العصيدة
عصيدة ولا احلى .. جربوها .. بنات .... وهذي طبعا من الاكلات او الحلويات القطرية الشعبية...
المقادير .....
كوبين طحين رقم 2
كوب سكر .. او اقل من كوب بشوي .. حسب الرغبة
ماء مغلي
كوب دهن
ملعقة شاي هيل
ملعقة شاي حبة حلوة (الشمار)
ملعقة طعام نارجييل... (جوز الهند مبشور او مطحون)
..... طبعا هذي طريقة شوي مطورة عن طريقة جدتي ....
.....
الطريقة:
حمري الطحين .. وخليه لين يحمر ..عدل ...ثم انخليه وخليه يبرد...
جيبي قدر ثاني وحمري السكر حتى يحمر ...بعد ما يذوب ويحمر .. صبي فوقه الماي ... تقريبا ثلث القدر .....
ثم حطي الطحين في خليط الماي والسكر .. بس بشويش .. يعني بالراحة .. وحركي بالملعقة .. وحركي .. وحركي .. وخلي عنج ماي حار .. صبي بالقدر كل ما حسيتي ان العصيدة انشفت ....
اعصديها .. ان شفتيها تماسكت .. حطي الدهن ... والهيل والحلوة والنارجييل ...
واعصديها ......
حطي شوي بصحن .. وخليها تبرد شوي بس .. ان جمدت ... وتماسكت .. يعني انها انضجت ...
حطيها عالتاوة .. ونار هادية .. خليها ربع ساعة ... وبس....
ولما تقدمينها .... حطي عليها دهن .. مثل الهريس يعني .....
انشالله ما نختلف عالمصطلحات .. القطرية والسعودية .والسورية وووووووووووووووالخ...
وكل حاجة مفهومة.....
بس لازم تجربونها .. لزيزة اووووووي .. وخاصة بالشتاا مع القهوة وبالخيمة بالعزبة يعني بالبر .... وااااااااو جو رهيب ....
لا تنسون تعطوني النتيجة
وبالهناء والشفاء
ودمتم
ملاك قطر
24-01-2004, 09:44 PM
ضوابط المشاركة
العرض الشجري