جزاج الله كل خير اختي متفاءلة
افدتيني


ودي افضفض شوي

زوجي لما يكون عندي عادي يقط علي كلمة بالعظم يسمم بدني فيها

مثال امس كان نايم عندي اول ما يه قال عادي ادز مسج انا ما رديت بس حسيت حرقة بقلبي

وهي حضرتها لما تكون عنده لا يتصل ولا يرسل ومتى ماراحت اتصل

والله شي يقهر لي متى يداريها على حسابي

حتى لو كنت ما افكر في وجودها هو بتصرفاته الغبية يخرب على عمره

وللعلم هو اليوم مايانا ولا شاف بنته
قاعد مثل البيبي ستر عند بناته

__________________
لا اله الا انت سبحانك اني كنت من الظالمين

موهبه شوفي كلام متفائله ماشاءالله تغيير ملموس
زوجها ماكان ينفع معاه الزعل و المواجهه
الحين العبتها صح انتي بعد شغلي كيد النسا عندك واشتغلي على الايحاءات الايجابيه

حبيبتي مبتعثة وايد حاولت بس اهو بتصرفاته يقهرني

يعني والله ما يصير لي متى يداريها

والله امس ان ما شاف بنته بس عشان كان معاها وما عنده وقت

ما ادري لي متى بيستمر هالحال

الله ينصرني عليهم

__________________
لا اله الا انت سبحانك اني كنت من الظالمين

ماشاءلله عليك يا متفائلة انبسطت وربي بالنفسيه الحلوة اللي حصلتي عليها

فعلا الايحاء الايجابي له دور كبير في تعديل المزاج اول شي،.

انتي بكلامك و بذكر تجربتك الحلوة عطيتيني أمـل و فتحتي نفسي

الله يسعدك و يوفقك .

__________________

‏
الوعي هو الملاذ ..

أستغفر الله العظيم ؛
( الفردوس غايتي )

السلام عليكم

جزاكم الله خير على هذا الموضوع انا عضوه هنا قديمه وسبق وطرحت مشكلتي بس بطريقة مفصله لكن فقدت المعرف واكتفيت فقط بالمتابعه

ولأن في قلبي حرقه وغصه مايعلم فيها الا الله قررت اسجل من جديد عشان اخذ رايكم وتشورون علي لأني بدوامه فضيعه

اولا بعطيكم الاشياء المهمه اللي تخص مشكلتي

انا زوجة اولى لمعدد عدد كذا مره وكانت اغلبها بالسر لين اكتشف الموضوع وماتستمر ويطلق

زواجه الاخير كان من سنتين
زوجي ظالم ومستهتر وغير مبالي واتكالي

تزوجها من اربعه سنين ورضيت بس كانت في بلدها وكأي وحده كانت نفسيتي تعبانه بس ملتزمه بحدودي لكن للاسف ماعجب زوجي وزوجته وطلعوا اشاعه انهم تطلقوا وارتحت نفسيا - وبطبيعة الحال كان ع ذمته 2 بالسر وكنت اتنازل عن كثير من حقوقي لاني طفشت من المشاكل

لما قررت زوجة زوجي تشرف طلقني زوجي وطلق 2 معاي بسبب اني عرفت الموضوع

رجعت بدون ذكر تفاصيل

من رجعت ظروف زوجي سيئه جدا لدرجة مايصرف علينا وان توفر معاه شي صرف عليها وينكر مع اني اتابع رسايلهم بالواتس تطلب اللحمه والكبده والسبانخ وال وال وال حتى كمالياتها الشخصيه مو مقصر معاها

وانا نهائيا لدرجة والله العظيم وربي شاهد عايشه على صدقات وحسنات مجموعه مدرسات بعد مابعت اللي اقدر ابيعه

حتى فاتورة النور جلسنا بدون نور لحد ماتسلفت وسددتها بالبدايه كان يكابر ويضرب ويتحدى بس الان يهدي ويقول اتحملي واصبري واعوضك

مايعدل نهائي - بالاول كان ماينام اساسا عندنا بس الان الحمدلله تعدل الوضع شوي

حبيت اقولكم ومااتهم احد بس عشان تعرفون حجم الضغوط اللي علي

من رجعت لزوجي اي علاقه خاصه بيني وبينه يصير لي نزيف شديد بدون سبب وجلست سنه كامله وانا الله عالم بحالي واستمريت على الرقيه انا وهو واهل بيتي والحمدلله من كم شهر الوضع افضل بعد مالقينا عملين سحريه وطلاسم ابطلناها على يد احد المشايخ

بعدها صار وحملت وتعبت كثير بسبب ارتفاع الضغط وصار عندي اجهاض وبعد شهرين حملت مره ثانيه بكرم من الله وربي يتمم لي على خير

بحملي الاول عرفت زوجته وقلبت الدنيا زعلانه انه ليش هي ماحملت لانها هي العروسه مو انا وكنت اشوف رسايلها واستغرب انهيارها حتى كانت تدعي على نفسها بالموت
ولما حملت مره ثانيه رفض زوجي اعلم احد نهائيا وماادري وش السبب
عرفت زوجة زوجي ان زوجي متزوج قبلها كثير وزعلت وبكت وقلبت الدنيا واشتكت لاهله وانه خلاص لاعاد يفكر يتزوج وهي مو منقصه عليه شي وقايمه بحقوقه كامله
زوجي يحاول مايقصر عليها ولايزعلها ابدا ويسأل عنها لو كان عندي عكسي تمام ولو تغيب او ماترد يقلق كثير عليها اشوف هالشي واحس نار بصدري
انا طلقني ولا ارضاني ولايصرف علي ويعزيني بالصبر دائما
وان ناقشته قال انا بطلقها بس اجمع المؤخر والمفروض انتي تحمدين الله وتصبرين وتحاولين تكسبيني
انا كل مره كنت اكسبه واسترده بس طفشت خلاص ديون وهم ومرض كلها انا دفعت ثمنها
بصراحه زوجة زوجي جميله بلد مشهوره بالجمال وصغيره جدا جدا يعني مافيه شي يجبرها تاخذ واحد اكبر منها ب 25 سنه
غير ان جمالها حطمني بوسط هالظروف ومو قادره اجاريها الماده مو مساعدتني ( علما ان جميع زواجات زوجي قبل اجنبيات )
والله العظيم يابنات ماالبس الان غير جلالة الصلاة بسبب حملي لاكريمات ولاعطورات بالقوه ادبر اكل اهل بيتي
حالتي النفسيه زفت صبرت كثير وش اخذت
ليته حافظ علي وقال هذي ام عيالي ولاباعني ع الاقل القى شي يجبر كسري
لدرجة صايره احلق شعري من الهم والله العظيم ماكذبت بحرف والله يشهد علي ودائما متحجبه بشرشفي

بتقولون كيف يعاملك يجاملني بعد حملي علاقه خاصه لي خمسه شهور مافيه وعذره الحمل وقبل كان النزيف
طلعاته وروحاته معاها طلباتها مجابه وحسب كلامه لانه بيطلقها مايبغى يقصر عليها بشي لكن انا لاحق يعوضني

وهي الله يهديها ان كانت مو قاصده وينتقم منها ان كانت قاصده بس توصل للناس اللي حولي وشلون هي سعيده وانه زوجي دائما يعاشرها بشكل متكرر وانه سبب لها وجع بظهرها
وانه يطلب منها ترقص ويطلب منها انه ماتنصح لان جمالها كذا عاجبه حتى بالليالي تشتكي انها صغيره وماتقدر ع النومه لحالها ومو متعوده وعشان كذا كان زوجي فتره طويله هاجرنا وماينام عندنا لانها تخاف

انا اللي دفعت ثمن زواج زوجي هو تمتع بس

كتبت هالكلام كله وطولت عليكم لاني من فتره ودي ارسل لها مسج اكتب كل شي بخاطري واجعل بيني وبينها ربي واذكرها انه انا مالي ذنب ان زوجي مزواج فلاتزيد جروحي بتصرفاتها
لكن ارجع اقول هي مالي علاقه فيها الخلل من زوجي

ناقشت زوجي قلت انا حامل وتعبانه جد تعبانه ومضغوطه اسمح لي ارسل - يرد وحده بتمشي وش عليك فيها صارت مثل ابرة البنج اللي يسكتني فيها

يطلب مني ارجع احاول اكسبه واتبعل له

بالله وشلون بشرشف صلاه ؟؟ يقول حتى لو هجرتك اطلبيني - ماعاد لي قلب او طاقه والله انا كمان انثى ماعوضتني ماديا ولامعنويا ولاحتى بتعدل كيف بتكون نفسيتي

ظروفنا والله العظيم صعبه صعبه

اعذروني طولت عليكم لكن هل انتم معي ارسل لها المسج او لعل فيها خير وتذكر زوجي بالعدل وببيته وتخاف الله فينا

عزيزتي لعلّ.

أتمنى ألا تكوني قد أرسلتِ لها شيئاً.

__________________


اللهم طِيبَ الأثر .. وحُسْنَ الرحيل.

لعل ماانصحك ابداً ترسلين لها،،ماراح تستفيدين شي وراح تعرف ان الموضوع يقهرك وتزيد بتصرفاتها
لاتستجدينها ولاتستعطفينها
مشكلتك مع زوجك مو معاها،،هو اللي مايعدل،،انتي كلمتيه
كذا مره ومااستجاب،،فوضي أمرك لله وارقي نفسك واكثري
من الإستغفار وادعي في قيام الليل والّحي على الله،،
الله يثّبت حملك ويرزقك الذرية الصالحة.

هلا فيك اختي واشكرك ع الرد - مشكلتي زوجي تعود اني اصبر واتنازل بس غيري لا دائما اكتم في نفسي واقول هذا شرع الله واصبر نفسي وبالاخير يصير مالي ولاحق ولي فضول اوقاته ومشاعره
الشيخ بن جبرين مااجاز زواج الرجل الا بموافقة الزوجه الاول وشرط العدل والقدره الماليه مين يحاسب الرجل لما يهدم بيته ويعيش زوجته الاولى بذل وحاجة عشان زواجه
مثل ماقلت لكم زوجة زوجي صغيره وجميله وكان فيها تبدأ حياتها مع اعزب وكنت بحصل عذر لمطلقه او ارمله او كبيره بالسن انها تتزوج متزوج على الاقل تكون الكفه متعادله
وبصراحه اسلوبها جدا حلو وكل وقتها مسخرته لزوجي دلع وحب وخضوع انا مو قادره اجاريها ابدا لان المي يفوق طاقتي من تجاربه اللي قبل وكذبه علي وتقصيره بحقي واشوف او يمكن الشيطان مزين لي هالشي ان رسالتي هي اللي بتخليني ابدأ من جديد
انا ماراح استعطفها بس بئذكرها بالله وان دعوة المظلوم مستجابه

اختي لعل تمنيت يكون موضوعك لحالك حتى نرد عليك

يمكن يضايقك لو قلت لك تعاطفت من زوجه زوجك

بنت وجميله وصغيره تزوجت متزوج كبير في العمر الفرق 25سنه ؟!

ويمكن اهي من البنات الي عندهم منطق غبي تزوجي انتي الثانيه يدلعك ومدري ايش

هل تتوقعين انها الان تنحسد على وضعها و سعيده معه

وش فايده جمالي وصغري اذا ماتزوجت شيخ الشباب يدلعني وانا اول حب له وهو كذالك !!

حتى مظهر اجتماعي لو كانت واثقه من حالها ووضعها مع زوجها ماتكلمت انها سعيده او تكلمت عن شي حرم الدين وله عقوبه شديده واهي وضعها مع زوجها في الفراش

فعلا العقل نعمه وزينه الانسان وجماله في عقله

انا نفسي لو اشوف وحده في ظروفها وكلامها راح ارحمها جدا !!

زوجك لو اعطها الان بعد سنوات قليله اهي في عز شبابها زوجك تقدم فيه العمر

ماادري وش ظروفها او وضع زوجك لكن لاتلومين زوجك اذا مال لها مو لانها صغيره وجميله لا لا

لانها تقدم تتعب عشان يمل لها بتعاملها لايجي في بالك اذا ارسلتي راح تتغير بالعكس راح يكون انتصار لها وتشبع غرورها

اما وضعك

ماراح الومك على حزنك الانسان يحزن ويتضايق

لكن الا متى
ولييييييه كل هذا عشانه تزوج هذا امر الله وامر الله ناافذ وهذا نصيبه ونصيبك

هل حزنك وهمك رد قضاء الله وقدره ؟!
حزنتي سنين حلقتي شعرك من همك تغير شي من امر ربي

لاتلومين نفسك وتكثرين من جلد ذاتك اضحكي اهتمي بنفسك حبي نفسك

الانسان اذا ربي عافاه في دييينه وهذا اهم شي
و في بدنه
الحمدالله حامل ولك اطفال
انتي في نعمه لا ظلمتي احد ولا في رقبتك حق لاحد

اما زوجك هو ينرحم يعني تتوقعين اشباع رغبات الجسد اهي السعاده لا ابدا
السعاده بال مرتاح الجسد هذا مهما تلهث عشان تشبعه ماراح يشبع ويبقى الانسان طماع

زوجك ظالم وراح يتحاسب لاتغرك الدنيا كم راح نعيش ؟!!
اذا الانسان حياته ملخبطه ولا اعطى كل ذي حق حقه وقام بكل الي ملزوم فيه ماراح يرتاح

ممكن زوجك يقدم لزوجته عشان يرضيها مو لانها يحبها بس اهو يشوفها تستحق
او انه ظلمها بزواجها منه

زوجك الان اتوقع مو صغير في العمر والعمر له احكامه ولا اتوقع ابدا زواجه منها يستمر الا ماشاءالله
وهو فعلا ينوي طلاقها زوجك مزواج واتوقع اهي انصدمت بالحقيقه المره ولا فيه احد يقول راح يطلق ويستمر مهما كان خذيها منطق

وعموما الانسان اذا تقدم في العمر زاد حبه للدنيا وتعلقه فيها وهاذي ازمه الرجال اذا وصل الاربعين

ويثبت هذا اغلبهم يعدد في هذاالعمر مو لرغبه كثير شي نفسي لان لو على الرغبه اتوقع مافيه مثل الشباب


الله يصلح حالك ويسره اكثري الدعاء والاستغفار تقربي لربي
الدنيا فانيه و اذا الانسان اصلح حاله مع الله ربي يسر له كل خير وزينها مع الله تزين
واهم شي الاخره

اكثري من دعاء

اللهم لاتجعل الدنيا اكبر همنا

ولعل الله ارد لك منزله في الجنه تنالينها بصبرك

الله يسعدك ويريح بالك ويرزقك من حيثب لاتحتسبين

وحبيبتي لعل

اخر شي لاتنتظرين الظروف تتغير وزوجك يتغير وحالك يتغير

اذا ماغيرتي من حالك مافيه شي راح يتغير للافضل الا اذا بدلتي افكارك

ونزعتي عنك ثوب الحزن وكنتي قويه بالله اولا ثم بنفسك قوتك الداخليه

واحسنتي الظن بالله راح يعوضك خير