مشكلتي .... جمال زوجي - منتدى عالم الأسرة والمجتمع

02-08-2010, 02:20 PM

عضو جديد

تاريخ التسجيل: Jun 2010

المشاركات: 21

مشكلتي .... جمال زوجي

انا فتاة على قدر من الجمال و(كنت) على ثقة كبيرة من نفسي
تقدم لي احد الشباب وفي يوم الشوفة فوجئت بكونه بارع الجمال .. أعني ان جماله ملفت ماشاء الله عليه
واخذت امي تغمز وتهمس بجماله .. وبعد بحث واستخارة تمت الموافقة
بدأت مشكلتي من قبل الزواج
في ملكتي جاء الناس يهنئوني بعد خروج العريس والكل يمدح عريسي وحسن اختياري في الوقت الذي اردت ان تكون الاضواء كلها لي خطفها مني -دون قصد منه-
لم اكن ابالي في البداية ولكن بعد زواجنا صار يستحيل الخروج معه .. انا اللي اعرفو الشباب يطالعو في البنات في الاسواق والمجمعات بس دايما يسير معانا العكس فملامحو الاوروبية تلفت الانتباه عليه
وكم مرة انتبه البنات يطالعو فيه ويتغامزو واللي يحرق دمي انو مافي اعتبار لوجودي

هو مرة خجول وعلى طول يحمر لمن يشوف كدة ويقوللي انت احلى من كل البنات وهادول اصلا ماعندهم خجل ولاحياء وانا عيني ماتشوف غيرك
والله ماسرت اخليه يلبس ثوب واحنا خارجين .. يلبس بنطلون عشان يحسبو اجنبي ويتركو في حالو !

حتى امي تفرق في معاملة ازواج اختي ودايما زوجي بكفة والباقيين بكفة وتقول انو زوجي مميز وحلو !! وهادا يجيب الخصام والغيرة بيني وبين اخواتي

والله ياناس يمكن تحسبو الموضوع هين بس مع الايام بيزيد حبي لو وتزيد غيرتي عليه وماسرنا نخرج الا ونرجع متخاصمين بسبب الموضوع دا ..
والله انا مو مقصرة معاه في البيت اتزين واكشخ ما ابغا عينو تزوغ
هادا واحنا لسة ما عندنا اولاد كيف لمن احمل وجسمي يتغير واتخن !!

اخاف الشيطان يوسوس ويقول ايش مقعدني وانا الف وحدة تتمناني
هو الحمدلله طيب مرة وحنون ويصلي ما اشوف عليه عيوب الا شكله !!
لو اقدر كنت قلتلو يغطي وجهو

فقدت ثقتي بنفسي وزهقت من مقارنات الناس بيني وبين زوجي !!

تتوقعو ايش الحل ؟؟

مواقع النشر

« الموضوع السابق | الموضوع التالي »

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 11:49 AM.

روابط سريعه