20سنه ... وصغيرة على الزواج أشك
السلام عليكم
هذي أول مشاركة لي في المنتدى هذا وأنا سجلت فيه علشان أسألكم رأيكم في مشكلة أواجهها
أمي... أدري إنها تحبني مرررة وتخاف عليا وتبغا مصلحتي ... لكن في شيء يزعلني منها
وهي انها دايما تعاملني كطفلة في كل شي تقريبا ...وأنا عادي مااعترضت ممشية حالي ومبسوطة
لكن مرة قاعدة تكلمني تقولي انا ابغاكي تجيبي الماجستر والدكتوراة..قلتلها لأ أنا يدوبك اخلص البكالويس بعد سنتين وخلااص...طلت لي بنظرة مافهمت معناها.. يمكن استنكار او تأنيب والله ماادري .
وقالت لي:أيش ناوية تسوين يعني بعد البكالوريس(في نفسي قلت)زي كل البنات اتزوج... لكني سكت
بعد هذي الحادثة انتبهت أكثر لتلميحات أمي وكأنها ماتبغاني أتزوج
مثلا تقول انا بعد سنتين اتقاعد ونقعد سوا انا وانتي في البيت (ليه ياأمي تفاولي عليا)
مرة تتكلم مع جدتي تقولها ريناد انخطبت (مو أنا وحدة تانية نفس اسمي)
قالت جدتي وايش رديتوا؟... قالتلها لااااااااااااااااا مو بنتي دي وحدة تانية بنتي لسة صغيرة (مع العلم انو هديك البنت اصغر مني ب3 سنين)...
مرة امي تبغا تخطب لأخويا بنت عمرها 17 سنة قلتلها صغيرة...قالت لي لأ وأعطتني محاضرة كيف انه الحرمة تكبر بسرعة وتتعب من الحمل ..وأحسن تتزوج بدري وتخلف في أول شبابها
حتى اخويا قبل مااروح زواج ولا شي يقول شكلك حتنخطبي اليوم... أمي على طول تهاوشوا
لأ بنتي لسه صغيرة
وغيرها مواقف كثيرررررر
طيب أنا أبغا أفهم شي مادام وجهة نظر أمي مو معارضة لزواج الصغيرات
ليش أنا لأ...مع العلم مو ناقصني شي حلوة ومؤدبة وجامعية وأهلي يمدحون فيا وفي أخلاقي..
أنا اللي أعرفه ان كل الامهات يتمنوا يفرحوا ببناتهم ..ايش معنى أمي ؟؟ :14:
والله انه فكرت أني مااراح اتزوج اترسخت في بالي...أحيانا أبكي لمجرد أني أتخيل نفسي عايشة وحيدة وكل اخواني يتزوجوا وبروحوا .. وهنا المشكلة ... حتى صحباتي لاحظوا أني دايما اتكلم عن خوفي من العنوسة... واني مرعوبة من فكرة أعيش لحالي ولا فبيت واحد من اخواني ومرتوا تبهدلني وووو
هل ان مش طبيعية ... ولا أمي خايفة عليا زيادة على اللزوم...واذا في شي لازم اسويه قولولي
ملاحظة : انا عمري 20 سنة وأنا البنت الوحيدة وسط أخواني
30-04-2007, 04:14 PM
ضوابط المشاركة
العرض الشجري