السلام عليكم ورحمة الله وبركاته ...

هل هذا شك ام غيره !؟ .. اذا كانت غيره هل هي طبيعيه ام مرضيه ؟؟! ..

من اول ماتزوجنا واشوف بزوجي .. غيره ، شك ، جنون .. ماعرف وش هي بالضبط ..

المشاكل بسببه اقل شي 4 الى 5 مرات بالاسبوع بس سرعان مانتصافى ...

كنت في البداية احس بفرح واتلذذ بغيرته علي لكن بعد سنه الى سنتين من زواجنا اصبح الامر لا يُطاق ... مشاكل مشاكل مشاكل.. حتى اذا طلعنا لازم تصير مشكله ... لازم نكد ... لازم زعل .. وبعد ساعات نتوصل لحل وكأن شيء لم يكن ... واذا طالت يوم يومين ويطيح الحطب ... مارح اذكر المواقف القديمه والمشاكل القديمه اللي بسببها الغيره ... لكنها كانت توصل لدرجة الغيره من اهلي سوا اخواني او اعمامي او والدي الله يرحمه ... حتى التلفزيون صرت اكرهه بسببه ...

المشاكل من النوع هذي صارت روتين بحياتي وتعودت عليها بس لمتى ؟؟


اللي صار امس ...

خرجنا للسوق نشتري فساتين لي ولبنتي ... الخميس الجاي ملكة اخته ... دخلنا محل صغير وفيه عامل واحد ... وكان راعي المحل يعرض علينا فساتين ويمدح القماش ووو...الخ ... زوجي اختار فستان ... وسأله في منه لون كذا ... قال موجود .. وطلع لنا اللي نبغاه ... واحنا لسى ماقلنا له المقاس بس طلبنا اللون ... زوجي سأله كم المقاس اللي عندك ... قاله نفس مقاس المدام ان شاء الله يضبط ... زوجي شافه طلع فعلا مقاسي ... حسيت زوجي تغير شكله .. " زوجي مسالم مو من النوع اللي يضرب او يعصب على أحد " ... قاله اوك .. وطلب من راعي المحل انه يشوف له فساتين غيره يعني بياخد اللي اختاره وبياخذ اكثر من فستان... جلسوا مايقارب النصف ساعه ... ولما جا يحاسب ... زوجي قال له ابغى ترتبهم وتحط كل واحد بكيس .. كانوا 4 فساتين ... " كنت عارفه انه ناوي على شي حتى جا ببالي انه بياخد الفساتين من غير مايحاسب لان مستحيل زوجي يصرف اكثر من 500 ريال على فستان " .. المهم بعد ماخلص الترتيب وحط كل واحد بكيس ... زوجي قال له كم الحساب ؟... قال 4500... طبعا مستحيل مستحيل زوجي يدفع هالمبلغ ... وجا بيحاسب ... وبعدين قال له ... تدري شلون خلاص هونت مابشتري ... ولو غضيت بصرك كان جاك رزق ...

وانا مافتحت فمي بكلمه ... ولما طلعنا من المحل ... قلت له ليش سويت كذا حرام احرجته وقطعت رزقه " لأن كان يجي زباين وزوجي يقول انا جاي قبل وتخلصني اول شي انا.. والزباين يطفشوا لما طول ويطلعوا من المحل " ...

وصلنا السياره وكان معصب ويتنفس بصعوبه وكأنه مقهور ... وانا رحمت الرجال والله مايستاهل كل هذا ... وقلت لزوجي مايستاهل كل هذا تسويه لو طلعنا من المحل من البدايه اهون من انك تسوي كل هذا ... كنت اتكلم معه بهدوء .. وهو يقول اسكتي وكلي " ... " انا ماعلقت على كلمته وسكت ... قال ليه تدافعين عنه ولا عاجبك يعني ... وانا ماسويت كذا الا عشان يتأدب ومايجلس يقز ببنات الناس ...قلت له مادافعت بس ماشوف انه غلط ولا تحرش ولا شي ... ورجع يسبني ويشتم ويتهمني اني اعرفه ... وكل هذا قدام بنتي وولدي ... قلت له لحد هنا وخلاص زهقت مليت وطفشت منك .. انت مريض وشكاك ... ابي اروح عند امي ...

لسانه متبري منه ومايثمن اللي يقوله ... نعتني بأبشع المسبات وانا ساكته ...


ومن امس الليل وانا ببيت اهلي ... اول مادخلت بيت اهلي قفلت الجوال الين الفجر... صحيت الفجر فتحته شفت منه مكالمتين ورساله وحده بالواتس كلها سب وشتم ... ولا رديت عليه ... وهو ولا ارسل الا بعد المغرب اتصل ومارديت ورجع سوا رساله ... متى بترجعين البيت ... مارديت عليه ... بعد كل اللي قاله لي يعتقد بهالبساطه اني برجع !!؟

ماما واخواني مايدرون بشي ...

اعتذر على الإطالة بس حبيت اطلع اللي بقلبي ...


تم تعديل العنوان ليتناسب مع المضمون

مستجدات الرد43


http://66n.com/forums/showpost.php?p...1&postcount=43


حلت الرد 74


http://66n.com/forums/showpost.php?p...0&postcount=74

__________________
-

فأجبر خَاطري .. بفيّض نعَمك ❤ ....

