قررت أتزوج دعواتكم - منتدى عالم الأسرة والمجتمع

04-02-2012, 12:15 AM

أبو خليفه....

عضو مميز

تاريخ التسجيل: Sep 2011

المشاركات: 1,439

قررت أتزوج دعواتكم

السلام عليكم :

أنا ادري أن البعض بيقول عني أناني وظااالم لزوجتي ولكني قبل كم يوم اتخذ قرار بالزواج وطلبت من واحد من الشباب يشوفلي وحده في البدايه يكون بالسر من غير ما أعلم الاهل وعقبها ربنا يحلها .

أنا حاولت ويا زوجتي وقبل أسبوع تواصلت ويا مستشار أسري يعلم الله حاولت فيها عشان تتواصل وياه وهي مثل الطوفه سااااااكته ودموع أربع أربع , عرضت عليها موضوع لوحاتها أني أصورهم وأنزلهم تدرون شو ردت " هذه أشياء تخصني وما أحب أحد يدخل مرسمي شفتني مره من يوم ما تزوجنا دخلت حجرة ملابسك الخاصه فيك أنا عاد هذيج الساعه ضحكت وقتلها الله يخلي البشكاره قايمه بالواجب وتدخل حتى حجرة رقادي "
موضوع السفر ترجيتها بدال المره مليوووووووووووووون مره وهي رافضه تسافر وياي .

قبل كم يوم صارت بيني وبين أختي مشكله كنت مضايج رحت دخلت عندها الحجره وقعدت أعلمها شو صار بيني وبين أختي وأني ندمان على اللي صار وقعدت أسالها شو أسوي بكل بروووود من غير ما تتكلم خذت الموبايل وقالت خذ واعتذر منها وانتهت السالفه ليش انت تحب المشاكل أنا جنيت وقتلها أنا أحب المشاكل وقعدت أصارخ عليها قالت أنت اللي ياي لغاية حجرتي وتناقشني بموضوع ما يخصني فيه ولحين قاعد تصارخ عليا قتلها انتي حرمتي ومافي فيها شيء اذا جيت وسولفت وياج قالت انا ما أحب الكلام الكثير قمت وأخذت الموبايل مالها وكسرته بس بكل بساطه قامت هي وخذت اللاب مالها وحذف على الارض كان ودي هذيج الساعه يوم شفت للاب جدامي على الارض أعطيها طراق على خدها يمكن تستوعب اللي تسويه فيني .

خلالالالالالالالالالالاص تعبت انا صرت الاسم متزوج لاني قادر اخذ حقوقي منها ولا أتفاهم وياها وهي مافي على السانها غير وديني بيت أبوي .

دعووواتكم الله يوفقني بوحده تعوضني عن اللي شفته من لجين .

04-02-2012, 12:29 AM

خاله بيتا

عضو المنتدى الفخري

تاريخ التسجيل: Jun 2010

المشاركات: 9,516

الله يوفقك باللي اقدرك وتسعدك .. الصراحة ما اقدر الومك .. لو مشكلة لجين وقفت على موضوعها مع والدتها كنت قلت انها معذورة لكن واضح انها ما تعرف حقوق الزوج ولا تربت على المشاركة والمراعاه واحترام الاخرين .
المفروض انها تقدر وقفتك معها وصبرك عليها .
الله يهديها .

__________________

04-02-2012, 12:40 AM

أبو خليفه....

عضو مميز

تاريخ التسجيل: Sep 2011

المشاركات: 1,439

أخت بيتا الله يجزاج خير صادقه والله لجين تعودت على ان طلباتها مجابه ولا أحد يرفض لها طلب وموضوع امها زاد الطين بله .

04-02-2012, 12:47 AM

روح المساء

كبار شخصيات المنتدى

تاريخ التسجيل: Jun 2010

المشاركات: 3,432

الله يوفقك أخوي وينولك اللي فبالك
بصراحة ماقريت مواضيعكم بالتفصيل يادوب لمحات عشان كذا مو عارفة شسالفة لجين غير أمها وبدون تفصيل
والله يهديها الأخت لجين
هل تقدر تحاول معها محاولة أخيييييييرة وبعديبن تلجىء لآخر حل وهو الزواج
او ماعندك نفس تحاول
هالشي راجع لك وأفضل إنك تصارحها بهالخطوة عشان يمكن تحس وتتغير
بالتوفيييق

__________________
اللهم اجبر كسر قلبي وروحي اللهم آآمين
دعواتكم لي بالوظيفة الصالحة فانا بأمس الحاجة إليها
سبحان الله وبحمده سبحان ربي العظيم
فزورة مطبخنا اليوم
علينا اللون وعليك التنسيق مسابقة ممتعة وشيقة
امممممممم ماذا لوو

04-02-2012, 12:54 AM

أبو خليفه....

