تقصدين سفرة الصيف؟

لا.

__________________


اللهم طِيبَ الأثر .. وحُسْنَ الرحيل.

بعث لي:

اشتقتلج.

وايد.

__________________


اللهم طِيبَ الأثر .. وحُسْنَ الرحيل.

يا عيني ..

زي مافهمت تجهزين عيالش للسفر
كيف يعني بيسافرون مع ابوهم لوحدهم ؟؟؟

__________________
وهل من مصير اخر ؟

أمي بتروح معاهم .. وثنتين من خواته وأخوه بعد.

بس الصغيرة بتم وياي طبعاً.


اليوم أرسلت لأخته أخبرها.

قلت لها إني ما باسافر .. فعصبت عليّ

المهم قلت لها أن مهرة ما شاء الله عليها تقدر تعتمد على نفسها .. اللهم إنها محتاجة بس حد يتابع لبسها ويمشط شعرها .. أنا أدري انج رايحة تستأنسين .. فإذا كنتي بتحسين إنها بتكون عبء عليج فعادي قولي لي وباخليها معاي هني.

قالت لي: أصلا بوسلطان ما راح يرضى! واذا انتي أصريتي انج ما تسافرين فاقص ايدي إذا سالفة السفر كلها ما انلغت.

قلت: انتو واليهال مالكم ذنب .. حرام تنلغي سفرتكم وتخترب وناستكم .. بعدين هو حاجز ودافع وحرام البيزات تضيع.

قالت: انا أقول لج هذا اللي بيصير.

قلت: عاد ما باليد حيلة بس انا ما اقدر اسافر وانا بهالحالة.

قالت: مب مشكلة لين هذاك اليوم الله يفرجها.

__________________


اللهم طِيبَ الأثر .. وحُسْنَ الرحيل.

صباح الورد

مهرة شفتي مشكلة امي اللي كتبتها من فترة .. ابشرك الحمد لله انحلت

بدون مقدمات دخل ابوي عليها الغرفة سلم عليها وشرب معها القهوة وصار يسولف من غير عتاب ولا نقاش كانه اللي جرى ما كان


كلنا تفاجانا .. بس بعدين حسيت اني عرفت السبب

في وقت الازمة بعد ما ارسل لي ابوي انا واختي انه خلو امكم تطلع من البيت وتاخذ اللي تبي من عيالها

كنت موصية اخوي الصغير يدور لي على بيت اجار قريب منهم وقلت له لحد يدري .. عشان اذا لقى شي مناسب افاتح زوجي

اللي حصل اخوي تحمس وسأل ابوي اذا يعرف شي حولهم.. ابوي صار يحقق ويسأل ليه ولمين

بعدين سأل زوجي وزوجي استغرب وضحك قال بنتك تخطط وتدبر من وراي

الموضوع راح لأنه ابوي سافر بعدها بيومين وغاب اسبوع .. وصالح امي بعد ما رجع

فما ربطت بين الموقفين

ولا استنتجت انه ابوي كان يعتقد اني ادور البيت لامي الا بعد ما لاحظت معاملته معي من بين اخواتي كيف صايرة جافة ورسمية


حاولنا قبلها كثير نصالحهم بس كان رافض يتنازل وكان كثير عليه انه يقول اسمها .. بس يوم حس انها بايعة وبيخسرها راح لها بنفسه


مدري ليه حبيت اقول لك القصة حسيت فيها شي يشبه لموقفك .. رغم انها مبنية على سوء فهم .. وموقف امي المستكين زي ما هو لكن الحمد لله على حسن تدبيره

ابوي احتاج هالهزة عشان يوازن الامور ويصلح وضعه

انتو مب شايفين انه يحبني؟!!!!

اللي يحب مب محتاج هزة عشان يراعي مشاعري يا عطر!

اللي يحب مب محتاج هزة عشان يرحم إحساسي!

اللي يحب مب محتاج هزة عشان يفهم ان عندي كرامة!

__________________


اللهم طِيبَ الأثر .. وحُسْنَ الرحيل.

الله ينور طريقج يامهره بما يحبه ويرضاه

شوفي مادام قال اشتقتلك هو فعﻻ صادق اشتقلك هههه
خلص حني عليه الرجال مشتاق
الله يسمعنا اﻻخبار الطيبه
امين

__________________
انا لله وانا اليه راجعون

ماتلاحظين انه بدا يطلع الكلام الحلو؟!!
شكل زوجك من النوع اللي يحب اللي تثقل عليه وهو اللي يركض وراها!!
فكري زين يامهره عامليه كيفما شئتِ
لكن حياة الام مع اولادها مافيها اهانه وببعرفون قيمة امهم اللي ضحت عشانهم