اسعد الله اوقاتكم
سبق وكتبت في الموقع قبل شهر ونصف وطلبت مشورتكم في موضوعي مع زوجتي حصلت مشكله بيني وبينها وتحدي وطوله لسان ولعنتني ولعنه والدي واتهمت اختي بشرفها وتحدتني اخرج من البيت قلت لمي اغراضك وروحي بيت اهلك رفضت وطردتني من الشقه بحكم انها هي اللي تدفع الاجار بعد ان رفضت تسكن في شقتي اللي منحني الوالد في عمارته بسبب مشاكل قديمه مع اخواتي فاصلح والدها انها تبقى وتدفع الاجار
المهم انا طبعا ماصبرت ورحت لوالدها وشكيتها وقلت تعال خذها ماني متحملها قلت اكيد بيربيها ويعلمها حدودها جاء واخذها بعد ثلاثه ايام بعد ان كلمت اخوها الكبير واعطيته السالفه وقلت انا برى البيت وماني داخله حتى تطلع من البيت وابوك تاركها في البيت ماسوى شي طبعا جاوا واخذوهابعد اسبوع لانها موظفه فانبلشوا فيها اهلها
المهم
فيه منكم من اشارعليه اصالحها واطلب رضاها لاجل الاطفال واللي قال حاول تشوف واحد من اهلها حكيم وتتفاهم معه واللي قال حاول تجلس معها لوحدكم وتتفاهمون على حل
المهم كل هذي الطرق سويتها واكثر لدرجه قلت لابوها خلاص انا بحط نفسي الغلطان وتبشر برضاها وترجع لبيتها واشرت على عمي اختار واحد من طرفي وهي تختار واحد من طرفها قال ماعندي الكلام هذا ولا اقتنع لاني سبق وقلت لكم عمي منع عياله من ان يتدخلوا وزوجتي ايضا رفضت تدخل اي واحد بيننا ومصره على الطلاق وتقول ماني راجعه لواموت واتهمتني بتهم عند اهلها كلها والله كذب وتبي تخارج نفسها واني اضربها واهينها واسب اهلها واخذرواتبها ومااطلعها وامنعها من الزيارات اقسم باالله اني يوم سمعتها انه شاب راسي من الكذاب تقولون هي معك كذا من زمان اقولكم من سنه وهي متغيره وعنيده ولاتشوفني شي اللي في راسها لازم يمشي
المهم حاولت وحاولت وحاولت ولم استسلم اخر مره اتصل عليه جاري لاني تارك الشقه من شهر عشره هي عند اهلها وانا عند اهلي والشقه مقفله وقالي اذاتبي تبيع الاثاث فيه اغراض ابيها قلت لا ماني بايع شي قال زوجتك جت الشقه هي واخوها ومعاهم ناس يبون يشترون الاثاث انا والله انفجرت قمت واتصلت على ابوها قال لا هي بتاخذ ملابس واغراض قلت يابن الحلال بنتك تبيع العفش باي حق قفلت ورحت له البيت ودخلت مندفع البيت وجت هي واخوها ودخلت علينا المجلس كانت تتسمع عند الباب قالت وش يبي المعفن ذا تقصدني هذا كذاب حرامي معفن يلعب براسك قلت اسمع بنتك وش تقول تغلط عليه في بيتك طردها بكل برود وقال احلف ان الاثاث لك قلت يابن الحلال لي ولا لها ليش تتصرف فيه دخلت ثاني مره وحلفت ايمان مغلضه انه اثاثها وهي اللي شرت وسوت وفعلت قلت ماانكر بس انا وانتي كان وضعنا تمام فيه اغراض جبتها واغراض لك قال ابوها احلف على اللي لك قلت ماني حالف كم دفعت وكم حطيت قامت وحلفت قلت انا خلاص قبلت يمينها وبيني وبينها وقفه امام الله قال ابوها هات ورقه وقال اكتب انك متنازل عن العفش قلت بكتب اني تنازلت عنه مقابل يمينها وحلفها اتصلت علي وقالت اذابعته قدرت اللي لك واعطيتك قلت ماابيه انا اخترت يمينك واذاتبين ترجعين شي لي فقدام ابوك بعد ان كذبتيني وحطيتيني حرامي ومعفن قدامهم
المهم الشقه بسلمها الشهر هذا ينتهي عقدي والاثاث باعته بيع الفلس وترسل عليه طلق وفكني منك وارسلت اكثر من مرسول وانا ساحب عليها قابلت ابوها قلت متى تبي نتقابل في المحكمه عشان القاضي يحكم في الاطفال والنفقه والزياره قال ماعندك صبر قلت خلاص بعد ماباعت كل شي واتهمتني وسبتني وكذبت عليه ماعاد لها خاطر عندي وكل ماقابلت واحد قال تحمل واصبر وعشان بناتك حتى لوترجع تستاجر وتاثث من جديد لاجل خاطرهم قلت والله انا مديت لهم يدي بس ماهي راضيه تعترف بخطاها حتى اخر مره كلمتني قبل اسبوعين تقول قليل في حقك اللي جاك انا صبرت عليك وتحملتك يافقير والله العظيم اني ماعمري جمعت ريال واحد كلها مصروف وملابس ومطاعم واسواق ولاعاجبها شيى وهي ماشاء الله شاريه ارض والحين شاريه فله ومؤجره ووضعها المادي ممتاز والريال اللي تعطيني تمنه عليه ه
هل البي طلبها واطلقها واريح راسي من المشاكل والاطفال مانختلف عليهم
هل اخليها اللين يروح اللي في راسها مع اني مااعتقد العنيده عنيده
هل انتظر حتى يجيني طلب من المحكمه وبعدها انفذ طلبها
والله اني اكتب لكم والاتصال على جوالي والرسايل تقول اخلص عليه فكني شرك متى تجيب ورقتي اهلها تراجعوا مايبغون طلاق امها وابوها لاكن هي قفلت كل الطرق عليه وعلى اهلها وش تشوفون الحل






