السلام عليكم ورحمة الله

كيف حالكم ؟

قريت في موضوع هنا رد لعضوة عن افضل صفة يحبها زوجها فيها وتذكرت معاناتي لاني عكسها تماما

قالت انه يحب فيها كونها فرفوشة وتحب الضحك

ما احد فينا ما يحب الفرفشة والضحك .. بس فيه ناس ما تعرف ..


ايه صدق وانا منهم

كنت بالبداية ماخذه دور الجدية والبرستيج .. بس بعدين تاصلت فيني وماعد عرفت افك

اتذكر لما كان ابوي يقنعني بزوجي قال سالت عنه بالعمل كل زملاءه يقولون مزّاح ويحب الضحك ، للاسف كان اكثر شي اكرهه فيه .. كنت ابيه جدي وعاقد حواجبه زي ابطال الروايات، و انقهر من جوا عليه احس الضحك مو من الرجولة.


بالدوام نفس الشي ما اضحك بسهولة مو اني مكشرة ونكدية.. بس اذا قلبوها تنكيت وتهريج ما انسجم حتى لو حاولت


بالافلام دايما خياراتي دراما رومانس ما اميل للكوميدي كثير اتحسف بوقتي عليه


بيتنا فرفوش وواخواني وخالاتي وعماتي عيارين درجة اولى وانحط معهم بمواقف بايخة لاني اتعامل بجدية ويصير بالاخير مزح..

وش بعد حتى بجمعات البنات صديقاتي وقريباتي المفروض اصير ماخذة راحتي وافلها .. بس للاسف ما اعرف اضحك من قلبي واتسدح زيهم حتى لو شفت او سمعت شي يفطس ضحك


احس اني صايرة عجوز نقادة .. ودي افك شوي .. وافرفش ابي اضحك بصوت عالي ابي يتطور عندي حس الدعابة واعرف انكت واتهرب من المواقف بالمزح


ساعدوني .. اعرف الموضوع صعب وياخذ وقت بس باحاول

والله يختي إذا هاذا جزء من شخصيتك ماتقدرين تجبرين نفسك على شي إنتي مو حاسه فيه

لو في شخص عملي ماتقدرين تجبرينه يكون عاطفي والعكس

لو تبين تضحكين بتضحكين لو تبين تنكتين وتمزحين بتسوين هالشي مافي كتيب تعليمات يقولك وش تسوين

أهم شي إنتي مقتنعه بنفسك؟ أوكي أنا مع إن الوحده تحاول ترضي زوجها بس مو لدرجة أسلخ نفسي من شخصيتي

أو أتقمص شخصيه ثانيه عشان أعجبه

بعدين شي حلو إنكم متناقضين أحياناً التشابه يسبب نفور

ويمكن جديتك هي الشي إللي عاجبه فيك وهو الشي إللي مميزك عن غيرك

إنتي حاولي بس تسترخين وتاخذين الأمور ببساطه وعفويه ومع الوقت تلقين نفسك فكيتي شوي

التغيير رغبة شخصية عشاني بالدرجة الاولى وزوجي ما له علاقة

انا احتاج للضحك .. لاني احس حالي متشنجة .. ابي الضحك اللي يهز جسمي ويطلع دموعي

احسه شي مكبوت وابيه يطلع

تقول لو تبين تضحكين بتضحكين !!

ابدا مو صحيح.. ساعات ابي بس والله اعجز.. استحي

صح اني جدية وعملية بس انا مقتنعة تماما انه شي ممكن يتغير .. لو قال لك احد ما اقدر ابكي بتقول وشلون لازم فضفض طلع مشاعرك ما راح تقول هذي شخصيتك .


آخر جملة بتعليقك هي بالضبط المطلوب .. بس كيف؟

وشاكرة لك تعليقك

لا يا حبيبتي حاااولي تغيرين من نفسك ..
شخصيتك هاذي تطفر الناس منك ..
أصلا تزيد العمر وتجيب لك الكد والهم ..
ممم طيب جربي تاخذين فيلم كوميدي وتشوفينه لحالك ..
وأطلقي العنان لضحكاتك .. يمكن انتي تستحين تظهرين للناس غير اللي اعتادوه منك ..
وقدام زوجك وأقرب أهلك افتحي المجال للضحك والتبسم .. شوي شوي ..
حتى لو استغربوا من هالأمر .. ترا استغراب مع فرح .. أكيد بيفرحهم لما يشوفونك مبتسمة وتضحكين ..

