كرهت نظرات الناس لابني

ملبت كرهتهم يارب ارحمني

ادري انهم يحبوني وخايفين انه في مشكله بس هالنظرات ترفع ضغطي تحسسني ان ابني غير الناس

كلماتهم الجارحه (فلانه اذكى من فلان) فلان يحتاج لدكتور نطق وديه شوفي له صرفه

ولدي عمره سنتين وثلاثة اشهر الى الان مايتكلم كلماته مرة بسيطة ماما بابا نروح حمامة العاب فلان

وفلانه (اسمي واسم ابوه) حبيبي حياتي وبعض الكلمات المعدودة
ا
ما باقي الكلمات مايطلعهاواضحة ابدا ماينفهم بس ينطق لحن الكلمه واحسه بصعوبه

ودايما خرابيط والله ياناس اتفشل اذا جلس يخربط واحس كل النظرات عليه هو بسم الله عليه طويل تعطينه

اربع سنين لكن كلامه واذا رحت مكان غريب وسالوه عن اسمه مايعرف ويستغربون حياتي والله هو احسه

ينقهر لحد بدا يعيد كلماته وتخنقه العبرة اليوم رايحة بيت اهلي وكل العادة تبدا المقارنات بينه وبين بنت

اخوي اللي اصغرمنه وتتكلم وشوفو كيف الاهتمام لها وتطنيش ولدي

لان ولدي شقي مرة ولا يتعامل الا بالضرب يمكن علشاني اضربه دايم بس هو عنيد مرة وش اسوي معه

هل ابني فعلا غبي ابي الجواب بصراحه لان اللي يتاخر بالكلام الاغلب انه غبي لكن ولدي فيه شئ زين

يعرف يلعب بالقيم بوي وكانه كبير وكل ماوصل شئ عجز عنه عطاني وصار يعرف قبل مابوصل الشئ الصعب

يعطيني ها وش رايكم رجلي معيي اوديه دكتور يقول طبيعي بالعكس هو ذكي وانا مليت مررررررة من

__________________
المعرف بالاسم لزوجي ابو ربيعه لكن من يكتب هي انا ام ربيعة
[line]

	اخوات افتقدناهم غموض السنين واتمنى ترجع تبشرنا بزواجها عاشقة الرياض واتمنى ترجع تبشرنا بولادتها

أنا أتوقع طبيييييييييييييييييييييييييييييييعي جداً وبعدين البنات دائماً يتكلمو ن قبل الأولاد وأفصح ويمكن هو الأول صح ؟؟مافبه أحد بعمره يتكلم معه وهذا سبب
أنا ولدي كذا كان وكانوا يقولون عنه (غبي) وكنت أزعل جداً والحمدلله مافيه شي وهالحين عمرة 8 وطبيعي
طالما إنه يتكلم ولو كلمات بسيطة فهو طبيعي،وإذا كنت خايفه وديه لدكتور لتطمئني
ويمكن ضربك له دور حراااام تضربينه وهو صغير وعناده يعني أنا موجود أعطيني من وقتك ...العبي معاه ألعاب تعتمد على الكلام والمحادثة .

انا بنتي عمرها سنه و 8 شهور و نفس الشي
و ما شا الله عليها طويله شكلها ام 4 سنين
و اشوف الاطفال اللي اصغر منها ما شا الله يتكلمون (و بالطول اقصر منها بوااااااايد)
ما ادري اذا السالفه متعلقه بالطول!!
بس امي تقول اني ما تكلمت الا لما كملت 3 سنين
تقول حتى الناس كانوا يقولون عني خرسا
مع اني كنت ذكيه بس ما اتكلم
و نفس الشي بنتي احسها ذكيه بس ما تتكلم
يلا ان شا الله يتكلمون قريبا

__________________

اري ان الولد بالكلمات التي ذكرتيها معقول جدا في النمو و صحيح ممكن البعض يسبقة و لكنة ليس سيىء
اولا عليكي بكثرة الحديث معه و التاكد من السمع لان السمع مرتبط جدا بالكلام و عليكي ايضا بالبعد عن الضرب و الاذي البدني و عناد الاطفال في هذا السن طبيعي جدا وهو يحاول عمل شخصية لنفسة بهذا السن اجعلية يخالط الاطفال من سنة و سوف يتقدم بسرعة جدا معهم
المهم لا تقلقي هو مازال صغير و سوف يتحسن مع الوقت

تحياتي

د نبيل

الوالده الله يحفظها بدت تتكلم لمن صار عمرها 4 سنين !

