السلام عليكم ورحمه الله وبركاته..
الله يسعد ايامكم يارب

البارح كلمت خطيبتي (مملكين من سنة والزواج بعد اربع شهور ان شاء الله)
لانهم مسافرين من اربعه ايام لمدينة اخرى غير المدينة اللي انا ساكن فيها

فكان فيه سواليف شوي واسألها وش اشترت ومن هالحكي
والحمدالله اصبح عندها تحسن في تعبير مشاعرها احسن من بداية الملكة
لاني كنت اشتكي من هذي النقطة وماقصروا الأعضاء هنا بالنصح واستفدت الله يجزاهم خير

ولكن تفاجأت بعد ساعة من السواليف ان ابوها عندها نايم (حسب كلامها)
من جد عصبت لأن مالها داعي نتكلم كلام حلو ودلع وابوها عندها
قلتلها ليه ماقلتي من اول عشان مانزعجه او انك تخفضين صوتك
لان صوتها يسمعونه خلق الله كلهم
تقول ما اعرف اتكلم بصوت منخفض
ماطولت وقفلت

سؤالي وش هدفها تكلمني وابوها عندها لأني اعرف البنات يستحون وهي ماعندها مشكلة؟
هل هذا الشئ طبيعي وحدث معكم؟
وهل هناك خصوصية بين المخطوبين (المملكين) او لا؟

__________________

يامن ضاقت به الدنيا بما رحبت
هل دعوت الله وتوكلت عليه سبحانه وتعالى واخذت بالاسباب؟