تقدم لي واحد اصغر مني وخايفة شكلي مايعجبه
تقدم لي واحد عن طريق بنت عمه
اصغر مني بعشر شهور عمري 28 - عمره 27 وقريب يصير 28
خريج ثانوي وعائلته فقيرة عايشين على الضمان
وعائلته فري عادي البنات يكشفون على عيال عمهم ويطلعون معهم مطاعم!
وشبابهم عندهم استراحة للاغاني عود وطيران وغيتار
هو ماله علاقه فيهم
بنت عمه قالت لي ان بعض عائلتها وبعض اخوانه مهوب كويسين بس الي ناوي يتقدم لي انسان محترم وملتزم
عائلتي مره ملتزمة منها رجال دين ومشايخ وحالتنا المادية ممتازة وانا جامعية واجهز اوراقي لدراسة الماجستير
مافيه تكافؤ بينا وبينهم
المهم عندي اخلاق الرجال هو يمدحونه وقرروا اهله يجون يخطبوني رسميا
متخوفة مرره ان شكلي مايعجبهم
طول الوقت قدام المراية واوسوس ان اكيد مهوب عاجبتهم
اذا انا مب عاجبني شكلي استغفر الله فكيف اهم بيعجبهم اكيد يبون وحده احلى مني
واحيانا اقول مافيني شي >> قريب وتجي لي حالة نفسية 
ومتخوفة ان اهلي يرفضون اذا عرفوا تاريخ عايلته لاني ماقلت لهم عن الي اعرفه عن اهله قلت لهم عن اسم العايلة وعن شغله
مستحيل اهلي يوافقون لو قلت لهم ان اخوه يدق عود في استراحات !
هو متحمس للخطبة من عرف اسم عائلتي ومستعجل ان اهله يجون بس خايف ان اهلي يردونه
انا راضية فيه رغم الفروقات بينا بس لو اصطدمت برفض اهلي!؟ اخاف ارفضه والله يعاقبني لان اخذته بجريرة اهله !
التعديل الأخير تم بواسطة حلم ميت ; 18-02-2012 الساعة 04:10 AM
18-02-2012, 04:02 AM
ضوابط المشاركة
العرض الشجري