عندما ينكسر الحلم على صخرة الواقع ...
أعلم جيدا أن الحياة لاتصفو لأحد , فهي لم تصفو لخير البشر محمد صلى الله عليه وسلم ...
وفقت بانسانه ملتزمه ولها مميزات ايجابية ورزقنا بطفلين الله يحفظهم
ولنا الان 3 سنوات من بداية زواجنا...
عمري 27 وعمرها 30
مشكلتي ان زوجتي غير مباليه بي تماما ومهمله لبيتها ونفسها كثيييرا ولم استطيع ان اصل معها لنتيجه ...
في بداية زواجنا كنت اسعى لـ حياة مثاليه تختلف كثيرا عن غيرنا وكانت تؤيدني على ذلك ...
في اول سنة زواج لنا كنت احاول اطبق الشي اللي ابيه وكنت مخطط له ولكن لا حياة لمن تنادي فـ صرت اجلس معها واقول لها يابنت الحلال
انتي زوجتي وابي تلبسين لي وتكشخين لي و تهتمي بفراشك وبنفسك وابي تهتمي بي وتهتمي بطبخك وببيتك وانا بساعدك بكل شي وكان ردها
ان شاء الله اني اصير لك مثل ماتبي وكانت تسمع باذن وتطلع من الثانيه ولا كأني قلت شي
وكنت اقول يمكن يبي لها وقت خلني اعطيها وقت واشوف وفعلا تركتها على فالها
وبعد شهر جلست معها وقلت لها وين اللي وعدتني انها تتغير وقالت ابشر راح اسوي اللي تبيه ولا صار شي بعدها تركتها
وجلست افكر اقول يمكن انها مغصوبه علي وماتبيني لان بداية زواجنا قامت تبكي ولما سالتها قالت انا خايفه اني ماراح اسعدك
فـ سالتها ليش ماتقدري تسعديني فـ قالت مدري حاسه كذا فسالتها كم سؤال احاول افهم السبب :
فقلت انتي مغصوبه علي وماتبيني ؟
فقالت لا بالعكس انا ابيك
قلت طيب هل الشي اللي اطلبه منك صعب عليك وماتقدري تسويه ؟
قالت لا بالعكس اللي تبيه شي حلو ومن حقك
قلت هل انا ابالغ بطلباتي ؟
قالت لا كلها شي عادي
وكل هالشي حصل تقريبا بالاشهر الاولى من زواجنا وبعدين كنت اجلس معها واصارحها واتناقش معها تقوم تبكي والسبب اني اقول لها ابيك تهتمي بنفسك وبيتك واناقشها على تقصيرها ويعلم الله ان كل حواري معها كان مبني على هدوووء واحترام يعني مافي اي سبب يخليها تبكي
حتى مااظلمها كانت تتغير يوم يومين وبعدها ترجع لعادتها القديمه
والله يا اخوان اني تعببببببت معها وعجزت افهمها واتبعت معها كل الطرق اللي اعرفها :
كنت كل بعد شهر وشهرين اجلس معها واصارحها وعلى هالحال لين يأست ومليت وطاااابت نفسي من كل شي في الاونه الاخيره وصرت مابي شي منها
لمحت لها بالزواج من ثانيه كنت احاول اثير غيرتها والنتيجه لا تغييير على ماهي عليه حتى بدات افكر جديا بالزواج من اخرى
ويشهد علي الله اني ماني مقصر عليها باي شي وسالتها اكثر من مره حتى امس سالتها انا مقصر معك بشي تقول لا منت مقصر بشي
طيب اذكري لي عيوبي يمكن فيني عيب ماني شايفه تقول مافيك شي كامل والكامل وجه الله طيب تحبيني تقول اي احبك واردد احيان على مسمعها هذا وانتي تحبيني تسوين كذا شلون لو ماتحبيني ؟؟؟ انا متاكد انها ماتحبني ولا شي لان هذا اللي ظاهر لي
اختصارا لسلبياتها ::
ماتهتم بنفسها ولا نظافتها الشخصيه وماتهتم بالبيت وترتيبه غير مباليه بي تماما ولا حقوقي حتى من ناحية النوم مقصرررره كثييير , ماتسال عني رحت جيت ابد ولاتسال كلام حب معدووووووم نهائيا حتى كلمة احبك ماذكر اني سمعتها الا ايام الملكة مره او مرتين وكانت بطلب مني وكنت احط 1000 عذر
ولكن ماعذرها الان ؟؟؟ حتى لبس ماتكشخ لي لدرجة انها تنام دايم بثوبها العادي الا ماندر
, طبخ ماتعرف تطبخ وكنت اقولها ادخلي النت واقري واحفظي لك كم طبخه وتعلمي ماهو عيب انك تجهلي العيب انك تستمري على جهلك , يعني انسانة ماهي قادره تلبي احتياجاتي النفسيه والجسديه
اما ايجابياتها فهي :
هاديه ماهي براعية مشاكل علاقتها باهلي طيبه ولله الحمد والعكس صحيح وتقدرهم وتحترمهم ماهي كثيرة طلبات انسانه على نياتها وتخاف الله
هل تشوفون الشي اللي اطلبه صعب ومستحيل واني ابالغ ام هو من ابسط حقوقي ؟؟
هل الزواج من اخرى هو الحل في ظل اني اتبعت اكثر من حل معها ولم يجدي ؟؟
هي ماعندها مانع من اني اتزوج من ثانيه لانها عارفه انها مقصره معي واعترفت لي بهالشي
ماهو رايكم في ظل هذه الظروف اللي اعيشها ؟؟
اعينوني بعد الله واعطوني رايكم ولا تبخلون علي بارائكم النيره لاني والله تعبت نفسيا وجسديا واصبحت كاني عجوز فقد عكازه
06-06-2013, 05:54 AM
ضوابط المشاركة
العرض الشجري