السلام عليكم ورحمة الله وبركاته
انا ياخوني ويااخواتي كنت اطلب منكم ادعوان الله يهدي ابي تعرفون ليش؟
حضر الخاطب إلى إبي أمس بعد صلاة المغرب ومن عادة ابي انه لايستقبل الخاطب في لباقة بل العكس ابي معروف عنه في الكبر وعدم احترام الناس وهو يرى الناس بانهم اقل منه دائما ولايبالي بهم 0 فطبعا لم يعيير الخاطب أي اهتمام فسأله عدة أسئلة
1ـ هل أنت متزوج فقال نعم ولى 9ابناء فرد عليه أبي الزوجة وعندك زوجة والاولاد الذين عندك يكفون 0ليش تتزوج
او تريد زوجة للمتعة فقال الخاطب انا لم اطلب الزواج أ لا لاني محتاج له وايضا هي يرزقها الله اولاد 0فقال ابي أنت تريد ها ان تسدد لك اقساط او تشتري لك سيارة او تعطيك من راتبها 0 ترا مالك من راتبها ولا ريال فقال الخاطب الله يغنينا عنها وعن راتبها 0
2) من اين انتم قبليين او غير قبليين فقال الخاطب نحن من طبقتكم فقال أبي من هم جيرانكم وذكر لهم من هم جيرانهم فقال أبي إذا كان واحد في العائلة سمعته سيئة فهذا يعني انكم كلكم سيئن فقال الخاطب هذا ماهو كلام صحيح احيانا الاخوان يكون واحد صالح والاخر طالح نحن ونحن والحمد لله عائلة معروفة حتى الدخان لايوجد منا من يشربة فقال أبي وش قصدك يعني الدخان حرام ؟( لان ابي يدخن )
وقال له أبي امن يعرفك من الذين يبيعون المواد الغذائية فقال الخاطب مااعرف احد منهم فقال إذا مافيه أحد يعرفك فقال الخاطب0أسال عني في شغلي وفي الحارة وإمام المسجد
وقال له أبي ان عندي لك شروط تقص ظهرك وبعدين قام وتركه 0 هنا حس الخاطب بالاهانه ولم يأخذ الرجل منه لاحق ولا باطل0ومشي 0 وبعد ذلك دق علي الخاطب واخبرني بذلك وانا كنت خايفة من هذا وكنت معطيته خبر عن ابي بانه شديد شوي وقال عادي هذا من حقه لكنه تفجاء من اسلوبه وإهانه له قلت له هذا في البدايه بس وبعدين إذا اطمئن يعاملك زين وإذا كنت لك رغبة احاول مع ابي ثانية قال ماادري إنا غسلت ايدي من الموضوع0
مع العلم ان أبي لايعرف شي عن موضوع الإيجار اجل لو يعرف كان وش يسوي فيه 0

اذكر وحده من الأخوات سألتني لبش أنت لم تتزوجي إلا في سن 39 هالحين عرفتي ليش جلست إلى هذا السن 0ابي الله يهديه كل خوفه على فلوسي اكثر مني لدرجة أني كرهتها0لانها هي سبب تعاستي أبي عنده مبدأ ان التي عندها فلوس ماهي بحاجة لشئ 0 ودي احس لو مرة انه مهتم فيني انه خايف علي انه يفكر فيني وين اروح بعدين 0 خلاص عندك فلوس وعندك بيت هذا يكفي ومافيه احد يبيك إلا عشان فلوسك 0وياليته انه من النوع الذي يسال عنك او يفقدك احيانا اغيب عن البيت يومين مايدري وين انا فيه ولايسال كنت فين ابدا0 والله يالناس عمري مافرحت بخاطب لاني اعرف ابي واسلوبة مع الناس انا اقول ياليته يرفض في ادب وستر كان احفظ لماء وجهي لكن مع الاسف تهزئين واهانه 0في رجب جاني خاطب اقل شي قال له وش تبي فيها 0
وفي الساعة 10 مساء حضر أخي للبيت قلت له وش صار على موضوعي جاء الرجل قال نعم قلت وش سوتو قال نبي نسأل عنه وبعدين نشوف 0وشلون يسألون عنه والرجال راح 0

طيب وش رايكم هل ادق عليه واقول لهم انهم مازالوا ماشيين في الموضوع الا وش اسوي ؟