السلام عليكم اما بعد
لا ادري كيف اخبركم بماااااا حصل
علمااااااا انا وحيد والدتي ونعيش معاااااااااا ولا اخرج من المنزل (انطوائي) بس ازعل تتضايق علما بان شخصيتي مهزوزة ودائماااااااا ساكت احمد الله اني تخرجت من الجاااامعة قبل سنتين والا ن اعمل بمستشفى التخصصي والدتي طلبت من بنت خالتي وهي تعمل معي بالمستشفى ان تبحث لي عن بنت حلال وتراعيني المهم بنت خالتي مااااقصرت حصلت لي بنت تخاف الله هذاا كلة بدون علمي ذهبت والدتي وخااااالتي يزرون اهل البنت فتعرفواااااااااا عليهم فاخبرتني والدتي عن الموضوع فقلت لازم اشوف البنت فحددت بنت خالتي موعد معاااااهم فاتصل بي والدهااااااا فحددت موعد لزيارتهم والحمد لله فذهبت للموعد اللي حصل ضيعت البيت فتصلت فوصفلي وبعدين ذهبت للمنزل فسلمت علية فدخلت ثم بدا يسااال عن عملي وكم راتبي وهل اناا جاهز فقال هل تريد ان تشوف البنت فمااا رديت علية وجهي حمر فدخل عند اهلة وبعدين قال تفضل بالدخول دخلت الصالة وجلس مع والدتهاااااا ثم دخلت البنت ومعهااااااااا العصير والله لماااا دخلت نزلت عيني لا شعورياااااااااااا فجلست البنت شوي فذهبت وبعدين رجعت للبيت واناااااااا منحرج ومتضايق فقابلت والدتي وخالاتي يسالوني بشر عجبتك فقلت والله دخلت علي وماشفتهاااا

بنت خالتي زعلت اهلي كلهم فذهبت للمناوبة بالمستشفى وانااااااا متضايق فاتصل ابو البنت عل والدتي اخبرهاااااااا انااااااا رافض والدكي والسبب انة ماهو قادر يحافظ عل بنتي وحتضلمي ولدكي بتزوجة الان صحيح انكي مربيتة وتعبت علية بس هذا الواقع
صعب الوااااااااحد يروح يخطب وينرد؟

أخي ما فهمت ؟؟؟
يعني ماقدرت تلفت لوجهها
تحصل خطيب اختي كدة خرج وما شاف أختي
بالعكس احنا انبسطنا وقلنا الولد الظاهر محترم مرررررة
يعني لدرجة ما قدر يشوفها فإذا كان قصدك انك انحرجت عادي مو شكلة
بس ليش ابو البنت اتصل ورفض ويش عملت انت ؟؟؟
معلش اسفة بس والله ما فهمت ارجو التوضيح عشان الكل يقدر يساعدك !!!

المفروووض انك تكون اجراء شوي من كذا

الزواج يبيله قوة قلب وصلابه وماينفع الحياء ابــــــــــدآ ...

روح لدكتور نفسي فورآ...

وابداء العلاج والله يوفقك

__________________

تشنغل في مستشفى؟؟وعندك مناوبه؟؟يعني دكتور؟؟
مو غريبه شوي انك قدرت تكون دكتور ولسه تستحي؟؟بعدين الدكاتره طبيعه عملهم يبغالها جراءه وقوه وشجاعه..واذا ما كانت عندك هذي الصفات اكيد راح تكتسبها عشان طبيعه عملك عشان كذا انصحك تستنى كمان سنه او اثنين لما تبنى شخصيه اقوى وبعدين تتقدم للخطبه..هل انت مستعجل عالزواج؟؟
صدقني لو تنتظر سنه او اثنين او ثلاثه بيكون احسن لك واحسن لبنت الناس الي راح تاخذها..ترى مشاكل الزواج مهي سهله ويبغالها واحد فاااهم وله شخصيته..بما انك دكتور فصدقني باذن الله شخصيتك راح تتغير كليا بعد كم سنه من العمل..والله يوفقك ويحقق لك الي تتمناه ويرزقك بنت الحلال الي تسعدها وتسعدك..وبعدين في حل ثاني اذا انت مستعجل ..ليش ما تخطب وحده من زميلاتك في العمل؟؟اكيد راح تكون شايفتك وعارفه شخصيتك وانت نفس الشي..وبهذا تضمن انك ما راح تتعرض للرفض او الاحراج في وقت الشوفه الشرعيه..
وعلى فكره اعرف بنات كثار يحبو الي مثل شخصيتك يعني خجول وما يتكلم كثير لانه غالبا يكون محترم وما يغلط على احد..يعني على قول المثل لكل بضاعه كيال..على ما اعتقد انه كذا..يعني راح تصادف بنات تعجبهم الشخصيه الي مثلك فلا تشيل هم..

