ستنهار حياتي الزوجية / المستشارة لحظة
السلام عليكم ورحمة الله وبركاتة
عندي مشكلة صار لها ست شهور وخلال الست شهور كانت فيه اسباب تخليني اطلب الطلاق بعد ماكان الموضوع شبه سهل ينحل..
اول شيء انا متزوجة من 5 سنوات وعمري 24 سنه زوجي 41 سنه وعندنا طفل 4 سنوات
ادرس بالجامعة عن بعد
المشاكل كانت موجوده تقريبا من ثاني سنه بس كنت اسكت عليها بسبب اني اجهل التصرف لصغر سني
واحيانا ادخل الاهل اذاا عجزت عن حل المشكله لان زوجي من الناس الي اذا تناقشت معه يجلس يطقطق ويضحك ويسب ماياخذ المووضوع بجديه عكس يوم يكلمه رجال..
المشكله بدأت من نهايه شهر سته كنت جالسه والله يغفر لنا مشغله اغنيه كان الوقت الساعه 12 ودوبهم اهلي طلعو من عندي
زوجي كان نايم وصحى اول ماطلعو..< نايم من العصر
المهم ان شوي جاني معصصب ورافع يده يبي يضربني ويصارخ ماتشوفيني اصلي معليه الصوت يا بنت ال .. الله يلعنك ويلعن .... ي ي ي ومن ضمنها قذف...
للعلم هذي خامس مره يقذف المره الي قبلها حلفت له ان لو عاد تقذف معاد لي قعده معاك
يقول الحين اكسر الجوال ويسحب ويدفني واخذته منه انا كنت جالسه م قمت
ومازال رافع يده يبي يضرب قلت اضرب وشوف والله لا اقول لاهلي..
صار يسب يسب ويصارخ وراح وصك الباب بكل قوته..
الولد انفجع من رده فعل ابوه يقول اشبو بابا
المهم ان انا عشان الحلف الي حلفته وملييييت من القذف ذا ماهو اسلوب حياه مافيه أي احترام
<< دايم يقول عادي سبيني اسبيك اضربيني العني خيري مافيها شي
دقيت ع امي قلت لها انتي قريبه قالت ليه قلت كذا كذا كذا صار
المهم قفلت وشوي دقت قالت بنجيك خلاص
للعلم قد كلمه ابوي ع حكايه القذف قبل وقال مايعيدها وقذفني بعدها وعديتها له لانه اعتذر
لكن حلفت ان ماجلس معه لو تكررت قام يضحك ويقول يعني تخليني..؟
جوني اهلي وجو اخوانه وابوه وهو كان موجود قال هي ما تغسل ماتنظف ماتسوي ما ما
ومشغله اغاني .. جاني عمي وتكلم معاي قلت والله العظيم ان كل شي اسويه بس هو يقول هالكلام يبغا يبرر لنفسه وخليه يجي قدامي وحلفت يمين وبكيت قهر عالتبلي..
صحيح ما اشتغل اذا كنت تعبانه بعذري..
المهم صار وتطاول ع ابوي بلسانه وسبه قدام الرجال<< هو مايقدر احد لاكبير ولاصغير علي وع اعدائي
ابوي ما سكت له قام هدده تسكت ولا اعرف كيف اسكتك
بعد ماطلعت لاهلي جلست اسبوع وعليها ماارسل ولا اتصل بعدها ارسل لي رساله طويله من ضمنها اعتذار وان عادي لو ابقى كذا سنه لكن عشانك وعشان الولد وعشان اختباراتك قربت..
انا مارديت عليه لان الكلام بين الرجال يروح يتفاهم مع ابوي..
صار يدق ويرسل وانا مطنشه مابغا اكلمه منجد شايله بخاطري
قام ارسل لابوي وقاله ابوي لاتجي ولا اشوف وجهك << مقهور منه
بعدها بمده ارسل ورد عليه ابوي بعد اختباراتها نتفاهم<< بطلب مني
قال تم تاخذ راحتها بعدها ثاني يوم ارسل رساله سب لابوي يا خسي...س ياالي فيك وفيك وكلام وصخ
ابوي انقهر منه بس مارد عليه ودخل اخوه الكبير بالموضوع
انا يوم ارسل لابوي كذا حسيت ان خلاص هالانسان يكفي مايقدر ابوه بيقدرني انا وابوي؟؟
صارت مشاكل كثير من ضمنها قذف امي ويوم اشتكوه انكر وحلف يمين ماقا لشي وان هاتو القران واحلف عليه اني ماقلت شي..
فتره اختباراتي طلب ياخذ ولده وكان قبلها ياخذه ويرجعه بس فتره الاختبارات اخذه شهر كامل وارسلت له متى تجيب الولد قال تبغينه ارجعي
وبعد تدخلات اخوه رجعه..
ابوه وامه محد رفع سماعه من يوم طلعت لليوم ويشوفون القذف الي قاله شي عادي لانهم تعودو عليه بينهم
طلبت الطلاق وزاد بكلامه السي لاهلي ورسايله
وللان مايبي يطلق للعلم اني استخرت الله.. انا ماعاد بقلبي شي له ولو كنت احن للايام طبيعي لكن احس نفسيتي تعبت عنده
...
هو طلع معاه اكتئاب وراثي وعلاجه ياثر ع الحق الشرعي يقتصر ع مره او مرتين بالشهر وهالشي جدا ماثر معاي وقد قلت له اكثر من مره.. برود وليس عجز
لو رجعت مستحيل يدخل بيت اهلي ومستحيل اهلي يدخلون بيتي وهذا بعد الي صار بينهم بسبب سوء اخلاقه
خاله اخو امه شخص كبير بالسن كلمه ابوي ع اساس يجيب الولد ويطلق بدون محاكم لكن رفض وغلط ع خاله واعتذر خاله من ابوي انه مايقدر يكمل ويكون وسيط بينهم وان هذا انسان قليل ادب مايقدر احد..
فيه مشاكل وتفاصيل اكثر بكثير من كذا بس مايمديني اكتب كل شي
هو انسان بيتوتي ولا يحب الناس ولا يحتمع معاهم ابدا...
ابغا اتطلق وهو رافض..وخايفه اتطلق واندم مابغا اظلم نفسي ولا ابغا اظلمه
الزواج قائم على الاحترام قبل الحب اذا حب بدون احترام مستحيل يدووم..
22-10-2015, 12:56 AM
ضوابط المشاركة
العرض الشجري