عطوني رايكم في موعد زواجي - منتدى عالم الأسرة والمجتمع
logo

الملاحظات

المقبلين على الزواج مواضيع تهم المقبلين على الزواج من الرجال والنساء

موضوع مغلق
أدوات الموضوع
انواع عرض الموضوع
قديم 10-03-2007, 09:57 AM
  #1
GTT
عضو جديد
تاريخ التسجيل: Feb 2007
المشاركات: 21
GTT غير متصل  
mama2 عطوني رايكم في موعد زواجي

السلام عليكم

قبل لا أبتدي احب اوصف لكم وظعي الحالي عاشن تقدرون تعطوني رايكم
انا طالب جامعي ادرس في امريكا وعمري الحين 21 وبدخل على 22 بعد كم شهر ونا ادرس سنه في الخارج وارجع شهر واحد بس والي هو شهر 12 عشان اشوف اهلي.
المهم اناطلبت من اهلي يخطبولي يوم كان عمري 20 سنه, المهم اول شي رفظوا بس يوم عرف اني جاد بالزواج وانا مالعب وافقوا( طبعاً هذا بعد التهديدات الي سويتها لهم ان اخذ امريكيه ) وعلى فكره انا ماكنت جاد يوم قلت لهم انا باخذ امريكيه. المهم
الوالده ماقصرت جابتلي صور البنت ومدحتها لي غير هذا هي تقربلي وانا اعرفها بس ماشفنا بعض اكثر من 9 سنوات, انا ماعندي اعتراض على البنت جمال واخلاقهاو اعرفها لانها تقربلي.

شهر (يناير) رجعت امريكا اكمل دراستي, وبعدها بأسبوعين وصلني الخبر الحلو بأنهم وافقو, وحددت مع هلي انه يكون موعد الملكه شهر 12 الجاي قصدي في 2006 . يوم رجعت شهر 12 اهلي كلمو ام العروس عشان تحديد موعد الملكه, بس للاسف رفضوا لانهم يتبعون نظام الملكه بعدين الزواج بأسبوع على الاقل, والصراحه انا ماكان عندي مانع ابداً لانه من حقهم خايفين اني اغير رايي

هذي كانت اول صدمه لي وعديتها وانا فرحان ومن غير مشاكل, طلبت من هلي انهم يجيبولي صور جديده بس ماقدروا البنت ماتحب تتصور, لان الصور الاوله عمرها اكثر من 4 سنوات يوم شفتها يعني اكيد تغيرت البنت, خصوصاً انهم مايسمحون بالرؤيه الشرعيه وهذ الشي ظايقني بس على كثر ماتمدحلي الوالده لي في جمالها واخلاقها اقول صبرواً كريم والله المستعان


الحين وصلنا للسؤال, طلبت من اهلي انه يكون موعد الزواج بالصيف الجاي بس الوالد ماعنده قدره على الصيف, بس قالي ماعنده اي مشكله شهر 12 الجاي2007

طلبت انه يكون شهر 12 عشان اكون في اجازه ولما ارجع تجي معاي امريكا, المهم انه اهل العروس يبون العرس في قاعه وهاذي القاعه محجوزه من تاريخ 14 لين10 فبراير وانا ارجع تاريخ 12 ديسمبر لين 16 يناير

فأهل العروس عطوني المواعيد التاليه للزواح
من 1-14 ديسمبر
احتمال بعيد انه يحصلون تاريخ 22 ديسمبر
او 10 فبراير
او صيف 2008


اهلي نصحوني باني ما اتزوج من 1-14 ديسمبر للاسباب التاليه
- انا ارجع تاريخ 12 يعني مايمديني اتجهز
- لانه شهر ذو الحجه

تاريخ 22 لين الحين مافي اي كلام اكيد انهم يحصلون قاعه, بس لو حصول أنحلت مشكلتي ويكون العيد عيدين اول عيد عيد الاضحى والثاني زواجي

وتاريخ 10 فبراير بيكون صعب لانه لازم اطوف سمستر كامل عشان الزواج

والصيف ماعندي مانع بس احسه بيعد وانا محبط على الصيف والصراحه فنى صبر خصوصاً وانا جالس بشقه لوحدي في امريكا ومليت من كل شي زهقت ابي حد يسأل عني ( يعني متغرب عن هلي)


الولده نصحتني بالصيف عشان اتفرغ حق الزواج لمدة 3 شهور

أبي رياك / رايج متى اتزوج لاني محتار وهذا الموضوع شاغل فكري

على فكلا اخواني تزوجوا وهم اصغر من 21
والختام اسمحولي على التفصيل الي يزهق
قديم 10-03-2007, 10:14 AM
  #2
3thooooooob
قلب المنتدى النابض
تاريخ التسجيل: Aug 2005
المشاركات: 2,407
3thooooooob غير متصل  
شوف يا اخوي
الله بلاني يواحد مثلك يدرس بامريكا خخخخخخخخخخ
بس عادي وصل قبل الزواج ب 4 ايام
وتزوجنا
اذا والدك كان مثل عمي الله يطول بعمره
حط ايدك ورجلك بماي بارده
خل عليه موضوع الترتيبات
وانت ما عليك الا تجهز تجهيزات بسيطه
وممكن تبدأ تشتري من امريكا
البيجامات والعطور وغيرها
واحجز الفنادق عن طريق الانترنت
وبعدها باسبوع خذ عروسك وارجع معاها لامريكا
هونها وتهون
قديم 10-03-2007, 10:16 AM
  #3
RoOoD
كبار شخصيات المنتدى
 الصورة الرمزية RoOoD
تاريخ التسجيل: Dec 2003
المشاركات: 2,885
RoOoD غير متصل  



اخوي صراحه اتلخبطت ..

