طبعا بعد كل اجازه ومع بداية كل دوام
اسمع نفس الاسئله مع بعض علامات التعجب
ماتزوجتي؟؟
فيه اخبار حلوه؟؟
ها عسى صار شئ؟
وتتفاوت ردة فعلي بين الابتسام والرد "لو فيه شئ ببشركم"
نفس الاسئله و نفس الاجابات
ومنهن من يذبحها الفضول فتسترق نظرات الى يدي اليمنى يمكن تلمح شئ من هنا ولاهناك
الى هنا كل شئ عادي
لكن اللي مو عادي اللي صار معي اليوم
باختصار اعتبره اكثر موقف محرج ووقح وبايخ مريت فيه بحياتي
وحده معاي بالدوام شغلها الشاغل انا وقضية زواجي
ريماني غريبه ماتزوجتي؟؟ اكيد تتشرطين؟ فيه بنات بعائلتكم كبروا وماتزوجو؟
انتي ماعليك قاصر ليش ماتتزوجين فيه بنات اقل منك وتزوجوا؟؟
اسئله تدل على قلة الذوق وسعة الوجه
المهم
اكتشفت هي ان سواقي الخاص سعودي ومادريت ثاني يوم الا هي عندي بالمكتب
هي :ريماني سواقكم سعودي؟؟
انا : ايه
هي :ملتزم؟؟
انا : ايه ماشاء الله عليه
هي : طيب هو كبير ولاصغير
انا بكل براءه :ممممم يعني يعتبر شاب
هي: تزوجيه طيب
انا بكل عفويه : الله لايقوله
هي: ليش عادي مافيها شئ (كنها تقول وتتشرطين وشايفه عمرك بعد)
انا : لاتعليق
هي: اجل اقعدي انتظري صاحب الحسب والنسب
من جد انصدمت من كلامها خاصه انها كانت جاده وهي تعرض علي اتزوج السواق
واللي صدمني اكثر اني 27 يعني مو كبيره مره لدرجة ان الناس يعرضون علي هالعرض
واللي صدمني اكثر واكثر ان الكل الحمدلله يمدح فيني وفي مواصفاتي
والى الحين يجوني خطاب بس اهلي لهم شروط معينه
انا من شدة الصدمه والله انربط لساني وماقدرت ارد
فيه ناس الى هذه الدرجه من الوقاحه؟؟ المصيبه ان علاقتي معها رسميه
ماادري انا قاعده على راسها ولاعند اهلي؟
لما رجعت البيت ندمت لاني مارديت عليها وخليتها تثمن كلامها
انا والله مااقلل من قيمة السواق كانسان لكن ماارضى على نفسي اني افكر مجرد تفكير
اني اخذ واحد يشتغل عندنا والله لايحدني يارب على هالشئ وكل ناس ولهم مواخيذهم
الى اليوم مو عارفه شلون اتصرف مع هالانسانه؟؟؟؟ وكيف اتعامل معها؟
صدق من قال اللي استحوا ماتو وشبعو موت

__________________

ياااااااارب فرجا عاجلا من عندك
اللهم اغنني بحلالك عن حرامك ومن فضلك عمن سواك
وارزقني زوجا صالحا قرة عين لي

ياحبيبتي لاتزعلين نفسك والا شي في ناس كذا الله يهديهم ابدا ماعندهم فن الحوار يعني بالعاميه مايعرفون يتكلمون زين او مايعرفون يعبرون صح للي يبغونه يمكن هي من جد شايله همك وتحتيك يمكن خايفه يفوتك قطار الزواج على قولتهم وماقصدها ابد ابد تجرحك او شي من هالقبيل


بعدين حبيبتي ليش اهلك مايوافقون على الى يتقدمون لك يعني لمتى يرفضون الطلاب الين مايصير احد يخطبك المفروض تكلمين واحد من اخوانك الى ترتاحين له وتحسينه يفهك تقولين له يكلم الوالد وخوانك ويقولهم انك مو صغيرة والعمر يمشي والبنت مو كل يوم تخطب

ماشاء الله لا اله الا الله كثير بالمنتدى اقراء ان في بعض الى بالقسم هذا ينخطبون كثير لكن مايوافقون مثلك ماشاء الله طيب ليش اذا انتي مانقصك شي
واكيد مو كل الى تقدمولك مو زينين طيب ليش التاخير هنا السؤال ؟؟؟؟؟؟؟؟؟


اللهم لااعتراض لحكم والحمدلله على كل حال عندك انا وخواتي مانخطبنا للان سبحان الله والحمدلله الذى لايحمد على مكروة سواة عشان كذا انا منقهرة منكم انتم يالى تنخطبون استخيروا وتوكلوا على الله الى متى تنتظرون يعني



حتى بالاخير من كثر مواضيع العين بالقسم خفت نكون فينا عين انا وخواتي ا<<<<<صرت اشك صراحه ههههههههههه والحمدلله على كل حال



والله يوفقك ويرزقك قبل ماتغيب شمس بكرة قووووووووووووولي ااااااااااااااامين انتي وخواتي انا وجميع بنات المنتدى والمسلمين الازواج الصالحين

__________________
ياكثر ماعندك من خير يارحيم
بس يبغى لنا شويه صبر
الحمدلله كما ينبغي لجلال وجهك وعظيم سلطانك

يا حبيبتي الله يرزقك بالزوج الصالح وبعدين هذي الادميه ليه ماسكتيها بكلمتين تخلينها تكره ابو اليوم الي ولدة فيه وش حارقها هذي .............عجيبه وسخيفه في نفس الوقت
حسبي الله ونعم الوكيل0

__________________
اللهم لا تجعلني فردا وحيدا وانت خير الوارثين

النوعية اللي مثل نوعية زميلتك ماينفع معها إلا الصمــت واللامبالاة

وكأنها تتكلم مع نفسهـا ..

