:::طريقة عمل المفتول الفلسطيني::: لذيذ جدا - منتدى عالم الأسرة والمجتمع

20-08-2007, 11:00 PM

ملَك شادي

عضو متألق

تاريخ التسجيل: May 2006

المشاركات: 6,393

:::طريقة عمل المفتول الفلسطيني::: لذيذ جدا

السلام عليكم ورحمة الله وبركاته

كيفكم بنات

اليوم كتبت هادا الموضوع بمنتدى اخر وقلت لازم افيد بنات هادا المنتدى لانو انت اهلي وغاليات علية

وذلك المنتدى مشتركة في جديد فحبيت احط موضوع

.
.
.

المفتول اكلة فلسطينية

ومعروف عند المغاربة باسم كسكوسي وبعملوه بطريقة غير

المهم ماتحتاجيه التالي :::

1-لعمل المفتول ::: اشتري من محلات البهارات شي اسمو كسكوس او مفتول الحجم المتوسط هون العلبة مكتوب عليها متوسط او صغير فخلي بالك خذي المتوسط

وفي فلسطين بنعملو طريقة معينة بالطحين والعجايز هناك يعملوه بمهارة
لكن هنا لم اجد الا الكسكوسي ولكنه شبيه تقريبا للمفتول
المهم تحضريه وتضعيه في صينية

وتحضري مية وملح اوكي وبتصيري ترشي المية المملحة عالمفتول وتفركي بايديكي
وترشي ايضا زيت وتعملي نفس العملية
والمقدار غير محدد من الماء والزيت ولكن بالتقدير لما تحسيه شوووووووي رطب

والان نحضر المفتولية وهي لعمل المفتول بتجدوها عند محلات الادوات المنزلية انا استعرت تعت جيراننا
وهي عبارة عن متل طبخ الارز عالبخار
يعني ممكن تحطة مصفاة تحتها حلة فيها ماء بيغلي لكن لازم المصفاة تكون مسكرة الحلة عالاخير لحتى مايتسرب البخار
وبتحطي المفتول بالمصفاية الي تحته ماء بيغلي وبتقلبي من فترة لاخرى حتى يستوي وبالعادة ياخد تلات ارباع ساعة او نصف ساعة ...

والان نحضر بصلة كبيرة ونقطعها مربعات صغيرة ونضع عليها عين جرادة ناشفة يعني شبت لكن ناشف بذور يعني بتلاقوه بمحلات البهارات وبتدقيهم منيح منيح
وبتحطي المفتول في صينية وعليه الدقة تخلط معاه ويشرب بشوربة دجاج او لحمة ...

عمل اليخنة:::في حلة بها قليل من الزيت تقطعي بصل جوانح وتقلبيه ثم بندورة جوانح ثم تصبي عليهم شوربة اللحم او الدجاج ...
ثم تضيفي خضار حسب الرغبة
ممكن بطاطا مكعبات متوسطة او
قرع مكعبات متوسطة او كوسة
ممكن الكل حسب الرغبة
وتترك لغاية ما يتسبكو وتنضج الخضار وتضعو في اخر خمس او عشر دقايق حمص مسلوق
والبهارات والملح والذي منه

وتصبيها فوق المفتول في النصف يعني عالوش

وتكوني عاملة دجاج او لحمة حسب الرغبة
والله انها اكلة اكثر من رائعة
ويهيء لكم انها صعبة
انا منذ فترة عملتها اول مرة لوحدة حيث كنت اكلها في بيت اهلي جاهزة يعني امي الي تعملها
لكن عملتها الان لوحدي وطلع اشي تحفة مع انها اول مرة
جربوه وحتنبسطو كتير
والف صحة وهناااااااااا

والفلسطينية منكو ترد وتشجع البنات وتقول اديش المفتول زااااااااااااااااااااااكي
والله كان بودي يكون عندي صورة لكن مافكرت يومها اصورو
تحياتي ياامامير

__________________

{ اللهم صل و سلم على سيدنا محمد }
رفيق العمر سافر حيث شئت وجرب في حياتك ماأردت
سترجع ذات يوم حيث كنت فعمرك في يدي والعمر أنت

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه