا بطبيعي باردة وماحب النكد والحمدلله المشاكل قليلة بس

هالمرة انا مدري شفيني بالصراحة انا السبب وغلطت عليه وهوا بعدين كبر السالفة وقام يغلط كثير

علي ونا ساكتة لحد ماخلاني أبكي ومن بين الكلام اللي قاله لي ( قال لي غيري أسلوبك معي

والا بالمستقبل ببهدلك ) أنا سكت وصرت أبكي طول الليل وكنت بروح له أصالحه بس حسيته بعده

معصب وما بتقبل مني شي ونام بدري ونا مانمت الا الساعة 4 الفجر

المهم هو الصبح حس انه غلطان وجا عندي ونا نايمة يصالحني ويترجاني أسامحه

قبل ما يطلع الشغل .. واتصل لي من الشغل ومارديت عليه وجا من الشغل وحاول يصالحني وحاول

كثير الصراحه بس انا ماعطيته وجه معني كنت بسامحه بس مدري كنت بدلع عليه .. قام عصب

كثييييير ولأول مرة قال لي تبين تروحين بيت أهلك ؟ أنا رديت عليه ياريت من قهري

قال لي اي روحي وشوفي لك حد غيري !!!

استغربت من الكلام أول مرة اسمع منه هالكلام .. بعدين صار بينا كلام وعتاب وتفاهمنا وخلاص

تصالحنا ... ونا حسيت بغلطتي زين وهو بعد قام يتأسف على الكلام اللي قاله لي وهو معصب ...

بس بعدين فكرت في الكلام اللي قاله وخصوصا هو هالأيام متعرف على أصحاب جدد واسلوبه متغير

وسوست وقمت أشك من كلامه

وخصوصا يوم يقول غيري أسلوبك والا ببهدلك بالمستقبل !!! قولو لي ايش كان يقصد ؟ انا كنت بسأله

بعد ما تصالحنا ايش يقصد بالضبط بس قلت أكيد بيقول ولا شي

ويوم يقول لي روحي بيت أهلك وشوفي لك حد غيري ... فسرتها أنا كنه يقول لي

عن نفسه أنا بشوف حد غيرك ... مدري شفيني معني واثقة من نفسي كثير وعمري ما فكرت

هالتفكير هذا بس قولو لي هل شكوكي في محلها وهل الكلام اللي يطلع من الرجال

وقت العصبية فعلا مهو صحيح والا يكون العكس هو الصحيح ويطلع اللي في قلبه كله ؟

وللعلم انا عاتبته على كلامه اللي طلع منه قال لي ولا كلمة من اللي قالها صحيحة وذا كله من زود

ماكان معصب ومن الضغوط اللي عليه بالعمل وبس ..

ياريت تردون علي ..

ماحد رد علي ؟!؟!

يمكن انتو تشوفون المشكلة عادية بس انا لنه أول مرة أتزاعل مع زوجي لهالدرجة

وأول مرة أسمع منه هالكلام وأحسه قوي مرررة !

أبغا رد على الأقل قبل ما أنام ...

السلام عليكم
أولا هدي من نفسيتك
ثانيا أتمنى منك بأن لا تستعيدي ما حدث أثناء غضب زوجك
ويجب أن تعلمي أن الحياة الزوجية كا دفتر ((كراسة)) مهما كانت صفحة اليوم الأول مشخبطه ومملؤه بالسواد
فيجب أن تكون صفحة اليوم التالي بيضاء لأنها صفحه جديدة
أن منتي تحسين أن هذه الكلمة قد تكون وقعا في المستقبل فا تفكيرك خطاء لأن زوجك قالها بحالة غضب
وإنما الشيطان هو الذي يعيدها لأنهوا اغتاظ بتصالحكما
وفق الله الجميع واسعد كي بزوجكِ

__________________

اختي شقرا السعوديه انا مريت بنفس مشكلتك واليوم تصالحت مع زوجي الحمدلله وكنت كاتبه موضوعي بالمنتدي بس شكلك ماقريتيه انا حاسه باحساسك زوجي قالي لمي اغراضك وروحي بيت اهلك وبعدين قال انا ندمان اني تزوجتك انا ماقدرت اتحمل هذي الكلمه وانجرح قلبي من زوجي وصرت خايفه لايجي يوم يتخلى عني زوجي صرت احس بعدم الامان رغم ان زوجي قال انه ماقصد الكلمه وانه مستحيل يتخلى عني بس احسه يبغى يسكتني بس
الله يجبر بخاطرنا ويسعدنا يارب

__________________
اللهم فرج همي

__________________

سوري سوري أخوي البعد قتال ...

حلوووو ردك وذا اللي أبغاه

يعني انتو الرجال فعلا وقت ذا عصبتو على زوجاتكم يطلع منكم كلام مو مقصود

بس عشان تعصبون وتغضبون زوجاتكم وتقهروهم وقتها صح ؟

و مو مثل اللي يقولون الواحد ذا عصب يطلع اللي في قلبه كله !


ونا حسيت هالشي يوم نتزاعل انا وزوجي قام يقول كلام قوي ويعاتبني كثير ونا ساكتة

وهو مستمر لين ما وصلت حدي وبكيت قام يهدي شوي شوي لين وصل للي يبغاه

وحسني انقهرت جد وبعدين صالحني

لا تكبري الموضوع اختي واضح ان زوجك طيب وحريص علي رضاكي

مادام اعتذرلك واتصالحتم خلاص هو كان غضبان والصراحه ممكن يكون برودك زايد عن اللزوم

صحيح الواحده لازم تكون هاديه جدا وحكيمه و خاصه لما يكون زوجها غضبان بس مو لدرجه البرود الزايد

ممكن تساليه وتعرفي منه الفصد من كلامه ( لا انصحك بكدا )

او

لا تعيدي الكلام بس تعرفيه ان هالكلام يضايقك ولو يخاف علي مشاعرك ما يعيده تاني

__________________
زي القمر زي

شكراااااااا البعد قتال على الرد ..

يعني ذا رايك تقولين انه مجرد أنفعال وقت ماكان معصب ..

والله أنا كتبت مشكلتي من زود ماأفكر بالكلام وتمنيت حد يوضح لي ايش المقصود منه

لانه بالي متشوش كثييير

والله طمنتيني الله يسعدك ياااارب

للتوضيح







انا رجل ههههههههههههه

والله ييسر للجميع

__________________

شقرا

حبيبتي هذا من الشيطان يحاول يذكرك بكلام زوجك عشان تحقدين عليه
كل ما جاك طاري كلامه تعوذي من ابليس .. واذكري الله واستغفري ...

اطلبي من زوجك اي طلب تدرين انه يقدر عليه .. قولي مثلا ببالي عطر ليت تتشريه لي
او مطعم او فستان اي شي تحبينه .. وخليه يشتريه لك عشان يصفى خاطرك عليه اكثر

تذكري .. كثرة التفكير بالاخطاء القديمة = دمار شاااااامل لحياتك
لازم تتعلمين تنسين ..

دمتي بود

__________________
شتان .. بين من تسيره مبادئه ، ومن تسيره مصالحه