بسم الله الرحمن الرحيم
بداية أنا صاحب موضوع
((أهل خطيبتي يكلفونني فوق طاقتي))
واللي قرأ الموضوع أكيد فاكر اللي حصل واللي لم يقرأ هاقول نبذة صغيره عن المشكلة
المشكلة إن أهل خطيبتي بيحملوني بطلبات فوق طاقتي
هم مش بيطلبو هدايا
لكن بيطلبو إن كل حاجة تكون من النوع الغالي والمتين واللي يستحمل سنين
كل ده كويس بس في الوقت الحالي صعب عليا
وأنا لم رحت واتقدمت فهمتهم إن حالتي المادية مش كبيرة بس مش عارف أعمل إيه معاهم
ودلوقتي بيقولولي على الفرح اللي لسه فاضل عليه 8شهور عايزين يعملوه في أحسن النوادي
ماشي أنا معاهم إن من حقهم يفرحو ببنتهم بس أنا ظروفي كدة
وخطيبتي لما آجي أتكلم معاها بتقول ((معرفش اتفقوا مع بعض واللي هاتعملوه ماشي))
من الواضح إنها بتطلع من الموضوع بطريقة حلوه
على فكرة هم ظروفهم المادية مش عالية علشان يطلبو الحاجات دي
بس لأنهم مش هم اللي هايدفعو فيطلبو اللي هم عايزينه
وأنا مش عارف أعمل إيه
ماشي الفرح يتعمل كويس بس مش لازم في أغلى النوادي
الفرح تقريباً على تكلفتهم هم مش هايقل عن ثلاث آلاف جنيه
وأنا بصراحة مقدرش أدفع مبلغ زي ده وهم بيقولو ممكن نأجل الفرح شوية
لحد ما تكون فلوس الفرح
طب ده كلام
أنا بقول ان الفرح يتعمل في قاعة صغيره مش لازم كبيره
أأجل الزواج علشان خاطر أحوش فلوس الفرح
نأجل الزواج علشان شوية مظاهر
أنا بصراحة بدأت أخاف إن تكون خطيبتي مش من النوع اللي بيقدر الظروف
على فكرة أنا حتى لو معايا المبلغ ده صعب إني أدفع مبلغ زي ده في ساعتين هانعقدهم في الكوشة
يعني الساعة بـ 1500جنيه
طب ماحنا أولى بيها نروح بيها في أي مصيف أو شرم الشيخ أو الغردقة نقعد بيهم 10 أو 15 يوم
صح وللا أنا غلطان
حاولت أفهمهم كدة مافيش فايدة
الفرح ده المعازيم هم اللي هايفرحو بس أما العريس بيطلع عينيه في الفلوس اللي هاتصرف على الفاضي علشان خاطر ساعتين بس
طب مانخليها فرح صغير وفي نادي برده بس على القد
ممكن تقولولي رأيكم أنا مش عارف إذا كان تفكيري ده صح وللا لأ
وخصوصاً الآنسات والمتزوجات يقولولي رأيهم وأعمل إيه في الموضوع ده
والسلام عليكم

تم تعديل العنوان بما يفصح عن محتوى النص
المشرف / شاطئ المحبة

الله يعينك اخوي بس لازم توقف اهل خطيبتك عند حدهم و تقول لهم هذا الي اقدر اسويه و الزواج عمر مش ليله بس و اذا يبون سعادة بنتهم يرضون بالموجود و الله يساعدك .

ماعليش يمكن اكون قاسي شوي في ردي
يالله العجب
؟
الأيام هذه فيها الأسعار شابة ناااار وعالية جدا
المقبل على الزواج بيكون في حالة يرثى لها من ديون ومصاريف مالها اول ولاتالي
العائلة الموقرة هذه ( يبغوا يسترون على بنتهم ؟؟ وألا يبغوا السمعة في كل ديار وبالأخير الرجال ماكلها هموم بديونه وطااق من ملابسه ؟؟)
( الديون لما تتراكم على الرجل من هنا & السعادة والفرح تطلع من هنا )
كيف يبغوا لبنتهم عيشة السعادة ومع الوقت غارقينه في مصاريف وديون الله يبعدنا عنها
....................................
امسك بيد أبو العيلة وقول له ؟ ياخال ياعم أنا راجل مدخولي المادي على قدي
وأبغى الأمور كذا وكذا إذا أنت بتوافق ( حاول تكون على قدر المستطاع )
؟ وألا من الوجه للوجه أبيض أنا ماعندي استعداد لها الخساير
لاتنسى ياأخي نصيحة الخساير هذه كلها بتكون عليك أنت ؟ مش على أحد ثاني وفكر مضبوط

بداية اتمنى من الله ان يتمم زوجكما على خير عاجلا غير اجلا ان شاء الله

اخى ان كان هذا النادى مشترك ويجتمع فيه النساء والرجال فى قاعة واحدة فانت ستتحمل كل الذنوب التى ستحدث وقتها من نظرات وتعارف غير مشروع وكلمات واغانى الى غير هذا
فتخيل وقتها انك تتكلف فوق طاقتك لتدخل النار وهنا اذكرك بقول الله تعالى
وَمَن يَتَّقِ اللَّهَ يَجْعَل لَّهُ مَخْرَجاً [الطلاق : 2]
اى تمتنع عن هذا خوفا من الله وتقوى له وليس من اجل توفير المال وهنا ستجد الله معينك على تخطى الموقف

