السلام عليكم ورحمة الله وبركاته

ماادري كيف اقول هالموضوع اللي مضايقني حييييييييييل ... انا وزوجي وامه عايشين في بيت واحد هي في دور وانا في دور ... المهم فيه شغاله في البيت من ثلاث سنوات راحت ورجعت ... هالشغاله يمكن عمرها خمسين سنة مجننتني والله العظيم يرتفع ضغطي منها ... طبعا ماتطبخ ماتغسل ساحة او حوش البيت او حتى تكنسهم ... البيت والله وسخ جدددددا من الغبار وفيه غرف كثيرة مقفلة من هالموضوع ..

يعني تخيلوا فيه شغاله في البيت والاكل يوميا من برا !!! طبعا ايام ملكتي كان زوجي يقول لي ابي دايم تطبخين لي وانا والله العظيم رغم وجود طباخة عند اهلي الا اني كنت اطبخ له وارسل الاكل لخالتي .. وهكذا ...المشكلة صارت خالتي مايعجبها اكلي " اكتشفت بعدين ان الشغالة تقول لها اكلها مو زين "
خالتي تسمع للشغالة كثيييييييييييير وكلامها هو الصح ومستحيل اهي غلط ... تتخانق مع ولدها عشانها واشياء كثيرة

من طبيعتي مااحب ارد على الحريم الكبار آخذهم على قد عقلهم ... حتى لو تقول لي ليش تسوين كذا اقول لها سمي وش تبين ؟؟ امزح معها كثييييير وهي تحبني والحمد لله

الشغاله حاقدة علي بقووووووة تحس اني جيت وتزوجت ولدهم وبصير ست البيت .. طبعا انا مستحييييييل اكلمها او آمرها او اقول لها اغسلي هذا او ذاك لانها مستحيييييييييييل تسمع الكلام .. فاتجنبها مرررررة
ولما تصير حالة الفيلا عموما ماساوية اجيب شغالة من برا تنضفه والشيخة تجلس حاطه ايد على ايد

ماتتخيلون قد ايش تتعب نفسيتي منها ... تخيلوا وحدة تدفع لها راتب ومع ذلك ماتسوي شي !!! المشكلة الان كانت راح تنتهي لان ام زوجي تعبت منها وقالت خلاص ماعاد ابيها ترجع..لكن الحين قامت الشغاله تقول لها ابي ارجع " مستحييييييييل تلقى احد يدلعها مثل ام زوجي" فقالت لنا ام زوجي خلاص رجعوها ...
انا مااقدر استحملها بتاااااااااااتا وزوجي يقول ماراح اجيب شغاله ثانية البيت مايستاهل ... اقول له غيرها وجيب وحدة سنعة يقول مااقدر على امي اذا هي تبيها مااقدر اقووووووووول لا


آخر موقف صار اليوم طالعة انا وزوجي برا البيت ولما دخلت البيت كانت جالسة وراء الجدار جنب الدرج .. المهم مكانها مو واضح ابدا فلما جيت ارقى الدرج شفتها ارتعت قلت بسم الله !! والموقف قدام زوجي قامت هي قالت لي ليش انا خوفتك ؟؟ قلت ماشفت مكانك .. ودخلت غرفتي عادي الوضع

المهم سمعتها تبكي عند خالتي ماحطيت في بالي اي شي قلت يمكن بنتها تعبانة او اي شي !
لما شفت خالتي بعد الموضوع بشوي قامت تعطيني محاضرة في الاخلاق ومدري ايش .. انا كنت ماخذة الموضوع مزح وقاعدة احاكيها وانا اضحك وزوجي معنا ..بعدين رحت لغرفتي وبعدها بساعة جا زوجي وقال صارت امي زعلانه عليك عشان فلانه لانك زعلتيها ... انا عصبت بقوووووووة ولا عمري تكلمت مع زوجي بهالصوت .. قلت الموقف قدامك ليش مادافعت عني ؟؟!! قال انا قلت لامي هي ماقالت شي ارتاعت وذكرت الله !! ياسلاااااام على الدفاع والله قمت ابكي وادعي عليها لانها دايم تشوه سمعتي عند خالتي ..

مرررررة زعلت من زوجي ليش ماادافع عني " طبعا لانها مو اول مرررررررة" بس هذي اول مرة يصير الموضوع قدامه ويسكت ..

مشكلة زوجي مايعرف ياخذ حقه ابداااا .. مايعرف يقول لاحد انت غلطت علي مستحييييييييييل .. طبعا شخصيته هذي خلت الكل مايحترمه حتى خواته اللي اصغر منه ..

الحين انا مرررررة متضايقة منها وحلفت معد اشوف خالتي ابدا الا بعد فترة طويله لاني شبه يومي اجلس معاها ..لانها تكلمت علي بسبب الشغاله

اللي قاهرني الحين زوجي ليش مطيح قيمتي قدام امه وشغالتهم خير ان شاء الله ؟؟ والله صارت زعله الحين معاه وشايله عليه بقووووة احسه مو سند لي

ايش الحل معاهم نوروني الله يفرج همكم ؟؟