بسم الله الرحمن الرحيم .
السلام عليكم ..


النقطة الأولى :
يعني بس لأنها في فترة الحمل أخليها تهيني وتقط علي كلام جارح وأصبر عليها ؟؟


النقطة الثانية :
يا جماعة :
أنا اللي أطبخ وأنا اللي أغسل الأواني وأنظف البيت وهي لو ينقلب البيت فوق حدر ما عبرت فيه ..هذا حالها طبعاً من بداية زواجنا إلى ألحين ( زواجنا قرابة سنة ) ...

ولا و بعد هي اللي تأمر علي.. وش بتطبخ لنا اليوم ولا ويش بتسوينا الليلة ؟؟


الله يعين ..

تم تعديل العنوان بما يتناسب مع المضمون ..

والله ما ادري شو اقولك اخوي .. كلامك صدمني .. من بداية زواجكم وانت على هذه الحالة ..

هل أنت من طبقة اجتماعية وهي من طبقة اعلى منك بكثير !!

..

لا تقريباً نفس الطبقة الاجتماعية ..

.............................
عاد زوجتك زودتها صح
ورها العين الحمراء وقول لها بصريح العبــارة
لا تجــاملها ولا تضحك معــاها .

......................................
الله يهديك كله منك عودتها على هالشي


يرجى الابتعاد عن الردود الجارحة ..

داري أنا أن هذا اللي بتقولونه ....

المشكلة فيك اولا لأنك سمحتلها باستغلالك بهذه الصورة الغير طبيعية من بداية زواجك ..

تلاحق على نفسك وقم بإعادة بناء شخصيتك امامها لأن الوضع سيزاد صعوبة مع مرور الوقت مع تعودها على هذا الوضع معك ..

إشرايك أنت يا أخوي :


أهون ما أطبخ .. والجنين كيف يتغذى <<< أخليه يتغذى على الحلويات والشكولاته ؟؟


والبيت أشلون أخليه بالشكل المقرف . والوصخ .. ما أنظفه يعني ؟؟

وفراش النوم ؟؟؟ أخليه مو مرتب .. بحيث نرجع ننام عليه مرة ثانية وهو بنفس الوضع لما صحينا من النوم ..


أنا أحب النظافة وأحب الترتيب .. ما أحب القرف ..

انت شكلك عاجبك الوضع الجنين غيره الف جنين بس الكرامه وينها جيب لها خدامه واذا ماتقدر خلها تقوم بتقول تعبانه ماقدر طيب من يوم ماتزوجتها وانت تطبخ وتكنس خلك على الوضع هذا احسن اذا ماودك تتعبها الله يعينك اذا جاء البيبي انت بتغسله وتحفضه وترضعه والا غلطان اخواني واخواتي

ولا و بعد هي اللي تأمر علي.. وش بتطبخ لنا اليوم ولا ويش بتسوينا الليلة ؟؟
قوية جدا ....جريئة جدا ...زوجتك

يعني الوحام علي اشغال البيت ....والاكل تلهفه علي الجاهز ...

بصراحة ماتصور في ناس عايشين هالشكل ...عشنا وشفنا

__________________

انا مع كلام اخوي.... سيد الرجال