نفسيتي محطمه
بسم الله الرحمن الرحيم
السلام عليكم ورحمة الله وبركاته
راح اتكلم عن نفسي انا عمري 23 سنه مشكلتي بدت من يوم كان عمري 7 سنوات
توفى ابوي وتزوجت امي ومن هنا بدت مشكلتي مع زوج امي
صار يستغل طفولتي من اجل اغتصابي وما كنت اخبر احد من الخوف وكان يهددني اني اذا تكلمت
يخبر اهلي بالي يصير بي ومن غبائي كنت اخاف واصدق بس والله ما كنت اميز وش الي يصير بي
وكان يستغل حاجتي واني يتيمه كان يجيب لي لعب وحلاو كنت اكره هالشي الي يصير بس ما كنت اميزه
صدقوني اني اكتب لكم وانااابكي من القهر الي احس فيه ..مرت سنوات على هالشي ولاني قادره انساه
ولما كبرت وصار عمري 14 حسيته يبي نفس الشي من اختي الي من امي وابوي ممو بنته طبعا لانه جاب من امي بس الحمد لله انها تكلمت لي وانا ساعدتها بالوقت المناسب ولا صار له الي صار لي ..
بس انا محد ساعدني وطاح الفاس بالراس ..
ومرت السنوات وصورته الكريهه ببالي وهو عايش واشوفه كل يوم قدامي
وادعي عليه بالموت الي هدم مسقبلي ...ولما صار عمري 22 وبدو العرسان يطقون الباب وانا خاايفه وكنت ارفض
وفيه واحد يقرب للعائله كان يحبني وويطلبني كذا مره بس انا ما كنت
ابي اظلمه معي وكنت خايفه بنفس الوقت انه اذا خبرته بالي صار يتركني .
لاني حبيته ولا كنت ابوح له لاني اقول لانفسي اني ما استحق اعيش مثل غيري احب وانحب واتزوج ..
بس هو متمسك فيني وحاولت كذا مره اصده بس ظل متمسك فيني ..
الين قررت ابوح له واشوف وش يسوي ..
خبرته بالي صار بي وانا صغيره وكنت ابكي وخايفه من ردة الفعل .. بس ما علمته من الي عمل بي هالشي لاني مابي فضايح ومخليه حساابه هالحقير لرب العالمين ما خاب من يرجيه ..
ولما علمته بالي صار تمسك بي اكثر واصر ان حنا نتزوج .. وقال لي مو ذبك الي صار
والله حياتي معه الحين عمرها سنه ونص .. هو حنون وطيب وخلووق معي ويحبني ولا مره ذكرني بهالقصه
ولا لمح لي ..
بس المشككله فيني انا ..
مو قادره اندمج مع زوجي بالجماع .. وصورة القصه للان ببالي ..
واحيانا اتخيل زوجي انه هو نفس الشخص الحقير ..
بس ولا مره قلت لزوجي عن هالموضوع ولا شكيته لاحد لاني مابي اذكره بهالسالفه اذا هو ناسيها
صدقوني لي سنه ونص ولا حسيت بشي اسمه جماع ...
تعتقدون احتاج طبيب نفسي ؟؟؟؟؟؟؟؟؟
طيب اخبر زوجي بس خاايفه اذكره ؟؟؟؟؟؟؟
وش اسوي ابي اعيش حياه طبيعيه ؟؟؟
تكفون ادعو لي ..........وادعو ربي ينتقم لي منه ؟؟
28-02-2010, 09:35 AM
ضوابط المشاركة
العرض الشجري