تم تغيير العنوان ليتناسب مع المضمون

(تم الطلاق رد 60)
http://66n.com/forums/showpost.php?p...8&postcount=60

لا طلقها ولا حاجة
بس روح المحكمة واثبت نشوزها علشان لا تتبلاك في المستقبل وتطلب نفقتها وهي في بيت اهلها
خلي للمحكمة علم انها ناشز
وانت تزوج الثانية والله يعوضك

ماتقدر تتبلى عليه شهريا احول على حسابها مع أنها موظفه وأهلها يشوفوني يوم اجيب أغراض للبنات من حليب وملابس وغيره
ننتظر باقي الردود اناقلت اخليها تبي طلاق المحكمه قدامها
واذا وصلت المحكمه اصلا ماعاد لها نفس بعد اللي سوته

زوجتك ما كانت كذا غير من سنة

اتوقع انها اكتشفت خيانة لا سمح الله او علاقات لك
لانه تصرفاتها؛ تصرفات وحدة مجروحة و بتنتقم لكرامتها
و بايعة خلاص

و الوحدة ما تبيع .. الا لسبب قوي

الله يعينك أخي الكريم ويجعل لك من أمرك يسراً.

والله لاخيانه ولاشي
واذا عن الضرب ضربتها قبل سنتين ضرب خفيف لطوله لسانها ومع ذالك صالحتها واهديتها طقم ذهب
رجعت تتذكر يوم ضربتها وتقول انا عايشه على ذل واهانه وطوله لسان وبخل راتبي ينصرف واتسلف والبيت اساعدها في الغسيل والكنيس والطبخ والاطفال
لاكن الله واعلم وش كل ذالحقد
اقولها تكرهيني طيب تقول لا بس تفاهم ماعاد بيننا ماتتحملني ولا اتحملك
وتقول اني اهنتها في مجلس الصلح قدام ابوها واخوانها المفروض اسكت وما اتكلم وكله كره لاخوانها اللي حضروا في البدايه ماعمرها دخلت بيوتهم الامره وحده من يوم تزوجتها متمشكله مع اخوانها وحريمهم ومع اخواتي ولاواحد يزورنا ولا تزورهم متقاطعه معهم الا اذا قابلتهم عند اهلها اوفي مناسبه
وفعلا غرتها الفلوس وشوفه النفس وملعوب في راسها من زميلاتها يمكن
اللي ابغى منكم تساعدوني وش تشوفون كثرت عليه الاقتراحات والاراء حسبي الله ونعم الوكيل

..............
الله يعوضك ما فات ان شاء الله واحتسب الاجر على الله

والله حتى لوحصل طلاق
ماافكر بالزواج الحين وشايله من مخي
نفسيتي زفت وصرت مصدوم من الجنس الاخر سواء من زوجتي او من غيرها شف المنتدى كم فيه من المصايب والاوجاع
ولازم ارجع اكون نفسي من جديد اقل شي سنتين على مابال تروح اوجاعي وانسى اللي مضى

الله يريح بالك
هي تعتبر ناشز
اذا تبغا الطلاق ترجع نصف المهر
انت لاتطلق
الله يعوضكم خير
ويحفض لك اطفالك

............دور لك بنت حلال
وتزوج وخلها هي وهلها يطردون وراك
وماطل فيهم زمام الامور ببدك ولاتقصر على بناتك

__________________
سبحان الله وبحمده سبحان الله العظيم