تكفون ابي حل لمشكلتي انا متزوجه من 5اشهر تزوجت شاب مطلق ليس لديه اطفالجلس مع زوجته السابقه 5 سنوات صارحني بحبه لزوجته السابقه مع انها هي الي ماتبغاه يقول لي انا حبيتها وهي ماتستاهل الحب وانتي ماقدررت احبك مع انك تستاهلين كل الحب اذا سالته هو يحبني او لا يقول انا مااحبك بس لك غلا بقلبي ويقول لي ان زوجتي الاولى ماحبيتها الا بعد سنه تقريبا لان الحب اللي يجي بسررعه يروح بسرعهوهو من بعد زواجنا باسبوع تقريبا صارت تجيه ضيقه كان يقولي انه بس يتخيلها اذا رقى مع الدرج خصوصا انه ماغير البيت حتى اذا قربت يمه وصرت بجنبه يدزني ويبعدني ويقول مااحب احد يلصق فيني مشكلته انه معترف اني كامله والكامل وجهه الله يقول انتي جوهره ماقدرت افرط فيك من بدايه زواجنا لكن اللحين مااقدر ذبحتني الضيقه يقول وربي ماراح الاقي زيك حاشمتني ومقدرتني انا واهلي المشكله ان اهله واحنا راح نسافر بمشيئه الله لدوله عربيه بهدف السياحه وهو يقول هذي السفره اخر فرصه لنا ان زانت اوضاعنا والا راح اخليك عند اهلك 3 اسابيع ان استمرينا كذا راح ننفصل يعني بالكثير بيكون بشهر 10 الله يفرج همكم عطوني حلول وش اسوي انقذو بيت راح يتهدم نسيت اقولكم ان اهله متمسكين فيني وما يبغون الاولى لانها شايفه نفسها00ودمتم لي ذخرى

اطلبي منه كمحاولة جادة منه ورغبة في التحسن أن تغيرا المنزل ... لعل وعسى ..


سؤال مهم : كم مضى من الوقت بين طلاقه وزواجكما ؟؟؟؟

حبيبتي انتي المفروض مستعده لي هالاشياء مو بالساهل ينسى الاولى بهالبساطه وزي مايقولون العشرة ماتهون انتي روقي وهدي بالك واذكري الله كثير اللهم اشرح لي صدري ويسر لي امري اللهم يامالك الملك ملكني قلب من احوجتني اليه هدئي من روعك وكوني معه في كل حال سافر سافري معه عوديه عليك وخليه يشتكي لك اذا فيه ضيق قوليله عطني ماعندك وانا بعينك ادخلي قلبه وانتي الحين زوجته واذا شفتي مره ماتقدرين واهو متحسف على طليقته صارحيه قولي انا تعبت معاك ليش طلقتها وانت تحبها وخذتني حرام عليك تبي تطلقني بعد طلق ...
و ان شالله يصحى على حاله اهو طلقها 3 يعني بلا رجعه حتى تتزوج ثاني ويطلقها ؟
الله يفرج همك حبيبتي ومن ضاقت عليه استهدي بالله وعليك بالاستغفار ...

ومثل ماقلت المفروض انك حاطه اسوأ الاحتمالات ربي يفرج همك باين ان اهله محرضينه لين طلقها وانتي معجبين فيك وباخلاقك ربي يوفقك ...

هلا فيج اخت فرح
بإذن الله كل امورج بتتيسر وما ضاقت الا انها بتنفرج
طليقج جلس مع زوجته السابقة 5 سنوات..وهذي تعتبر عشرة عمر وصعب انه ينساها بفترة وجيزة...صح
باين ان زوجج عاطفي زيادة وهذه النقطة لصالحج لازم تستغلينها عدل
انتي توج عروس وهو ما تعود عليج
حاولي انج تجذبينه بأسلوب حلو كله دلع وطفووولة
سولفي معاه كثييير علشان يتعود عليج وبالتدريج ماراح يقدر يستغني عنج

الله يفرجها عليج وييسر كل امورج ياااارب
لاتنسيني من الدعــــــــاء
موفقة بعون الله

__________________
اللهم صلي وسلــم على سيدنا محمد
وعلى أصحـــاب وأزواج سـيدنا محـــمد
يارب إني مسني الضر وأنت أرحم الراحميـــــن..لا إله إلا أنت سبحانك إني كنت من الظالمين

