زوجتي انموذج انقلاب الحب إلى كره
بسم الله الرحمن الرحيم
ربما تذكرون الفيلم المكسيكي الذي دار بيني وبين زوجتي، منذ خروجها الى بيت اهلها، وحتى عادت بعد نحو 4 اشهر، والمشاكل التي دارت بيننا.
خلاصة الامر .. انها عادت بعد ان اشترطت ان لا اجبرها ان تتواصل مع اهلي اطلاقا الا برغبتها، وطبعا رغبتها الا تتواصل معهم،وامور اخرى كثيرة.
مربط الفرس، الان ، انني ياجماعه ضااااايق صدري ووالله اني متحملها اكثر شي عشان اولادي، سبحان الله ، والله يااخوان اني كنت احب حب من كل قلبي، وبكل صدق، يعلم الله اني كنت احب الخروج معها، والروحه والجيه تكون معها، ويعلم الله مدري وش صار فيني، صارت تركب معاي في السيارة كانها جالسه على وجهي مو على كرسي السياره.
لم يعد بيننا مشاكل لانني بكل بساطه لم اعد اتكلم في أي شيء، اصبح الصمت سيد الموقف من الباب الى الباب، اصبحت تبحث في "عين اعور" عن رد ولم تعد تجده عندي.
مؤخرا بدءت تطلب مني بحكم انها موظفه ان اشتري لها ارض لها شخصيا وتعلمون قصة الخلاف الذي حدث بيني وبينها في شراكة سابقة في قطعة ارض – لمن تابع القصة – طبعا اعتذرت منها وقلت خلي اهلك يدورون لك انا مااقدر، غير ان أي خير اسويه لك ينقلب شر لذلك انا اسف، امراءة غريبة، عندما رجعت من بيت اهلها، كانت حاطه في بالها انها تبغى تطنشني وماتدخلني في امورها زي راتبها وارض وخلافه، لما شافت اصلا انا مااعاد لي رغبه ادخل في أي موضوع يخصها "حقدت" وقلبت "180 درجة".
في السنوات الماضيه كانت تجيب اشياء للبيت ولي وللاولاد، لما اختلفنا عادتها كلها وعايرتنا فيها، طبعا بعد مارجعت لو تجيب قطعة شوكولاته من فلوسها مااكلت منها، يعني احيانا تشتري حاجه من مدرستها، وتجيبها، طبعا مااقول مااكل منها، اقول مالي نفس، وهي تحاول تأكلني تحاول ، اقول والله مااحبها، في قرارة نفسها عاااااارفه، بس تحاول تصلح الموضوع باي شكل، مرة طفشت قالت لي " انت ماعندك حلول وسط" رديت برد مختصر " تعلمت منك".
لكن في كل هالسالفه واللي مضايقني مو فلوس ولا خلاف ولا غيره، صراحه هي ماااااتطيق اهلي، وماااعاد اقدر اجبرها عليهم، لان بيتنا على الهاوية، وانا اقتنعت ان مافيها خير لا لي ولا لهم.
واهلي امتنعو عن زيارتي تماما، والمسافة بعيدة، واولادي صغار وماقدر اخذهم لهم، لانهم عارفين انها ماتحبهم، ومايبغون يدخلون في أي مشاكل ويشتتون اولادي لدرجة ان ابوي يقول"حافظ على اولادك اهم شي".
انا يعرفني الجميع، وهذا سبب خلافي مع زوجتي، احب والدي ووالدتي كثيرا واحمد الله هم راضين علي، حتى الان مع كل خلافات زوجتي قائم بكل حقوقهم، لكن ... الصراحة انها قااااافله معااااي ... ماني قادر اتحملها بهذا الشكل،،،، ولاني قادر اصلحها ... وصعب اني اشرد اولادي وانا شفت وضعهم في المرة الماضية، ولو شردتهم النتيجة واحده يعني بيضيعون وماحلينا مشكله.
__________________
المستريح الي من العقل خاااااالي
05-05-2009, 09:53 AM
ضوابط المشاركة
العرض الشجري