طبيعة شغلك المفروض تكون واخد منها الجرئة وقوة الشخصية ربما انت حديت في العمل وصغير بالسن قليل الخبرة في تعامل مع الغير اكيدمع الوقت حتكسر حاجز الخجل وحتقوي شخصيتك حاول تخالط زمالئك في اوقات الفراغ وكون صداقات على اساس تخرج من عزلتك وخجلك
يمكن رفض ا بو البنت حاس انك غير قادر خصوصا لو لاحض عليك خجل الزائد وعدم اشباع رغبته في الكلام وارتباكك كان اجد ر ان تزورهم برفقت حد من اهلك حتى يكسر حاجز الصمت والخجل فلا داعي اخي لتدمر اكسب تقتك بنفسك وخالي راسك مرفوع مهما كان ربنا يرزقك بالزوجة الصالحة ان شاءالله
الله يسعدك ويوفقك

__________________

	ربي لا تدرني فردا وانت خير الوارتيين

يا أخي ليش متضايق الغلط مو فيك في ابو البنت والدليل انه ما عطاك وقت اتفكر سيدة اتصل حتى البنت ما مداها اتفكر انت لا تضايق وهاي شي طبيعي انك تستحي لانك ما كنت مرتب انك اتشوف العروسة ...
الله يعوضة غبرها ...

__________________

نقل إلى عالم المقبلين على الزواج .. مكانه الانسب ..

وفقكم الله ..

__________________
فـيْ آليومَ الوآحِد نستطيعَ آن ننسـْى الف لحظه نريدَ الإحتفَآظ بــهآ

وبـِ نفَس اليومَ نِستَعيَد لحظَهَ نُـريد نِسيـآنهآ ..

شكراااااا عل ردودكم وتفاعلكم انا ماني بدكتور عملي اخصائي تغذية انا انطوائي جدا ودائماااااا اذا جيت اتكلم صوتي واطي الحمد لله الكل يحترمني ويذكروني بالخير وقت الاجازة المشكلة متضايق باني انرديت يااااااااااااجماعة علما ان ام البنت والبنت موافقة بس ابوهاااااااا رفض بحجة اني ماني على قد المسؤلية وطلب من والدتي ان لا تستعجل
وبعدين ماقدرت التفت لهاااااااااا لدرجة اني عرقت ويسالوني وسااااااكت ماتكلمت لدرجة ان بنت خالتي تقول ان البنت موافقة عليك وتقول ماني محصل واحد طيب ويفهم طبيعة الا مثل ولد خالتكي خالد

وبعدين ماني مستعجل على الزواج بس والدتي بما اني وحيدها تبي تفرح لي وكل خالاتي يبغوني اتزوج ووعدوني انهم ياقفون معاي وشكثر فرحواااااا لما تخرجت وعملت في المستشفى

اين والدك؟
وما سبب انطوائتك ؟؟
هل كان لتربية والدتك سبب في ذلك؟؟!!

اخوي انا مافهمت ليش والد البنت رفضك !!!

لكن انت المفروض يكون لك رأي بالموضوع يعني لما تتزوج المفروض تقدم على هالخطوة لأنك انت تبغى تتزوج مو علشان امك وخالاتك يبغونك تتزوج !!

لو سألتك البنت بكرا ايش الي خلاك تفكر بالزواج وش بتقولها ؟؟؟ هل بتقولها علشان امي تبغاني اتزوج؟؟؟ وقتها البنت بتحس انك ماعندك شخصية وانك ولد امك ( اعذرني على هالكلام) لكن انا استنتجت من كلامك انك مالك رأي بالموضوع وان امك وخالاتك يمشونك على كيفهم ...

وبعدين انت متضايق علشان ابوها رفضك !! يااخوي عادي الزواج قسمة ونصيب وانت مو اول ولا اخر واحد يخطب وينرد ... وبعدين ليش تتضايق اصلا يعني هل انت اعجبتك البنت ومتحسف عليها!! مو انت تقول انك ماقدرت ترفع راسك وتشوفها اصلا!!!

هل فكرت ان الزواج يبي مصاريف ؟؟ هل سألت نفسك انت قادر على مصاريف الزواج ولا لا؟؟ لا تقولي خالاتك بيساعدونك .... الزواج ماهو مهر وشبكة وبيت لا ياخوي الزواج اكبر من كذا ... انا ما اخوفك من الزواج لكن انا احس انك مافكرت بالموضوع بشكل جيد وبتعمق ...

وبعدين اخوي انت تقول ان شخصيتك مهزوزة !!! يعني تعرف وين مشكلتك ... معناته قبل ماتفكر بالزواج لازم ترسم شخصيتك اولا ويكون لك شخصية مستقلة وتكون واثق من نفسك... وممكن تزور اخصائي نفسي ترى ماهو عيب بالعكس العيب انك تكون عارف ان عندك عيوب وماتعالجها ...

ولا تنبسط كثييير لأن البنت معجبة فيك لأنها لسه ماعرفتك كويس لكن لو تزوجتها وانت على هالحال راح تنصدم بشخصيتك المهزوزة على قولتك وبيصير بينكم مشاكل مالها اخر ..

اعذرني اخوي طولت عليك ويمكن قسيت عليك بالكلام لكن والله حسيت انك مثل اخوي وحبيت اساعدك بالنصيحة ولو اني قسيت عليك شوي لكن سامحني واعذرني ...

والله يوفقك يااااارب