هو طلقها بشهر 12 وزواجنا 28/4 هو طلقها لانها مستحقره اهله وماتطيقه وتحاول تزعله فهو عصب وطلقها المشكله انه في بدايه زواجنا قال اني قلت لها لو مايبقى بالبنات الا انتي ما اخذتك واللحين شكله حاط بباله انه يرجع لها وهو ماطلقها الا طلقه وحده تخيلوا حتى رجولوه ابوسها اقوله لانها هي اللي بتدخلني الجنه ماناقصني لاجمال ولا شي واهله لا والله حرام ماتدخلو بحياته لانهم مايعرفوني من قبل مادرو الا يوم جاء وقالهم تراي طلقتهابس وش رايكم وحده من عماتي قالت لي اسحبي عليه حاولي تغلين عليه لان الرجال يحبون الحرمه الصعبه وهو قد قالي انه يحب البنت قويه الشخصيه وانا طيبتي هي الي دمرتني وش رايكم؟

حبيبتي هدئي من روعك طبيعي هذا الشعور وخليك واثقة من نفسك الحمدلله مافي شي ناقصك

وبامكانك تكسبينه بالمعاملة الطيبة والكلمة الحلوة وخلي لك شخصيتك..

ولا تهتمين ولا على بالك وعليك بالدعاء خصوصا في هذي الايام ولا تنسينا من دعاءك

__________________

حبيبتي ثقي بالله ثقه تامه انه سبحانه بيصلح شانكم والله الذي لا اله الا هو اني مريت بظروف صعبه لك مع ذلك والله اني كنت واااااااااااااااااااااااااااثقه بالله انه بييسر امري والدعا والاستغفااااااااااااااااااااااار رااااااااااااااائع ودعاء الوالدين
والله يوفقك ويصلح اموركم ياااااااااااااااارب
وطمنيني عنك

لاحول ولا قوة إلا بالله

اللهم فرج همك ونفس كربتك وحبب زوجك فيك

أختي الكريمة

شيء طبيعي أن يكون فكر زوجك وقلبه يميل لطليقته لأنها أول حب بحياته وبينهم عشرة عمر خمس سنوات لاتقارن بخمسة أشهر

الي ممكن أقوله لك شوفي وش الصفات الي يحبها بطليقته وحاولي تسويها

أيضا ناقشيه وقولي له يعني ما يبنى بيت بدون حب ؟

البيوت تبنى على العشره بالمعروف قبل الحب والحب يأتي مع الوقت

وهل ترضى أن ترميني وأنا وافقت عليك ووهبتك نفسي ومشاعري وقلبي وقلت بنفسي وقتها ولد فلان ماراح يظلمني

حاولي أن تأتيه من جهة شهامته وكرمه ورجولته لعل الله يلين قلبه

أيضا أختي الكريمه لاتنسي سهام الليل فهي لاتخطئ

عليك بالدعاء في هذا الشهر الفضيل والتضرع لله سبحانه وتعالى ولاتنسي الثلث الأخير من الليل

أتمنى إني أكون قدمت لك مساعده

ولاتنسين أخوك من دعوه في ظهر الغيب وإن الله يرزقه الزوجه الصالحه ذات الدين والخلق والجمال ويجعلها قرة عين له

__________________
إن بعض القول فن ، فاجعل الاصغاء فناً ..
>> المعرف لرجل <<

وعليكم السلام


سبحان الله حال زوجك عجيب وغريب

كيف يحب وحده ما تقدره و ما تحترمه !!!!!!!

لو كانت العلاقة خارج إطار الحياة الزوجية ، وتعامل زوجك مع شخص لم يحترمه لقابله بعدم محبته !!!!

لكن ما أدري وش يصير بعقول الناس (خاصة الأزواج والزوجات) يحبون من لا يحترمهم ولا يقدرهم

ويموتون فيه ، هذا ذل ما بعده ذل !!!!



ثم أنت ليش تبوسين رجوله !!!! هذا اللي يجعله ما ينجذب لك ؟!!! و

فخليك على نصيحة عمتك وكوني قوية الشخصية
واثقلي إذا واجهك بهذا الكلام فهذا ما يبحث عنه ويجذبه لك




والله يصلح حالكما ويهدي زوجك ويقذف في قلبه حبك








عزوبي بس رجل

__________________

يا حي يا قيوم برحمتك أستغيث أصلح لي شأني كله ولا تكلني إلى نفسي طرفة عين

عليك بالدعاء


-أكثري من الاستغفار



-واظبي على قلراءة سورة البقرة كل يوم قراءة كاملة حتى يزول مابك من اذى فلربما انك محسودة او معمول لزوجك سحر -ربط

__________________

	لادار للمرء بعد الموت يسكنها**إلا التي كان قبل الموت بانيها فاءن بناهابخيرطاب ساكنها**وإن بناهابشرخاب بانيها وأعمل لدارالبقاء رضوان خازنها**الجار أحمد والرحمن بانيها أرض لها ذهب والمسك طينتها**والزعفران حشيش نابت فيها