بس انت شوف الموعد المناسب لك اللى تقدر تكون فيه جاهز ,,

وتقدر ترجع لأهلك فيه ..

وافضل اخوي تشوفها قبل الزواج ..

وهذا حقك الشرعي المفورض ما احد يزعل ..

لأن نظرة امك غير نظرتك مهما كان ..

ومبروك .. والله يوفقك ويسعدك دنيا وآخره ..

لا تنسى الاستخاره استخير الله .. وهو بييسر لك الافضل ..


قديم 10-03-2007, 11:50 AM
  #4
GTT
عضو جديد
تاريخ التسجيل: Feb 2007
المشاركات: 21
GTT غير متصل  
اقتباس:
المشاركة الأصلية كتبت بواسطة 3thooooooob
شوف يا اخوي
الله بلاني يواحد مثلك يدرس بامريكا خخخخخخخخخخ
بس عادي وصل قبل الزواج ب 4 ايام
وتزوجنا
اذا والدك كان مثل عمي الله يطول بعمره
حط ايدك ورجلك بماي بارده
خل عليه موضوع الترتيبات
وانت ما عليك الا تجهز تجهيزات بسيطه
وممكن تبدأ تشتري من امريكا
البيجامات والعطور وغيرها
واحجز الفنادق عن طريق الانترنت
وبعدها باسبوع خذ عروسك وارجع معاها لامريكا
هونها وتهون
مشكور على الرد بس مثل ماقلت لك اهلي يقولولي بيكون ذو الحجه وانت تعرف اغلب الناس يحجون

يوم انك في امريكا عندي لك سؤال ثاني
هل الزواج اثر على دراستك بشكل كبير ؟
قديم 10-03-2007, 11:53 AM
  #5
GTT
عضو جديد
تاريخ التسجيل: Feb 2007
المشاركات: 21
GTT غير متصل  
اقتباس:
المشاركة الأصلية كتبت بواسطة RoOd



اخوي صراحه اتلخبطت ..

بس انت شوف الموعد المناسب لك اللى تقدر تكون فيه جاهز ,,

وتقدر ترجع لأهلك فيه ..

وافضل اخوي تشوفها قبل الزواج ..

وهذا حقك الشرعي المفورض ما احد يزعل ..

لأن نظرة امك غير نظرتك مهما كان ..

ومبروك .. والله يوفقك ويسعدك دنيا وآخره ..

لا تنسى الاستخاره استخير الله .. وهو بييسر لك الافضل ..


انا اول شي ماكنت ابي ا حد يقربلي بس يوم صليت الاستخاره انشرح صدري وارتحت لها سبحان الله
وموضوع الرؤيه الشرعيه كلمتهم كذا مره بس لا حياة لمن تنادي
المشكله اني في امريكا وماقدر اكلمهم كل يوم واحن على راسهم لاني مشغول بالدراسه
قديم 10-03-2007, 01:06 PM
  #6
ليفربول
عضو نشيط
تاريخ التسجيل: Jan 2007
المشاركات: 183
ليفربول غير متصل  
ماكان ودي أقول لك كذا!
بس اذا تقدر تصبر للصيف يمكن يكون أريح لك انك تشرف على كل حاجة زي ما تحب ويمكن يكون أسهل لوالدك لاني كأني فهمت من كلامك انه راح يتكفل بمصاريف الزواج والعرس؟

بالتوفيق أخي الكريم وانتبه لنفسك من بنات بني الأصفر
قديم 10-03-2007, 05:12 PM
  #7
3thooooooob
قلب المنتدى النابض
تاريخ التسجيل: Aug 2005
المشاركات: 2,407
3thooooooob غير متصل  
سلامة نظرك اخوي جي تي
هههههه
انا زوجة اللي مسافر امريكا
طيب يا خوي مافي غير تخليها على العيد
ومثل ما قلت العيد يصير عيدين

اما عن دراسة زوجي فانا اقترحت عليه اني اذا رحت عنده اكمل دراستي بعد
او ممكن تخليها تدخل معهد انجليزي عشان تنشغل عنك
قديم 11-03-2007, 09:41 AM
  #8
GTT
عضو جديد
تاريخ التسجيل: Feb 2007
المشاركات: 21
GTT غير متصل  
اقتباس:
المشاركة الأصلية كتبت بواسطة 3thooooooob
سلامة نظرك اخوي جي تي
هههههه
انا زوجة اللي مسافر امريكا
طيب يا خوي مافي غير تخليها على العيد
ومثل ما قلت العيد يصير عيدين

اما عن دراسة زوجي فانا اقترحت عليه اني اذا رحت عنده اكمل دراستي بعد
او ممكن تخليها تدخل معهد انجليزي عشان تنشغل عنك
لوول اسف ماركزت
أما بانسبه لدراسة مرتي في الخارح فأنا ارفظها تماماً , بس لو معهد انجليزي افكر فيها بس مش اكيد الغيره في دمي زايده اشوي لوول الله يعين مرتي علي
مره ثانيه اسفه اختي على هذي الغلطه
قديم 11-03-2007, 06:21 PM
  #9
الغالية انا
عضو دائم
تاريخ التسجيل: Mar 2007
المشاركات: 62
الغالية انا غير متصل  
خلها في الصيف احسن حتى لا تنضغط وعندك 3 شهور تجلس معاها ...

لا تستعجل .. هذا زواج مو لعبة
موضوع مغلق

مواقع النشر


ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 04:55 PM.


images