محتاج لرأي كل واحد فيكم ؟؟
السلام عليكم ورحمة الله وبركاته
مساء الخير
أخواني أخواتي الاعضاء
عندي موضوع مشغلني وأبي أخذ رايكم فيه
أنا ان شاء الله عازم على الزواج خلال هالسنه او بالاصح الصيفيه القادمه (( أدعولي ان الله يوفقني ويرزقني بنت دينه وخلوقه وعلى قدر من الجمال ))
وماقد خطبت الا مره وحده وماحصل نصيب ماعنهم مارفضو والا أنا رفضت بس المشكله كانت في عدم أمكانية الزواج
خلال السنه هذي او حتى اللي بعدها عشان كذا أعتذرنا لهم والله يوفقهم ويفقنا ..
أدري بتقولون وين المشكله الحين 
طيب هالحين بدخل بالموضوع
أنا لي بنت خال عمرها تقريباً الآن على وشك الدخول في 29 مابعد تزوجت مع ان والله العظيم ماينقصها شي جمال دين اخلاق ثقافه طيبه خريجت كليه ماشاء الله عليها بس النصيب مابعد جاها وانا دايم أسأل أمي عنها لاني شايل همها ويوم أشوف معانات البنات بهالقسم تطري علي وأدعي لها
بعد ماجينا من الديره سألت الوالده الله يطول بعمرها عنها قلت يمه وشلون افلانه ماجاها نصيب للحين ؟؟
قالت والله ماجاهم احد نصيبها وقف
حزت بخاطري وحسيت بحزن وتمنيت لو سمعت عنها خبر يفرح المهم قلت الله يوفقها ونسيت
وقلت للوالده هاه دورتي لي عرووووس لاني انا دايم اقول للوالده برمضان تقولي اصبر لين الناس تعيد تراك اشغلتنا أحد يروح يخطب برمضان
المهم قالت لي العروس جاهزه .. انبسطت انا وحسيت بتفائل .. قالت لي فلانه بنت خالك .. بصراحه ماصدقت وقلت للوالده اما أتزوج فلانه أكبر مني بسنتين .. وانا اللي أنظر لها نظرة أخو .. ولا عمري فكرت مجرد تفكير أني أتزوجها مع أني معجب بخلاقها وبجمالها ودينها من يوم انا اصغار بس مسألة زواج يختلف الوضع مدري ليش
المهم الوالده بدأت تقنعني .. وتقول والله مافيها كلام .. وراح تسعدك لان نفس الصفات اللي تبيها موجوده فيها
هي فعلاً كل الصفات اللي أبيها فيها موجوده بس المشكله الاساسيه أكبر مني بسنتين وانا حاط أبالي من يوم فكرت بالزواج اتزوج وحده أصغر مني بثلاث سنين او اربع ؟؟
وانا أنسان قلبي رحوم واذا تذكرت ان هالبنت تعاني بمسألة الزواج يحن قلبي عليها ..
وانا الحين محتار ومسألة العمر بيني وبينكم تخوفني .. ؟؟ .. خاصة ان البنت توقف عن سن الانجاب في الاربعين تقريباً
برايكم هل فارق السن يأثر ؟؟ وأبي رايكم بمشكلتي وأبي مشورتكم الله يوفقكم
أخوكم رجال
20-11-2006, 10:21 PM
ضوابط المشاركة
العرض الشجري