بعتقادي المتواضع الغيرة محبة
انتي ستفزيتية ولكن بحسن نية منك
يوم ادفعين عن صاحب المحل ماكان لة
داعي انك تبررين عن البائع
الخطئ الاخر والمشترك بينكم
ان هالمسرحية قدام اطفالكم وهذا خطئ فادح يجب عليكم تفادية مستقبلا
بصراحة انا ضد زوجك بخصوص
الفاظة السوقية وسبة لك فانتي ام
ابنائة وزوجتة فالاحترام بينكم واجب
مهما صار

__________________
سبحان الله وبحمده سبحان الله العظيم

سمورة هل تلبسين النقاب؟؟

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

انا مابررت ... بس ماحبيت هالتصرف يطلع منه ... وش كان بيخسر لو طلع من المحل من البدايه اذا ضايقه اسلوب الرجال ..

دايما اقوله يصون لسانه وخاصة قدام الاطفال بس مايفهم ..


مسك نعم البس النقاب من بعد زواجي .. والبس عباه فضفاضه لكن على الكتف ..

__________________
-

فأجبر خَاطري .. بفيّض نعَمك ❤ ....

اثنينكم غلطانين
وهالبائع قليل أدب مااعطاك مقاسك إلا وهو مفصل جسمك تفصيل وعتبي على زوجك مفروض اخذك وطلعتوا مباشرة لمحل آخر اي رجل بمكانه بيتضايق ويخرج من المحل ويقول للبائع استحي على وجهك ولا تناظر إلا عاد كان عبايتك جسمك فيها واضح وينعرف مقاسك وزوجك ساكت ومايبي الناس تناظر هذا خطأ زوجك
بالنهاية مفروض ماتكلمتي معاه عن هالبائع ابدا لأنك عارفه انه مووووولع وقابل للانفجار وبنفسك قلتي انه تغير وجهه من الموقف والجن كان سكتي لازم تدافعين عن البائع مو مسكين
انا اعرفهم أغلبهم بعد ماتطلع يسب في اللي خلفوك لأنك ماشريت منه

وعليكم السلام ورحمة الله وبركاته
الله يخليكم لبعض ولا يفرق بينكم ..
انا معك أن الغيرة مدمره ولا تطاق
لكن وأنا أخوك أحمدي الله أن زوجك وأبو عيالك أقل من غيره بكثير يطلع معك وتخرجون وتمشون طبيعي ..
لو أقولك عن واحد من جيرانا واللي يسويه ماتصدقين
أذا طلع هو وزوجته يمشي وراها ويحط يديه مثل السياج عليها وعيونه مثل الرادار يمين ويسار يناظر خلق الله على باله بتنخطف منه وياويل اللي تجي عينه بعين هالأدمي الله أكبر
تصير سالفه مالها أول من تالي ..
أختي بما أنك فاهمه زوجك وعارفه وش طبيعته ..
كان سايرتيه وقلت أيه العامل مخطئ وغلطان ومن هالكلام
ولا كبرتي الموضوع .. عندك ولدين اسأل الله أن يحفظهم لك ويطرح فيهم البركة وشلون تبين تغيرين طبعه الحين ماتقدرين وأنا أخوك ... أرخي الحبل شوي وأرجعي لبيتك ونبهي عليه بموضوع الشتم والسب من ناحيه دينيه وأنه حرام ولا يجوز وأذكري له من الأحاديث تبين مدى حرمة هالأمر ..
زوجك يحبك ولا يقصد ولا يتعمد الأساءه لك فتغاضي عن مابدر منه ليسير مركب الحياة وأنتم مع بعض ..
اسأل الله أن يجمع بينكم في الخير وعليه ..🌷

__________________
‏عابرُون و الدّنيا ليسَت لنا
‏سنمضِي يومًا تاركين خلفّنا كل شَي
‏ربناّ اختمْ حياتِنا بعمل صَالح نلقّاك به

صدقيني ما طلع هالتصرف منة الا محبة وغيرة
عليك انا الومكان زوجك ويقولي هذا بيضبط على
زوجتك وربي للقطة مع رقبتة وبالعقال لين يتفل
العافية مو هو الي يقيم لبس زوجتي بيضبط او لا
بس زوجك اعقل من شاطي الراحة😅

__________________
سبحان الله وبحمده سبحان الله العظيم

الرجل من خبرته في البيع والمقاسات صار يعرف حتى والوحده لابسه عبايه
ما اشوفه قليل ادب
انا مره كنت مع اختي في السوق واخويه سال البايع عن جاكيت لاختي
قام البايع من باب النصيحه قال ما يناسبها يمكن يناسب الاخت ⏩يقصدني
ولا جا ببالي ولا بال اخويه انه قليل ادب او بصبص على اجسامنا
مع اننا يومها كنا لابسين عبايات واسعه وعلى الراس
وفهمناها انه من باب خبرته ولا تناقشنا حتى في الموضوع
مر مرور الكرام

العباه وسيعه ماتفصل الجسم ... وانا قلت يمكن البائع يعرف المقاسات بسبب شغله ليه نظن بظن السوء ...


الحمد لله على كل حال ... شكراً لك

واللي يرحم لي والديك وش من محبه !! اقولك يسب ويشتم وتقول محبه ... وهذي مو غيره هذا شك ومرض ..

__________________
-

فأجبر خَاطري .. بفيّض نعَمك ❤ ....

مثل ما انا فكرت ... الرجال اكيد له خبره بسبب شغله ... عشان كذا قلت انه ماغلط ولا يستاهل اللي سواه زوجي..

__________________
-

فأجبر خَاطري .. بفيّض نعَمك ❤ ....