والله لاخيانه ولاشي
واذا عن الضرب ضربتها قبل سنتين ضرب خفيف لطوله لسانها ومع ذالك صالحتها واهديتها طقم ذهب
رجعت تتذكر يوم ضربتها وتقول انا عايشه على ذل واهانه وطوله لسان وبخل راتبي ينصرف واتسلف والبيت اساعدها في الغسيل والكنيس والطبخ والاطفال
لاكن الله واعلم وش كل ذالحقد
اقولها تكرهيني طيب تقول لا بس تفاهم ماعاد بيننا ماتتحملني ولا اتحملك
وتقول اني اهنتها في مجلس الصلح قدام ابوها واخوانها المفروض اسكت وما اتكلم وكله كره لاخوانها اللي حضروا في البدايه ماعمرها دخلت بيوتهم الامره وحده من يوم تزوجتها متمشكله مع اخوانها وحريمهم ومع اخواتي ولاواحد يزورنا ولا تزورهم متقاطعه معهم الا اذا قابلتهم عند اهلها اوفي مناسبه
وفعلا غرتها الفلوس وشوفه النفس وملعوب في راسها من زميلاتها يمكن
اللي ابغى منكم تساعدوني وش تشوفون كثرت عليه الاقتراحات والاراء حسبي الله ونعم الوكيل

..............
الله يعوضك ما فات ان شاء الله واحتسب الاجر على الله

ياخوي لا ملعوب عليها ولا حد يضحك عليها باااينه زوجتك احتالت عليك ودرستها من كل الجهات وعشان الفلوس جاك بالطيب ..كان يفترض تنتبه لصفاتها هذه من أول فترة الزواج ولما انا اعرف ان زوجي او زوجتي تتصف بالعناد او مصلحجيه او انسانه خطيرة وأهلها عرفوها بهذا الشي مابكون انا ادرى منهم فيها والعكس..
باين من كلامك انك ابن حلال وتخاف الله والدليل انك عطيتها حقها وزياده بالرغم من تبليها عليك واتهامك بأشياء ما سويتها..
لما قضت حاجتها وأخذت كفايتها من الفلوس قررت تطلق منك بس بأسلوب لجأت فيه للتنفير لعلّك اكرهها وتطلق فتدفع مؤخر ونفقة وغيره..خلها هي تقدم بلاغ باللي تبيه وقول للقاضي انك صائم العشرة بينكم وشاريها لكن هي اللي انقلبت علي ماتبيني..وانتبه تقول للقاضي انك ماتبيها بيجبرك على النفقه والمؤخر وغيره وانك خسرت كل شي