رجعت للوحده القااااااااااتله
اخواني اخواتي
بصراحه القسم هذا له معزه عندي واحب كل الأخوات الي فيه واحسهم مثل خواتي
وبما ان موضوعي او قصتي مالها مكان بحطها هنا وان شاء الله ماينقلونها المشرفين ..
انا ياأعزائي تقدم لي شاب قبل فتره في نهاية العشرينات ومن عائله محترمه ,,, المهم
مشكلته انه لسه ماخلص دراسته الجامعيه ,, يعني تأخر لأسباب خارجه عن ارادته ,, والأن
يدرس في الخارج وباقي له كم سنه ويخلص ,, انا في المقابل خلصت الجامعه بدرجة بكالريوس من قريب
وانتظر الوظيفه ,, في البدايه ابوي ماكان موافق على اساس انه لسه ماتوظف بس مع الأقناع وافق بحجة انه مايبغى
يوقف بطريقي ,, انا كنت موافقه على اساس اروح بره معاه اكمل دراستي وهو يكمل دراسته هل شي شجعني ..
المهم جا يوم الشوفه ( النظره الشرعيه ) وشفته وبصراحه ماعجبني لكن بيني وبين نفسي قلت الشكل موب مهم
مع انه مهم بالنسبه لي بس قلت يمكن شخصيته تغطي عليه ,, المهم صارت الخطبه ... وبعدها كلمنا بعض
وفي البدايه شخصيته عجبتني وحسيت انه انسان اخلاقه كويسه وطيب وحنون ,, يعني مواصفات كانت
عاجبتني ,,, مع الأيام بديت احس انه عصبي شوي وصار اكثر من موقف بيني وبينه وهو يعصب فيه
واسلوبه يتغير على اسباب تافه ,, فأنا خفت قلت اذا على التافه كذا كيف الكبير ,, وبعد صرت احس انه عقله
اصغر من عمره ,, هل اشياء خلتني اتردد واعيد حساباتي ,,,
يعني انا احسن منه في الدراسه ,, وهو بعده ماتوظف ,, مايندرى بعد كم سنه بيحصل وظيفه
على انه يقول ان تخصصه مطلوب بس الحين كل سنه تفرق عن الي قبلها ,, هذا غير ان شكله ماعجبني
وعصبي ,, لكن الحق ينقال هو طيـــــب يعني يعصب علي بس بعدها يعتذر لي ,, وحنون ,,
المهم انا استخارت كثيرررر في البدايه ماكنت احس بشي بس خوف وقلت هذا شي طبيعي
بعدين بديت اتردد وقلت انا ليه اتنازل عن كل هل اشياء ,,, بأختصار قررت اني ارفض
بعد صراع طووووويل مع نفسي ,, وقلت له ,, وكان رده اعطيني فرصه وبتغير وانا ابيك ومن هل كلام
كلام يخلي اي بنت تغير رايها اذا فكرت بقلبها ,, بس ركنت قلبي على جنب وقررت افكر بعقلي
و اصريت على قراري لأني بصراحه تعبت من التفكير والتردد واذا كنت بقدم على شي لازم
اكون مقتنعه فيه خصوصا بالزواج ,,,,,,, المهم مشكلتي الحين اني اكتأبت وحسيت اني كنت عايشه على أمل
والحين كل شي راح ,, ورجعت لوحدتي ,, وساعات ضميري يأنبني ,, وخايفه يجي يوم واندم على قراري
يعني مايجي لي احسن منه ,,, خصوصا وان عملي دوام 9 ساعات وفي مكان مختلط يعني مو كل رجال يوافق
وهو كان موافق ,, ياناس قولوا لي انا غلطانه ؟؟؟ هل انا طالبه شي مستحيل ؟؟؟
هل قراري في محله ؟؟؟ هل انا ظلمته ؟؟؟ ولا ظلمت نفسي لما وافقت ؟؟؟ 
ارجوكم اي كلمه منكم تهون علي ..
اختكم / حورية بدون بحر 
__________________
ادعولي بالزوج الصالح الي يسعدني ,, جزاكم الله خير
سبحان الله وبحمده عدد خلقه ورضا نفسه وزنة عرشة ومداد كلماته
17-05-2006, 03:48 AM
ضوابط المشاركة
العرض الشجري