السلام عليكم ورحمة الله وبركاته
اريد من الكل المشاركه في موضوعي وايجاد الحلول لتلك المشكله التي نعاني منها من سنين طويله
عندي اخي الكبير اكبر واحد من اخواني الشباب واهبل واحد في نفس الوقت اخي هذا مدمن مخدرات وعاق لابي وامي وخاااااااصه امي يقول لها انا اكرهك مع العلم انه يفعل ويتكلم وهو صاحي واحيانا يضربها ويضرب ابي ويبيع اغراض المنزل ان لم يتوفر معه المال وطبعا هو عاطل لاوظيفه ولازوجه وجعل حياتهم جحيم لايطاق كل يوم مشاكل واخواني الباقين يتفرجون على هالمهزله بدون مايحركون ساكن ماهمهم الا حريمهم وعيالهم وابي يقول لااحد يقول له شيء ويحبه بجنون ويقول هو بكفه والباقين بكفه ونصحت امي تشتكيه وتدخله السجن وهي خايفه تقول اخاف يطلع من السجن ويقتلني وابوي يتوعدها يقول لو تسجنينه ماتلومين الا نفسك المهم هذا المجرم لايحترم قريب ولا بعيد وطبعا مبسوط ان ابوي واقف بصفه والله ماحد يطيقه وكلن يدعي عليه بالموت
واصغر واحد من اخواني عايش معهم بالبيت وهو مراهق وجات فتره والولد ضاع والسبب هو يجبره على الغلط واذا رفض يضربه حسبي الله عليه وانا ماني عارفه اللي مثل كذا كيف نتصرف معه والله انا جالسه في بيتي وابكي على حال امي واابوي واخوي الصغير اللي اصبحو ضحايا له الله ينتقم منه قولو امين

__________________

لا حوله ولا قوة الا بالله ،،،

اللهم أنا نسألك العافية ،،،

__________________

طيب اختي انت ما تقدري تشتكي عليه وتقومي بالدور اللي امك خايفة تسويه؟؟؟؟؟؟؟؟؟؟؟؟؟؟؟؟؟؟؟؟؟؟؟؟

معقوله 44زيارة وردين فقط كان املي فيكم كبير في ايجاد حل كسرتو خاطري للاسف

__________________

اختي الله يعينكم ويصبركم

واسأل الله ان يهديه ويصلحه

اول حاجه قولي لا امك نصيحه من القلب ماتضّيع قيام الليل وان تدعي له بالهدايه والصلاح وانتي بعد معها

ثاني حاجه مو حل انك تكلمي الشرطه حتى يسجنوه لان هذا الفعل غلط 100 % 100

اللي عليك ان تكلمي مستشفى الامل في منطقة الرياض وتشرحين لهم الوضع وهم بيتساعدوا معك واذا ما شفتي عندهم اهتمام كلمي الفرع اللي في القصيم وهم بأذن الله راح يساعدونك

لاتقولي مستحيل يروح او مستحيل يتشافي لان كل شي في يد الله سبحانه وتعالى

انتم ادعوا له وربي راح يفرجها لكم

اخوانك كلميهم بخصوص الموضوع حتى يساعدونكم ويقنعونه بالمشفى واذا ما اقتعوا اخوانك او عارضوك لاتيأسين

كلمي احد قريب لكم وتثقون فيه ويكون راعي دين حتى يروح فيه للمستشفى سواء اللي في القصيم او الرياض

وطمنينا عن اخبارك

اهم حاجه الدعااااااااااااااااء له لانه بحاجه لكم لكنه ضايع مو عارف وين طريقه

__________________
لاحول ولاقوة الا بالله العلي العظيم

اللهم اني اسئلك ان ترحم والدي وتغفر له وتجعل قبره روضة من رياض الجنه

اللهم انقله من ضيق اللحود ومراتع الدود الى جناتك جنات الخلود

جنات الفردوس الاعلى ياكريم

احاسيس المحبه
هو يشوف نفسه طبيعي ولايرضى يروح للمستشفى ولايقبل نصيحه من اي احد يعني على شينه قوة عين واخواني يقولو مالنا دخل فيه ومن عرفت نفسي وهو كذا يعني يبي له طبيب نفسي يعالجه مده طويله والله مشكله عويصه وامي تدعي عليه بالموت من كثر ماشافت منه
طيب لوبغيت اكلم مستشفى الامل واشرح لهم الحاله يجون ياخذونه بالقوه والا ايش لانه بالطيب ماراح يروح ابد