وهي انسانه جامعيه وطيبه وذكيه وطبيعيه ولله الحمد

طبيعي , وأنصحك حددي له ساعة باليوم للجيم بوي , لأن التركيز عليه له أثر سلبي وطفلك بمرحلة نمو .

__________________
سبحان الله وبحمده سبحان الله العظيم
سبحانك اللهم وبحمدك أشهد أن لاإله إلا أنت, أستغفرك وأتوب إليك

الله يجزاكم خير ريحتوني شوي وارجو ممن كان لديه خبره ايضا ان يدلو بدلوه
و اسفة ان كلامي كان مخربط بس لاني كنت توني جايه ومنقهره جدا
وعلى طاري انه طويل هذها تساؤل لحاله بس من القهر اللي فيني خلطت الكلام
السؤال انه لما كان عمره ست شهور قالت الدكتورة انه طويل مرة وتعدى الطول الطبيعي ولازم تجبينه لي اذا كمل السنه علشان اشوف (وش على بالها بتوقف طوله) انا ماوديته لها وش رايكم

__________________
المعرف بالاسم لزوجي ابو ربيعه لكن من يكتب هي انا ام ربيعة
[line]

	اخوات افتقدناهم غموض السنين واتمنى ترجع تبشرنا بزواجها عاشقة الرياض واتمنى ترجع تبشرنا بولادتها

أختي
أنا أخي لما كان صغير كانت عنده نفس حالة ابنك يمكن كان أكتر شوي كان ما بيتكلم أبد يستعمل حرف أأأأأأولا آآه لكل شي يريد أن يشير له ,وكثر الكلام عليه لانه تأخر وما ينطق , واحدة تقول ماراح يتكلم ووحدة تقول وديه لدكتور وثالثة تقول وديه للمشايخ يتعالج بالقرآن...وللعلم هو ما بدأ يتكلم الا في بداية 3 سنوات وكان يستعمل الاهاية لين ما أكمل 5 سنين كان بيجطها فمحفضته وهو رايح المدرسة ,ولما تنشغل المعلمة يخرجها ويمصها شوي في السر ويرجعها الى أن ملها من نفسه وتركها والان عمره 12 سنة الله يبارك فيه وما يقدر أحد يسكته أذا احنا مجموعين ما يتكلم حدا الا هو صار كثيييييير الكلام ,كأنه السنوات اللي تأخرها وما تكلم خزنها وبيفرغ المخزون الان
اصبري عليه أختي عادي ابنك ما فيه شيء الاطفال مختلفين لايتكلمون في سن واحد
هذا رأيي ومن تجربة واذا ما انت مرتاحة وديه لدكتور..
تحياتي معذرة طولت في الكتابة بس حابة اسرد لك تجربة أخوي بس لكي تطمني ..
تقبلي مروري

__________________
اختكم laylanas

نعيبب زماننا والعيب فينا°°وما لزماننا عيب سوانا

نسيت أقولك تأكدي من السمع عنده...

عادي اختي

انا ولدي صار قرب 4 سنوات وهو ما يتكلم الا كلمات بسيطه ومش مفهومه

يعني لو تكلم محد يفهمه الا انا ويقعدو يقولو يلا ترجمي لنا

وعاد عن الاهتمام بهذا وتطنيش الطفل الثاني كثري منها

الحين عمره 12 سنه ومحد يجاريه في الكلام بسم الله ماشاء الله عليه


يعني لاتخافي راح يتكلم