طيب سؤال .. بداخلك لما تسمعي نكتة او تشوفي حد بيمزح .. هل تجيك الضحكة ولا تحسين موقفهم بايخ ومزحهم ماصخ ؟؟

اذا ضحكتني النكتة ابتسم .. بس

ومو اي نكتة تضحكني اقيمها اول .. وفي اشياء احسها سخيفة واقل من مستواي زي افلام اللمبي مثلا مع اني اشوف زوجي يتفجر عليها ضحك

على فكرة انا بشوشة وحيوية بس ما اعرف اضحك وافتقد حس الفكاهة

من بديت اقرا موضوعك وانا اقول " لا لا ان شاء الله اني اخف منها"
بس لما وصلتي للمبي وافلامه عرفت انك من فصيلتي
حتى لما زوجي فترة الملكة كنت اشتكي منه لبنت اختي قالت لي" خالتي تخيلي لو انه ثقيل دم وانت ثقيلة دم وش بيصير؟!!" في الجبهة كلامها ادري
مرة كنت واقفة عند بندة مع بنت اختي وجنبنا رجل يقرء في كتاب لغاية ما يخلصون اهله ، قالت بنت اختي انت تبين زي هذا ، قلت ايه ايه فجلست تتحمد ربها
مرة كانوا زميلات العمل بالغرفة الثانية مجتمعين عالقهوة وضحكهم واصلني بالغرفة الثانية وكان جالس معاي فيها زميلتين، لا شعورياً قلت" نفسي اضحك بيوم زيهم كذا؟!" ردت زميلة حكيمة جداً واحب اراءها" اذا كبروا بناتك يا شوك رح تضحكين زي كذا

عجبتني صراحة بنت اختك يا شوك هههههههه



وعلى كلام صاحبتك باستنى كثير

مو اني كبيرة بس طبعي مكبرني ..وبديت اقلق على عمري.. لما تزوجت قفزت الطعشات والعشرينات.. اخذت دور العقل وكنت ثلاثينية والان احس اني اربعينية ..

حاجة تحز بنفسي.. مو كارهة حياتي وشخصيتي ..بس احس بمراهقتي اللي ماعشتها محبوسة جواتي

لقيت انه كل مرحلة بحياة الانسان لها شكل ومشاعر لازم تنعاش بحلوها ومرها باخطاءها وتجاربها والا تبقى بالقلب .. وعمره ما ينضج وتجربته الحياتيه ما تكتمل

عجبتني النصيحه و احس البنات روح البيت فعﻵ و الضحك و الفرفشه

عاد انا عشت بين اوﻵد البيت قلب كئيب على قول ابوي من لما تزوجت

بس انتي عارفه اﻷوﻻد كمان كان ليهم فوايد فتركيبتي الشخصيه برغم ثقالة الدم اﻻ انهم بدون احساس و ياي و آي و مياصه بس طقطقة و تكسير روس و نرجع حبايب

اتخيل لو بضحك على اختي زي لما كنت اضحك و امزح مع بنات خالي على طول يبكوا و حساسين

__________________
[img]http://im78.***********/FRd0Bi.jpeg[/img]

على طاري الاخوان يا عاشقة
هذي جتني من كم يوم وعجبتني مااااااره

فايدة الأخ بالبيت ولا شيء بس تلبسين نعاله اللي عند الباب إذا بغيتي تطلعين الحوش ☻!
خوات زوجي كثااااار ، وما تزوجوا ومن جد بيتهم حياااااااااة ما شاء الله
وعندنا مثل يقول اللي ماله بنات يجاور بيت البنات
زي كذا تقريباً ( تراني زيك في الامثال)

ممكن شخصيتش متوتره وقلقه وتفكرين كثير فيصير المزاج مش مستقبل اي موضوع يغير مودش

الرياضه تغير المزاج وتخلي النفسيه مرتاحه ومرنه ومتقبله والافضل تكون في الهواء الطلق

__________________
وهل من مصير اخر ؟