السلام عليكم
انا بقولكم قصتي من اول ماتزوجت ،،،،،انا زوجي انسجن من ثالث ليله من زواجنا دخل السجن بقضيه استقبال مخدرات من دوله مجاوره المهم انسجن وجلس بالسجن ثلاث سنين وماصرف علي ريال واحد بعد الثلاث سنين جاه عفو طلع وجلس معاي شهرين ونص تقريبا حملت في خلال هذي الفتره الي جلسها معاي
وفي خلال هذي الفتره اتهمني في عرضي وقمت ودعيت عليه بقلب محروق وسبحان الله ماامداه يروح اسبوع الا ومكافحه المخدرات يمسكونه وهو يبيع مخدرات بفلوس مرقمه انسجن انحكم خمس سنين راح وانا حامل باول شهر ووالحين صارله من انسجن ثلاث سنين وعليها كم شهر تقريبا شهرين طبعا ولدت وجبت ولد عمره الحين سنتين وسبع شهور بس قبل شهر احد خبرني ان زوجي وهو بالسجن اكتشفو انه يبيع حبوب مخدره وزادوه سنتين على حكمه الاول يعني باقي له اقل شي لين مايطلع باقي ثلاث سنين او اربع
المهم انا كل مااستخير في زوجي احس بنفسي متكدره وضايقه احس انه مافيه خير لي دايما احلم انه يطلقني بالثلاث وانا اكون مبسوطه بالحلم وفرحانه واقول احمدك يارب واشكرك
انا الحين ابغى الطلاق بس ماادري من وين ابدا
ماعرف وش الخطوه الاولى ابغى اروح المحكمه ابغاه يطلقني
هل يقدر الشيخ يطلقني منه بدون حضوره الى المحكمه وهل بامكانه يطالب بالمهر
للمعلوميه انا مااملك ولاريال لان ذهبي او مهري الي اعطاني اياه صرفته على نفسي لانه مايصرف علي
وكيف بالنسبه لولدي هل يقدرون ياخذونه مني او انا اخذه
الله يخليكم والله انا ماسجلت الا عشان تساعدوني ياهل الخير لان عمري ضاع مع واحد مايستاهل راحت ست سنوات ونص من عمري وانا انتظره وماقدر