حطيها قاعدة بحياتك لما تشوفي زوجك مرا معصب ومشعلل لا تناقشينه ولا تجادلين معه ..
يا عمري منتي مستفيده شي ترا الضربه بتجي على راسك ..
مثل ماحصل بهالموقف ..

صح زوجك يقهر وماله داعي ابد يسبك بكلام سخيف

بس لو جينا بعد للعقل

ياختي من هو هالعامل اللي بسببه انهان؟ ويجين كلام سخيف بسببه .؟عساي مادافعت عنه ..بسلامته عساه ينحرج .

ولو زوجك دافع عن حرمه سبتيها من غيرتك عليه بتنقهرين من تصرفه صح والا لا ؟
على اي اساس يدافع عن حرمه مايعرفها

فالزبده اننا مانحط انفسنا بمواقف مالها داعي زي ماحصل بدفاعك عن العامل

أنا معها بكل كلمة .. بغض النظر البائع كان قليل ادب او لا هذا ماهو الموضوع ومنتي محاسبة على دفاعك عنه من عدمه .. ماأعرف أحس إن في دواخلكم انتي وزوجك شيء على بعض عشان كذا كبرت المشكلة مع إني أشوفها تافهة وماكان لها داعي تكبر كذا وتصير مشكلة..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

هذا الرد يمثلني…

فعلا وش الله حادك تدافعين عن العامل بغض النظر من المخطأ فيهم…

بعض المواقف تحتاج منا الي تعقل

كان بأمكانك استغلال الموقف لصالحك لكن كثير من النساء تجهل حسن التصرف ولا اعمم فمنهم العاقله الرزينه


كان المفروض انك اايدتي كلامه واخذتيه علي تفكيره وقلتي فعلا هالعامل مايستحي ويستاهل ماجاه واعجبني تصرفك والموقف ليس مهما وجوهري حتي يكون فيه تغيير راييك مصيبه…

لو كان ردك بهذه الطريقه سطفأين غضبه في لحظه وسيتغير مزاجه في ثواني واحتمال يوديك لمطعم وياخذلك بوكيه ورد وينتهي اليوم بأجمل من ماتتخيلين

لكن اسألي نفسك هل الموقف يستحق ان ادافع عن العامل واتلقي السب والاهانه لاجله

( حتي لا افهم بشكل خاطئ انا ضد سب زوجك لك واهاناته )

شكرا لك اخي ... انا اعتذرت له عن غلطي ... بس هو مافكر حتى يعتذر ...

كلمت ماما امس بالموضوع وقلت لها كل شي بخاطري لاني تعبت ... وقلت لها عالكلام اللي يقوله لي وانه مو اول مره ... قالت اني غلطت بس لازم اعطيه درس على كلامه مو على المشكله... وراحت خبرت اخواني ... واخواني رغم زعلهم مني الا انهم وقفوا معي وقالوا لي مارجع .... وهم حيتفاهموا معاه ... خايفه اني اكون كبرت المشكله ... بس حبيت اوقف هالمهزله اللي تصير كل يوم لاني سكت كثير ..

__________________
-

فأجبر خَاطري .. بفيّض نعَمك ❤ ....

ماودي أرد رد يعكس منطقي، لكن ضروري يعرف أنك بنت وراك أهل ورجال وأنك بنت محترمة ويجب مايقلل منك، كويس يجيه هزه من أهلك ويشوف موقف قوي تجاه أسلوبه.

طبعاً هو مايبي يتأسف لأنه يشعر أنه أسفه بينزل قدره أو مو معبرك، لكن كويس أنك بمرحلة شوي يراجع فيها نفسه ويراجع أسلوبه، بعض الناس يحتاجون رد فعل غير اعتيادي علشان يتعدلون.

__________________
ياصبحِ لاتِقبل !!
عط الليل من وقتك..

لا يا سمورة ليش تخبرين اخوانك؟؟

انت مدركة انك كبرتيها... واخوانك طبعا بيوقفو معاك ماصدقوا لاقوا الحجة عشان يغثوه لزوجك..

الله يهديك.. مرات احسك رزينة وفاهمة ومرات تعملي أخطاء مالها داعي..

زوجك دائما خلي صورته حلوه عند اخوانك خاصة في حالتكم هناك حرب باردة بسبب الورث..

الله يسهل اموركم

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

هلا راح تضيفي الى مشكلتك مشكلة ثانية،، جرحتي زوجك وكسرتيه أمام اخوانك وهم بينهم حساسية..

راح تنتهي مشكلة السب والشك وراح تدخلي في مشكلة زوجك مع اخوانك،، راح تتعقد لان زوجك عزة نفسه قوية كتير فماراح يعديهالك بسهولة..

أتمنى اكون مخطة وتستفيدي شي من هالتصرف.

زوجك مخطئ 100%، لكن خطأه بيزول وتصفى نفسك باعتذار منه وتحسن في المستقبل..

اما فضحك له امام اخوانك ماراح يصححوا اعتذار منك.. لا المرأة بتقبل زوجها يشكيها لأهلو.... والرجال أكتر وأكتر.. خاصة اذا تدخلوا الاخوان لتأديبه..

يا سمورة الامور لما بتكبر هيك، حتى لو ترجعو مع بعض.. زوجك داخليا انكسر شي فيه.. وصعب يرجع كل شي مثل ما كان..

كأن غيابك عن البيت ليس تأديب كافي.. هو بيقولك ارجعي بيتك وخلاص انسي وانتي بتروحي تشتكيه وتكبريها بعد؟؟؟؟

الله يهديك

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

انا مادخل اهلي في مشاكلنا ... بس هالمره لان وصل فيه للطعن بشرفي ومو اول مره !!




دعواتك .. كلامك خوفني

__________________
-

فأجبر خَاطري .. بفيّض نعَمك ❤ ....

شكراً لك أخي... نعم اريد ان يغير اسلوبه ... اخر مره كلمته ... او انك اعتذرت كان رجعت البيت .. قال لو اني شايف اني غلطت كان اعتذرت !! .. وهذا اللي خلاني اكلم امي وهي كلمت اخواني ...

مسك .. يمكن اكون كبرتها بس ضروري أبين له ان وراي اهل ... وابين له انه غلط علي مش مثل مايقول انه هو الصح وانا الغلط .. وماهي اول مره ولا ثاني ولا خامس مره عشان اعديها له !!

زوجي مخلي نفسه بصوره حلوه قدام اخواني وامي والكل يعني ماينخاف عليه ... تدرين من وقت ماجيت بيت اهلي اشوف اخواني ولا سلمو علي ولا حتى قالوا لي شلونك يااختي ... وزوجي قبل امس لما جا سلموا عليه !! ... هالشي خلاني اتضايق وكرهت الكل ... وامس لما اخوي الكبير عرف بمشكلتي ... جاني وقال لا تردين على زوجك ولا ترجعين الحين بس وطلع ... ودي المشكله تنحل بس بهدوء ..

آمين دعواتك ... شكراً لك ..

__________________
-

فأجبر خَاطري .. بفيّض نعَمك ❤ ....

بتأكيد كبرتي المشكله والله يعينك…

نحن الرجال ننسي اغلب المشاكل لكن المشاكل الي يدخل فيها اهل الزوجه حتي لو كانت صغيره تكون عالقه في اذهاننا والله يستر مايخذها من باب التهديد له وتخويفه فيأخذ المسأله عناد ومكابره وهنا الطامه الكبرى…

الله يسهل اموركم يارب