السلام عليكم انا ماعندي احد اقول له مشكلتي الا انتم لاني تائهة مادري وشلون الحل
احب امي اموت فيها الله يخليها لي ويطول بعمرها
انا مشكلتي امي تكره زوجي والمشكله انها قدامة تبين انها تحبة وهي حتى الدعاء ماتبي تدعي له
حتى اولادي يحسون انها تكره بس مايتكلمون
وزوجي طيب معاها ولا يدري اصلا عن شي
مادري وش الحل؟
كيف اخلي امي تحب زوجي وتدعيله وتدعيلي

جيبي لها هدايا وقولي هذي زوجي اشتهاها لك يا امي

اعزميها ببيتكم وخلي زوجك موجود يرحب بها

ولا تنسين الدعاء يا اختي اهم شئ

طلعوها مشاوير معاكم سوق او حديقه او اي مشوار هي تحبه

وربي يكتب الي فيه الخير

__________________

حلوه افكار الاخت جينز

حاولي تطبقينها وخبرينا

هلا أختي

إن شاء الله الأمور تتحسن للأفضل

بس أبغى أقولك على بعض الأمور إلي ممكن تغير مشاعر أمك إتجاه زوجك....

1)حاولي دايم تمدحينه قدامها

2)ولو يوم زعلك لا تعلمينها قوليلها إنه دايم يرضيك ومايزعلك لأن الأم ماتحب أحد يزعل بنتها

3)وإنت أكيد تتصلي في أمك كل يوم وتسألي عن أحوالها خليه حتى هو يشاركك بالإتصال

4)وطبعاً مثل ماقلولك الأخوات جنز وعناديه في حكاية الطلعات والخرجات

5)وأخر شي وهو الحل الأكيد بأذن الله الدعاء دائماً....... فالدعاء ياعزيزتي مخ العبادة

وإن شاء الله يفرج همك

وتقبلي مروري

أشتري هداااايا وأعطيها أمك وقولي هذه الهدية من عند زوجي أو أتركي زوجك يسلمها إياها 000كره أمك شيء طبيعي لأن أمك واااضح أنها تحبك بالحييل فجاء رجل غريب وأخذها منها ماذا تتوقعين منها ؟ الجواب سوف تغار منه وتكرهه ن نفس الحال على أم الزوج تأتي غريبة وتسحب ولدها من بين يديها فماذا تتوقعون؟ الجواب أن أم الزوج سوف تغار من هذه الفتاة التي أخذت هذا الشاب من أمه 000الحل هو الصبر والدعاء والهدايا القيمة بين فترة وأخرى واجعلي زوجك يعزم أمك في البيت أو في أي مكان في البر ، البحر ، او استراحة والله يصلح شأنهما

__________________

	لادار للمرء بعد الموت يسكنها**إلا التي كان قبل الموت بانيها فاءن بناهابخيرطاب ساكنها**وإن بناهابشرخاب بانيها وأعمل لدارالبقاء رضوان خازنها**الجار أحمد والرحمن بانيها أرض لها ذهب والمسك طينتها**والزعفران حشيش نابت فيها

شكرا لكم وتفاعلكم معي الله يجزيكم خيرا والله اني حاولت حتى خليته هو يعطيها هدايا وفلوس وانا ماقولها عن اي شي يسويلي حتى اذا كنت متهاوشه بس
مادري سبحان الله يعني اذا سوى لها شي وقلت ترى ابو فلان سوالك كذا ابي انها تدعيليه تقول الله يعطيه العافية بس كانها مغصوبه ولا ترفع صوتها
بس انا ماقول ابدا لامي ليش ماتحبين زوجي لاني مابي احرجها
ان شا الله يارب انها تحبه وتتمنى له الخير امين

امي ماتحب زوجة اخوي وزوجة اخوي اخت زوجي هل ممكن يكون السبب؟
وانا احس انه السبب وانا اقول لها يامه ترى الاخوان مختلفين في الطباع

ممكن يكون سبب........

بس ليه ما تسألينها والله مافيه احلى من المصارحه

__________________





سبحان الله وبحمده سبحان الله العظيم

يااختى ان كانت تعامله بالحسنى ولا تبدى له عدم محبتها
فلا ضرر هناك واستمرى بحياتك ولا تزعجى نفسك بهذا الامر