هالمره ... سويسرول مالح !! - منتدى عالم الأسرة والمجتمع

16-06-2008, 05:21 AM

الغد الأجمل

عضو متألق

تاريخ التسجيل: Apr 2008

المشاركات: 618

هالمره ... سويسرول مالح !!

السلام عليكم ورحمة الله ....

الله يعينكم ... مدحتوني وحمستوني .... وهذي النتيجه .... كل يوم بالمطبخ أتفنن !!

أمس ... وبما أننا في فترة اختبارات ... فسويت عشاء خفيف لطيف ظريف ... يوصل لغرفة كل واحد جالس

يذاكر!

العشاء كان عباره عن ( سويسرول ماالح ) >>> خير ياطير ؟ مستغربين ليش؟؟ جت عالسويسرول يعني؟؟

المهم ... هو ماطلع السويسرول نفسه... بس يشبه له مررره .... تقولون يقرب له !

مقادير العجينه (عجينة العشر دقائق) هي كالتالي:

في الخلاط :

كاستين مويه دافيه + كاستين دقيق + ملاعق حليب بودرة + 2 ملعقة كبيرة خميره + ملح + فنجان سكر

تخلط لمدة عشر دقائق ... ونعجن فيها 3 كاسات دقيق مع ربع كاس زيت ... حتى تتماسك كما في الصورة :

[IMG]

[/IMG]

الحشوه المعدة مسبقا ً وهي (حشوه هندية) ... مقاديرها كالتالي:

بطاطس مسلوق + بصل مفروم ناعم + بصل أخضر + ثوم + بقدونس وكزبره + فلفل بارد وفلفل حار

البهارات هي :

ماجي+ فلفل أحمر بودرة + رشة قرفه + رشة هيل + رشة زنجبيل + فلفل أسود + كمون مطحون

نحط شوية زيت زيتون في مقلاة كبيرة ... نضيف عليها البصل بنوعيه والفلفل بنوعيه ونقلبهم شوي الين

يذبلوا .. بعدين نحط البطاطس بعد مانهرسها زين ... ونقلبهم الين يتجانسوا .... ونحط عليهم جميع البهارات

السابق ذكرها ... آخر شيء نحط البقدونس والكزبره ... نقلبهم شوي وبعدين نرفعها عن النار ..

نفرد العجينه بهذا الشكل ...

نقص أطرافها بهذا الشكل ..

[IMG]

[/IMG]

فهودي : الا تصورين عجينتي ياماما.... !! حاضر يافهودي ... طلباتك أوامر ...

وهذا فهد الله يحفظه لي يساعدني :

نوزع الحشوة عليها ... ( سويت نوعين: هندية ..ودجاج)

نطويها كما في الصورة ....

ثم نضعها في صينية الفرن ...

وهذي حشوة البطاطس ...

طبعا ً راح تلاحظون الفرق في الأحجام والأشكال ترى انا قاصده أسويها كذا >>> على مين تلعبينها!!

ولا تفووووتكم حقت فهد

[/url]

لا من جد ... الحشوه لما تكون كثيرة تتحكم في الشكل النهائي ...

المهم انتم ماعليكم من الشكل ... عليكم من الطعم ....

بعدين انا سويت خدعة راح تشوفونها في آخر صورة

هذي بعد ماطلعتها من الفرن ...

وهذي الخدعه .... قطعيها بشكل متساوي ... وقدميها بشكل حلو ... وابن امه يدري انها كانت حوسه بالصينية

تقبلوا تحياتي ... ولا تنسوني وولدي ّ من دعائكم ...

__________________

التعديل الأخير تم بواسطة مستكة_مستكة ; 16-06-2008 الساعة 09:10 AM السبب: روابط خارجية للصور

مواقع النشر

« الموضوع السابق | الموضوع التالي »

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 12:40 AM.

روابط سريعه