__________________

اكيد بيشوف نفسه طبيعي وماراح يعترف

واخوانك خلي احد تثقين فيه راعي دين ( خال ـ عم ـ ولد خاله الخ ) يكلمهم ويقنعهم مهما كان هذا اخوهم

لان كثر الكلام فيه تأثير عليهم وبعدين سمعتهم من سمعة اخوهم

ثاني حاجه اعتقد انه احد من ناسه يودونه المشفى ماني متأكده لكن اذا انتي بالرياض او القصيم يمكن المشفى

يقدر هو ياخذه بس لازم تكونين مصررره

وامك قولي لها اذا ضاق صدرها من فعايله لاتدعي عليه بالموت تبدّلها بدعوه منها له بالصلاح والهدايه لان ربي بيستجيب دعائها

والله يا اختي ربي قررررريب بس لازم يكون عندكم يقين وعزم وعدم يأس من رحمة الله

وطمنيني وش بيصير عليكم

__________________
لاحول ولاقوة الا بالله العلي العظيم

اللهم اني اسئلك ان ترحم والدي وتغفر له وتجعل قبره روضة من رياض الجنه

اللهم انقله من ضيق اللحود ومراتع الدود الى جناتك جنات الخلود

جنات الفردوس الاعلى ياكريم

مشكورة احاسيس المحبة والله كلك احساس

__________________

ياطولية العمرر انا ما اعرف انتى وين ساكنه ...

لكن انتى في دولة تحفظك ... وتحفظ حقوق ... وتحفظ اهلك


انا ما اقول اتصلي على الشرطة وروحي اشتكيه .... هذا غلط كبيرر .. لانه يظل اخوك

انا من رايي انك تتصلي عن المسؤولين عن الاسرة

لو كنتى في المملكة العربية السعودية ادام الله امنهاااا

فيه رقم وضعته وزارة الشؤون الاجتماعية ... وهو رقم مجاااني .... تقدري تتصلي عليهم ويعطونك الحلول الكافيه

ويمكن كماان يرسلو لك ناااس من مستشفى معالجة الادمان وياخذو اخوك ... ويعالجونه

اخوك هذا ما يسوي الحركات عن ظلم او بطش او تكبر

لا ابداً وانما يسووي هالحركاات ... لانه مدمن .. وحتى لو كان طبيعي لما يتكلم

حل اخر

اختي الفاضلة ...

هناك هيئة الامر بالمعروف والنهي عن المنكر

تقدري تاخذي رقم اي شيخ من المشايخ ... المنشرة بين الناس .. وتتصلي على اي احد

ويقدر يسااعدك ... وانتى في بيتك .... ولا تغتري من الحملة الاعلامية القذره عليهم

لانهم ناس حماة للفضيلة .. وارقامهم اكيد مع كل شاب .... كلمي اي وحده من صديقاتك تجيب لك الرقم


الحل الثالث

تتصلي .. وهذا في حال انك تشووفي خطورة على نفسك وعلى اهلك ... وانا ما اتوقع انك توصلي لهذي الدرجه

انك تتصلي على الشرطة وتطلبي حماية نفسك .... واذا تدخلوا الشرطه بالفعل بيدخل السجن ...

هذي الحلول لو كنتى في المملكة العربية السعودية

اما لو كنتى خارج المملكة

فما لك الا الشرطه ... والله يكون في عون كل انسان خارج المملكة

انصحك اختي تذكرينه بالله وذكريه بعاقبته بالي يسويه بامك وابوك واخوك
وحاولي عل وعسى وانصحيه وقولي له يرضيك كذا حسسيه بالذنب اذا موعصبي بتتاثر نفسه ويتغير اذا عصبي ابعدي عنه لاجل لايجيك شي منه وانصحك كمان تحاولي تكلمي امك تنصحه وهي كل يوم انها تدعيله بالهدايه هذا افضل حل بنظري واهم شي يسمعها بكل صلاه وهي تدعي له لاجل يتوب والله يعينكم بجد الانسان لمن يشوف مصيبة غيره تهون مصيبته
والله يصبر قلب امك وابوك ويشفي اخوك ويهديه امين يارب