اما اذا كان النادى منفصل الرجال فى قاعة والنساء فى قاعة فهنا يمكن ان تاخذ موقفا جديا
حيث تقول لخطيبتك انك لا تمانع ان تلبي لها طلبها ولكنك لا تمتلك الان المال الكافى لذلك ومنهك فى الديون فعليكما تاخير ميعاد الزواج 6 شهور زيادة حتى يتسنى لك جمع المبلغ
وانا على ثقة انها ستتنازل عن طلبها وقتها ان شاء الله فى سبيل ان يظل ميعاد الفرح كما هو
وذكرها ان الزوج لا ينسى ابذا لزوجته المواقف التى وقفت فيها بجابنبه وكم كانت قنوعة اذا راته متعسر ماديا ويكون هذا سببا للود فى الحياة الزوجية
اما اذا كانت طماعة ولا تقدر الظروف فعند اى موقف يحدث بعد الزواج يذكرها انها كانت ترهقه ماديا ولم تعينه او تتنازل لكى تسير الامور سلسة
الله ييسر لك امرك ويرزقك من حيث لا تحتسب

__________________

شكراً يا أختي أم أغلى البشر على النصيحة وده اللي أنا قلته أكثر من مرة
أما أخي مرعش هدب فأشكرك أخي على النصيحة وإن شاء الله هاروح لأبوها النهاردة واتكلم معاه
وربنا يقدم اللي فيه الخير
بس إنتو من رأيكم إن خطبتي كده ممكن متكونش بتقدر ظروفي
زائد إن فيه حاجات أنا حاسسها
أنا متأكد إنها على الأقل معجبة بيا
بس حاسس إنها مش من النوع اللي ممكن يبادر لو عرفت إن فيه حاجه بتسعدني إنها تعملها
حاسس إنها مش هاتقدم على خطوة إلا لو أنا عملتها الأول
حاسس إنها سايبة الموضوع على أهلها لو الموضوع تم خير ولو ما تمش ماتفرقش
مش عارف ده إحساس قاتلني
لأني والله بحبها
بس أنا من النوع اللي لو مابتحبنيش أكتر من حبي ليها ماينفعش إني أتجوزها
أنا عارف إنها من النوع الخجول
بس أنا مش أول مرة أمشي مع بنت وأقدر أعرف الفرق بين الخجل وطريقة تفكير البنت
الخجل ممكن يخلي البنت لو خطيبها ماتصلش بيها لظروف هي عارفاها تتصل بيه مرة على الأقل في اليوم علشان ما تشغلوش
بس مش ممكن تخليها تقعد بالاسبوع ماتتصلش بيه وساعات عشر أيام وأسبوعين مع العلم إنها عارفة إنو مش هايقدر يتصل بيها وإنه بيزعل لما ما بتتصلش بيه
مش عارف
أنا حاسس إني مش فارق معاها أنا أو غيري
السلام عليكم

لازم اخوي تكون صريح وواضح من البداية قوي قلبك وقل لهم بصريح العبارة انك مب قادر على كل المصاريف ومب لازم الفرح يكون مكلف جدا علشان يصير حلو ممكن بشوية توفير يطلع حلو جدا بس خليك حازم من البداية لا ياخذوا عليك انك تضغط على نفسك على شانهم لانه راح يكون ديدنهم خليهم يحسبوا لك الف حساب والله يوفقكم

أخي الكريم

أولا لا تظلم خطيبتك ربما اهلها يضغطون عليها
عليك ان تتحدث معها اولا لتعرف رأيها في هذا الامر

و اذا قالت لك اتفقوا مع بعضكم قل لها اود ان اعرف رأيك انت لا رأي اهلك و بعدها نتفق

بالطبع انت لديك كل الحق في موقفك و عليك ان تتمسك به
لا داعي للمصاريف الزائدة التي لا يوجد منها طائل
انتم اولى بهذ الاموال كما قلت تسافرون او تشتروا شئ في المنزل او حتى تشتري لها به هدية (ذهب مثلا)

و عليهم ان يقدروا ظروفك المالية

و لكنه تفاهم معهم بهدوء

يسر الله لك امرك و اتم زواجك على خير

يعني اكثر من 32 الف ريال سعودي

أبو ربيعة إن شاء الله ما تعمل في بنك وصراف
والا حتبقى مشكلة ..................
عزيزي
3000 جنيه مصري = 2000 ريال سعودي ليست أكثر

حبيت أوضح لك ياخوي ... والسموحة منك

__________________

السلام عليكم
أهلاً بيكم إخواني وأخواتي ولكل من شاهد أو رد على موضوعي
أنا الحمد لله ذهبت إلى والد العروسة وكان متجاوب جداً
وقال لي ماتخافش وكان متفاهم جداً
والحمد لله الموضوع عدا على خير وربنا يسهل
وأشكركم جميعاً وكل من رد على استفساري
وربنا يجازيكم خير
والسلام عليكم