صباح الورد

مهرة شفتي مشكلة امي اللي كتبتها من فترة .. ابشرك الحمد لله انحلت

بدون مقدمات دخل ابوي عليها الغرفة سلم عليها وشرب معها القهوة وصار يسولف من غير عتاب ولا نقاش كانه اللي جرى ما كان


كلنا تفاجانا .. بس بعدين حسيت اني عرفت السبب

في وقت الازمة بعد ما ارسل لي ابوي انا واختي انه خلو امكم تطلع من البيت وتاخذ اللي تبي من عيالها

كنت موصية اخوي الصغير يدور لي على بيت اجار قريب منهم وقلت له لحد يدري .. عشان اذا لقى شي مناسب افاتح زوجي

اللي حصل اخوي تحمس وسأل ابوي اذا يعرف شي حولهم.. ابوي صار يحقق ويسأل ليه ولمين

بعدين سأل زوجي وزوجي استغرب وضحك قال بنتك تخطط وتدبر من وراي

الموضوع راح لأنه ابوي سافر بعدها بيومين وغاب اسبوع .. وصالح امي بعد ما رجع

فما ربطت بين الموقفين

ولا استنتجت انه ابوي كان يعتقد اني ادور البيت لامي الا بعد ما لاحظت معاملته معي من بين اخواتي كيف صايرة جافة ورسمية


حاولنا قبلها كثير نصالحهم بس كان رافض يتنازل وكان كثير عليه انه يقول اسمها .. بس يوم حس انها بايعة وبيخسرها راح لها بنفسه


مدري ليه حبيت اقول لك القصة حسيت فيها شي يشبه لموقفك .. رغم انها مبنية على سوء فهم .. وموقف امي المستكين زي ما هو لكن الحمد لله على حسن تدبيره

ابوي احتاج هالهزة عشان يوازن الامور ويصلح وضعه