السلام عليكم ورحمة الله..

يا أمهااااااااااااااات.. أنا شوي وأتجنن!!

أرجوكم اللي عندها حل أو تعرف أحد تدلني عليه قبل لا تروح بنتي فيها!!!


مشكلتي .. بنتي عمرها سنتين.. شيطانية شويه.. وحبوبه.. مسويه لي جو حليو في البيت..

بس في بعض المرات تجيها عساااااااااااااااارة ماتنطــــــــــاقهذي أول نقطه..

النقطة الثانيه.. إذا كانت تبي شي .. أو أخذت منها شي.. وهي مصرة أنها تبيه..

تقعد تصرخ وتظرب براسها على الجدار أو الأرض أو الباب أو أو أو ألخ.. لدرجه أنه خشمها يصب دم من اللي تسويه


وطبعا هذا كله أحتجاج أو أعتراض أو مدري وش نسميه!!!!!


وش الحل معاها؟


لو أعطيتها اللي تبيه راح تستخدم هذي الطريقة كل مابغت شي.. وطبعا انا راسي يابس مستحيل أطاوعها..

ولو أستمريت أتجاهلها راح يضر ألظرب على النظر والراس ..


واليوم صرت أصفق معاها وأقول أيوا أظربي بقوة تعالي هنا وأأشر لها على المكان اللي تصقع راسها فيه.. وأقول يالا كمان زيااااااادة.. صارت تطالعني بإستغراب

كأنها تقول : وش فيها أمي أنهبلت

بس إذا تعودت على تصرفي هذا بترجع على الظرب مرة ثانية!!!!!

للمعلوميه هذي الحالة تجيها في اليوم مالا يقل عن ثلاث مرات يوميا..والله ياجماعة أزمة..

__________________
سئلت اي الرجال تحبين؟؟
قلت : من اختلط عنده الحب والخوف علي..
عذرا- ليس هناك حب كحب ((أبــــــي))