لا تندمين لأنك مارديتي بالعكس أنا أؤيد ردة فعلك وصدقيني مش ضعف منك

لكن ترتقين بنفسك عن هالعقليات وتأكدي بأنه أي نقص تشوفينه فيها يمثلها فقط

وإحنا مسؤولين عن تصرفاتنا ولا يتضايق خاطرك أبداً .

الله يرزقك ويرزقنا ياريماني باللي يسعدنا ونسعده يـــــارب .

في الحديث المتفق عليه عن سهل بن سعد قال مر رجل على رسول الله صلى الله عليه وسلم فقال

رجل عنده جالس ما رأيك في هذا ؟ فقال رجل من أشراف الناس هذا والله حري إن خطب أن ينكح وإن

شفع أن يشفع . قال فسكت رسول الله صلى الله عليه وسلم ثم مر على رجل فقال له رسول الله صلى

الله عليه وسلم ما رأيك في هذا ؟ فقال يا رسول الله هذا رجل من فقراء المسلمين هذا حري إن خطب أن

لا ينكح . وإن شفع أن لا يشفع . وإن قال أن لا يسمع لقوله . فقال رسول الله صلى الله عليه وسلم :

هذا خير من ملء الأرض مثل هذا .


فأنت لست بأعلى شرف ولا نسب من خديجة رضي الله عنها فلقد تزوجت صبيها الذي يعمل

عندها لأنها عرفت قيمة الرجل ولم تترفع أنه صبيها , فنظرتها أشمل وأسع ادراكا منكِ ,مع أن ذلك

قبل اسلامها وقبل النبوة , وأنت الأيام كفيلة أن تعرفك قيمة هذا الشاب الملتزم .. سواء تزوجتي أو لم

تتزوجي ..

قبل سنة من الان تحدث امام المسجد عن رجل يعرفه شخصيا وهو حارس مدرسة بنات أن تزوج

مديرة المدرسة والوكيلة .. وهو حارس فقرااااااااااااااااااااان

بعض الناس عندهم لقافه زايده
او يكون مزحهم ثقيل دم

وبعدين مادري وش حارق رزها زميلتك
كانك قاعده على قلبها او تصرف عليييك

المهم ماعليك منها وطنشيهاااااااااا
والمفروض اول ماقالت لك تزوجيه كان قلتيلها تزوجيه انتي او زوجيه اختك
وسعي صدرك ياوخيتي
لو تزوجتي الناس بيقولون مافي شي بالطريق
وان ولدتي ........قالوا يله شدي حيلك جيبي له اخووو...يعني مافيه فككككككككه
وربي الناس مايتركون احد بحااااااااااااااااااااااااااااااااااااااااااااااله

الله يرزقك بالرجل الصالح والذريه الصالحه يارب

__________________
حكمه غاليه أهديها لك: من وجد الله فماذا فقد ؟؟ ومن فقد الله فماذا وجد؟؟؟

لو علينا ماعندنا مانع نتزوج الرجل الطيب الصالح سواء كان سواق او حتى حارس او وزير .. لكن كلام الناس والاهل اللي يتشرطو يمنعنا من ذلك ..


حبيبتي محد راح يجبرك تتزوجي شخص بعينه لكن لا تتعالي على احد حتى وانا كان سواقكم .. يعني كان ماقلتي لاعوذ بالله انا اتزوج سواق .. كان قلتي الولد ماينعاب وحتى شغله مايعيبه مو احسن من الولد اللي عنده فلوس الدنيا ونايم وصايع هنا وهنا ..



شوفي اختي صديقتك هاذي من النوعيه اللي ماينسكت على كلامها وتطنشيه لازم تردي عليها وتوقفيها عند حدها لانها مع الوقت بتتمادى .. ارجعي لمواضيع شوبارد وشوفي كيف كانت توقف هاذي النوعيه عند حدها ماشاء الله عليها الله يحميها ويكفها شر الحاسدين ..


الله يسهل امرك وامورنا .. ويرزقكم ماتتنيه عاجلا غير اجل

__________________


اللهم فرج كربتي ويسر امري واكتب لي الخير يارب

الله يرزقك بالزوج الصالح

بس لاتتكبرين وتتعالين على احد بسبب مهنته

والله اني يوم اشوف شبابنا يشتغلون في الاسواق والمطاعم افرح بهم وادعيلهم لانهم احسن وافضل من اللي جالس ماكل وشارب ولاحاس بالمسؤولية

لو قلتِ :
" مش لمّا يخطبني الأوّل " ..!؟

النوعيّة هذه .. الله يعينها ع حالها
ما ننتقص من العالم .. وأنّى يكون لنا
لكن .. أسلوبها قدييييم ..
حتى ما فيها تغيّر فيه شويّا ؟

الله ييسّر لك ولنا الحياة الطيّبة آآآمين ،،

ههههههههه والله انها تحفة البنت هاذي الله يهديها ..

الأفضل انك تطنشيها ..!!!

__________________