جفا زوجي
كل ماهممت ان اسطر لكم وضعي
واسرد لكم بعضا من خلافاتي
اعتصر الحزن قلبي فمنتصف الطريق
فاتراجع خطوة واتوارى
انها محاولة جديدة
علني هنا اكملها قبل ان الجأ الى خيار (تراجع )
اليكم بعضآ مني
اتمنى ان القى منكم ارشادا
انا متزوجة من 3 سنوات
العلاقة بيني وبين زوجي تمام الحمدلله
الا ان زوجي قليل الكلام صامت غالبا
جاااااف جداااااا ومايعرف يتكلم معي يعني ممكن ينفخ فيني اذا بيقول حاجة عادية
ولمن يكون جالس بالبيت يتصرف كأنه عايش لوحده
زي مثلا لوكان عنده اليوم اجازة يروح مشاويره ويجي يجلس مع بنتي شوي
وفجأة ما ادري الاوهو بالغرفة نااايم
مع اني اكون منتظرته اني اجي اجلس معاه او باجهز له قهوة او اي شي
يتصرف غاااااااالبا كانه عزوبي
وممكن نكون جالسين عادي وعندي سالفة احكيه عنها
فجأة يوقف يالله انا خارج !!!
احس ان المشاركة بيننا معدومة
هو هذا طبعه حتى مع اهله
ممكن يروح ويجي ومايقصر معاهم ولا معاي
باختصار هو طيب جدا جدا وكريم
لكنه انسان ماعنده اخلاق
ومايعرف يتعامل معي
يعمل لي نكد على كل شي
مثلا خارجين مشوار بسيط
يخاصم ليش تاخرتي
نازلة سوق ليش تاخذي العربية مالها داعي
ادخل السيارة احط بنتي فكرسيها يخاصم هاتي البنت هنا قدام حرام عليك
ولمن افهمه ان كدة افضل لها ولي انا ما يفهم يقول انتي كدة تحبي النظام في كل شي عامله
والموضوع اللي منكد حياتي الفترة الاخيرة
هو في العلاقة بيننا
لو مومحتاج ينام معي ممكن تمر ايام وايام ما يلمسني
ماتجي ايده بايدي
وقبل كم يوم شافني جالسة ابكي ومتضايقة جدا من وضعي
سالني خير ايش فيك ؟ قلت له انا مرة متضايقة ومستائة من هالحال
ان الايام تمر وانت لو مالك رغبة حتى سلام او حركة لطيفة تديني
قال طيب انا ذا طبعي
ووالله مشي ونام ولاكاني تكلمت ولاحتى مامسح علي ولاااااا
ما ادري ليه كدة يعمل مع اني ما اقصر معه
احس بجفا غريب منه
وكثير موااقف عجيبة اتمنى اكملها بس الحين قلبي واجعني
وسلامتكم
14-12-2010, 01:31 PM
ضوابط المشاركة
العرض الشجري