عضو مميز

تاريخ التسجيل: Sep 2011

المشاركات: 1,439

اقتباس:

المشاركة الأصلية كتبت بواسطة روح المساء

يا بنت الحلال أنا حاولت وياها شعري شاب ولي يشوفني يسألني بلاك تعبان , يعلم الله أني أحبها واموت فيها ولكنها ما عطتني مجال شو الفايده من حبي لها وانا أحس بروح الحرام من وراء أفعالها حتى زواجي قررت يكون بسر خوفاً من اهلي مب منها ولا هي مب على بالها سالفه وكم مره تقولي عادي بس طلقني اول شيء .

04-02-2012, 12:52 AM

لكل شي حد

استشارية صيدله

تاريخ التسجيل: Oct 2011

المشاركات: 1,652

انا تابعت مشكلة لجين... و بصراحه انت كفيت و وفيت معاها...

الله يرزقك الزوجه اللي تعفك... الرجل و المرأه كلاهما يتزوجان ليعفوا انفسهم... ما فائدة الزواج إذا هالشي انتفى؟؟؟

و بصراحه في اشيا منها تقهرني... و الدلع الزايد اللي حصلته يلعب دور في اللي قاعد يصير...

لكن رجاء... هذي المره احسن الإختيار... و فكر في بنت الناس اللي بتتزوجها... و إذا كنت تبي تتزوج بالسر في البدايه... فرجاء لا يطول اكثر من شهور قليله فقط... لأنها راح تكون زوجتك على سنة الله و رسوله و من حقها تكون موجوده في العلن.. من حقها بعرس و كل شي...

الله يوفقك... و يصلح بال لجين و حالها...

04-02-2012, 01:01 AM

آفاق المجد

كبار شخصيات المنتدى

تاريخ التسجيل: Mar 2011

المشاركات: 2,475

ودها بيت أبوها و تفرغ لجياتك الجديدة
مبروك مقدما و الله يوفقك يا رب

__________________
## مهم ##
هل تتعرضين للابتزاز في الانترنت؟

هنا من ينقذك

04-02-2012, 01:20 AM

أبو خليفه....

عضو مميز

تاريخ التسجيل: Sep 2011

المشاركات: 1,439

أنا فكرت أوديها بيت عمي لكن قلت يوم حدد موعد زواجي بوديها .

04-02-2012, 01:30 AM

خاله بيتا

عضو المنتدى الفخري

تاريخ التسجيل: Jun 2010

المشاركات: 9,516

اقتباس:

المشاركة الأصلية كتبت بواسطة أبو خليفه....

أنا فكرت أوديها بيت عمي لكن قلت يوم حدد موعد زواجي بوديها .

جيد . لكن اتمنى لو انك تبلغها بخطواتك أول بأول .. يعني انت الان طلبت من صديقك يشوف لك عروس قولها أنا بدأت أبحث عن زوجة ثانية ... ولما تلاقي قلها لقيت ورايح أخطب ..
حتى ما يكون عليك ملامة بعدين ..

مو ترجع لك بعدين تقول لو عرفت انك بتتزوج كنت صحيت وغيرت من نفسي .... انا ما ظنيتك جاد لما كنت تقول ..

خليها تعرف انك جاد ولا زالت أمامها فرصة تعدل وضعها وتتحول من طفلة لزوجة .

__________________

04-02-2012, 01:28 AM

#10

مس سندريلا

عضو متألق

تاريخ التسجيل: Jul 2007

المشاركات: 1,690

الصراحه ياخوي دامك مومقصر معاها بشيء

وشايف انه وضعك بيسمحلك بالزواج ..

وانو وضعك بيستاهل ...(( الصراحه مابعرف شو قصتك مع لجين ))

فعلى كل حال الله ييسر امورك ويرزقك بالي تقدر وضعك

وتعرف حقوقك .. وتسعدك كزوج

موفق ابو خليفه

__________________
**..اللهم صلي على سيدنا محمد..**
** اللهم ما أصبح بي ( وفي المساء : ما امسى بي ) من نعمة أو بأحد من خلقك فمنكــ وحدك لاشريكــ لكــ فلكــ الحمد ولكـ الشكر..(( من قالها صباحا ومساءً فقد ادى شكر يومه )).

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه