ممكن اتكمل في الردود وتكتب اضافة بعض النقاط على الموضوع ترى احنا امتابعين موضوعك

السلام عليكم

كل شيء مقبول في كلاامك اخي الكريم

ما عدا مساج الوالده احسها صعبه

عموما هذا الشيء يرجع لطبيعه الحياه ...

لكن حبيت اعرف لو لقيت زوجه فيها كل هالمواصفات معاك انت

لكنها قوية وماتسكت عن حقها لو فرضا انغلط عليها من اخواتك او والدتك ..
كيف بتسوي

وفقك الله لما اردت

اخي الكريم
كلامك سليم 100%
ولكن المرة كائن بشري ... مثلك مثلها
يعني اكيد لازم تجيها اوقات تكون معصبة او تعبانة
ما رح تضل تدلل فيك 24 ساعة... وانت بالمقابل المفروض منك تحتويها وتتحملها
وما تقول هيا عودتي على الدلع والحين معصبة علي ومالها خلق
يعني يا اخي المرأة تكون شبه مثالية وبالحالة اللي انت تبيها ... لما تكون قاعدة بالبيت مش موظفة ... وعندها شغالة وطباخة ومربية لاولادها... عشان تكون كاملة على طلبك
لكن هذا لا يمنع اننا نحن النساء نحاول ان نرضي الزوج على قدر استطاعتنا ... وفي حدود طاقاتنا ... وبالمقابل هم يقدرون
تقبل تحياتي

__________________

بعدين حبيت أضيف نقطة اللي زوجها مايستاهل ، تسوي له كذا لله عشان تكسب الأجر وأكيد هو راح تتغير معاملته لها وإذا ماتغيرت راح تكسب الأجر .. ومرة ثانية أعيد موضوعي أسمه .. هكذا أريد زوجتي .. أتمنى محد يجي مرة ثانية ويقول لي كيف بتكون مع زوجتك لأن ذا الشي خارج عن الموضوع .
وأنا الحين أترقب مواضيع البنات كيف يتمنوا أزواجهم وإن شاء راح أطبق اللي أقدر عليه .. وطبعا ً ماراح أقول لهم كذا تبغوا أزواجكم طيب أنتم كيف بتكونوا لأن عارف أن موضوعهم راح يكون فقط عن كيف يتمنوا أزواجهم .

اخي بارد
موضوعك حاااار
جزاك الله خير
وصلت الرسالة

السلام عليكم ورحمة الله وبركاته :

نصيــــــــــــحة

إلى كلّ من قالت أنه من المستحيل عمل مساج لوالدة الزوج

وتنزهت عن ذلك ، فأقول ما يضيركِ لو وضعت يديكِ على أكتافها

وظهرها لدقائق معدودة لتكسبي حبها وحب من يحبّها وحبّ قراباتها جميعهم

فهي ستتحدث عنكِ في كل مجلس ومكاااان

وأفيدكنّ أيضاً بأن والدة الزوج هي قرّة عينه ومن المستحيل أن

يقدّم عليها أحد ويحبّ من يحبها ويبغض من يبغضها

لي صديق يقول :

إذا وجدت زوجةً تقصر في حقي الكثير ولكن لا تقصر في حق والدتي

فأنا راضٍ بها ومقامها هدب عيناي ، ولن أرضى لغيرها بديل

فلتعلمن يافتيات بأن أم الزوج أبدأ على الزوج من نفسه

ولكم تحياتي ،،،،

أخووكم

.. أتمنى زوجتي تكون زي كذا .

7
7
7

1 - نبدأ من بداية اليوم كيف تصحيني لصلاة الفجر ؟ .. ماتناديني بأسمي ولا شي .. بس عليها أنها تمسك رجولي وتهمزها ( تسوي لها مساج ) لين تحس إني صحيت ، طبعا ً ذي الحركة أموت عليها في التصحيه تعطي الواحد نشاط غير طبيعي لإنها تحرك الدم خاصة المساج للرجول .
2 - إذا حست إني صحيت تبى تدلعني وتقبلني ، وتقول لي قوم ياعمري يالله الصلاة .. ومن ذا الكلام ، وإذا كنت تعبان مرررة ومافيني أروح الصلاة .. تبدأ تذكرني بالأجر والثواب وإنشراح الصدر والتوفيق .. الخ .
3 - بعد الصلاة أرجع ألاقيها مسويه لي فطور .
4 - قبل لاأروح الدوام تلحقني عند الباب وتضمني وتقبلني وتقولي حشتاق لك ، وتقول لي لاتنسى تحصن نفسك حبيبي ( يعني تقرأ المعوذات وأية الكرسي ) .
5 - بين كل فترة وفترة يعني كل أسبوع أسبوعين .. المهم .. ترسلي لي مسج تقول فيه أشتقت لك متى ترجع .. ؟ ، أو ترسل رسايل حب .
6 - تحط لي رسايل حب في المحفظة .
7 - إذا رجعت البيت تسبقني قبل لا أروح لها وتضمني وتقبلني وتقولي أشتقت لك ، وتقبل يدي وراسي أو يدي بس < يموتوا في تقبيل اليد الرجال .
8 - إذا قعدت معها تقول لي الأخبار اللي أحبها مثلا ً لو كنت أحب الأخبار السياسية .. تقول لي أخر الأخبار أو مثلا الأخبار الرياضية تقولها لي وتشاركني في هوياتي .
9 - إذا بغتني أطلعها السوق تجي تتدلع علي .. طبعا ً أنا ماراح أستحمل وراح أوديها السوق غضب عني .. طبعا ً ألا إذا كنت مشغول أو عندي شي .. بس بوديها في أقرب وقت .
10 - تهتم في أمي وأخواتي وتخليهم يحبوها ، ودايم تجيب لهم هدايا ، وماتزعل أمي ولا أخواتي أبد .. حتى لو غلطوا عليها .. تجي تقول لي أخواتك غلطوا علي وأنا راح أراضيها .
11 - ودايم تسوي لأمي مساج لو لخمس دقايق أهم شي أبي أمي تحبها .
12 - دايم إذا قعدت على الأنترنت ولا قعدت أتفرج على التلفيزون أبيها تجي تلصق فيني وتقبلني .
13 - أبيها مبتسمه على طول .
14 - إذا كان عندها مشكلة ماأبيها تقول لي أيها على طول .. أول شي تجي تحضني وتحسسني بضعفها ، وبعدين تجي تجلس جنبي ، وتبين أن عندها شي بتقوله بعدين تقول لي مشاكلها .. طبعا ً بشرط ماأكون داخل جو مع برنامج مفيد ولا حلو وتجي تقول لي مشاكلها لما أكون فاضي .
15 - أبيها دايم تسوي لي مفاجات .
16 - أبيها دايم متجددة وتسعى للأفضل دايما ً .


عندك حق ...وراح تلاقي زوجتك مثل ما انت تبي بس ...

تعمل معاها نفس الخطوات اللي انت كاتبها (مع التخفظ على بعضها)

وكيد راح تجني ثمار وفايدة وتلاقي وجتك مثل ما تبيها وبدون اي مشاكل

لأن الحياة مشاركة ....ابدا انت وراح تسعد بالنتيجة اكيد

__________________

ربنا هب لنا من ازواجنا و ذرياتنا قرة اعين و اجعلنا للمتقين اماما

بارك الله فيك اخي الكريم

تصدق غيرت فكرتي

اول ذكر النقطه جات في بالي اعمل مساج لرجوالها بصراحه تحرجت منها

بس لما قلت كتوفيها ويدها

اقنعتني وان شاء الله اطبقها مع ام زوجي


الله يجعلنا بنات بارات وزوجات صالحات

جزاكم الله كل خير


حقيقة انتظر اراء الشباب البقيه ( كيف تريد زوجتك)

__________________

لااله الا انت سبحانك اني كنت من الظالمين .. ربي اني مسني الضر وانت ارحم الراحمين .. إنا لله وإنا إليه راجعون ولاحول ولا قوة الا بالله .. يامغيث أغثني

إلهي احفظ لي(سلطان وسعود) واقر عيني ببرهم وصلاحهم وعوضني واياهم الرجل الصالح الذي يخافك فينا

الإشراف:

اخي الكريم ::

يمكنك وضع النقاط في رد منفصل وانا اقوم بالتعديل ووضعه في الموضوع الرئيسي كما ترغب

موفق يارب

__________________

لااله الا انت سبحانك اني كنت من الظالمين .. ربي اني مسني الضر وانت ارحم الراحمين .. إنا لله وإنا إليه راجعون ولاحول ولا قوة الا بالله .. يامغيث أغثني

إلهي احفظ لي(سلطان وسعود) واقر عيني ببرهم وصلاحهم وعوضني واياهم الرجل الصالح الذي يخافك فينا

عليكم السلام ورحمة الله وبركاته

الله يرزقنا بالرجل الصالح اللي يستاهل وأكون له مثل مايتمنى

أمنياتك واقعية و أتوقع لو كان أي زوج طيب وتكون ردّات فعله مثل ردّات فعلك في هذا الموضوع

راح تلقى زوجة مثل ماتتمنى وأكثر

الله يرزقك ويرزقنا من فضله .