انا متزوج من 5 شهور من اول ايام زواجنا انصدمت بجسمه سمينه اكثر من الي سمعت عنها من امها قبل الزواج وانا ما حبيت البنت بس قلت نصبر ويجي الحب حبه حبه مع ان البنت تحبني بس احس انه حب تمثيلي يعني علا قولتنا (طفه)
بس مافي فايده ما قدرت احبه كنت اول ايامي تغاضيت عن بعض الاشيا مثل الجسم وقلت نصبر عليها
بس كل يوم يطلعلي شي جديد ماعطتني فرصه احبه من ضمنها يتعلق بالطبع وصعب تغير الطبع كثرت النوم مافي اي اهتمام لزوجها بعد مايجي من الدوام حتى لو طبخت طبخه مافيه طعم والا تعرف تطبخ والا تحب السمك والا الحم تخيلو يوم غسلت الدجاجه يوم شافت الدم تقرفت منها و من عقب هالموقف بدت ماتاكل الدجاج الا مجامله قدامي بس يعني وش اكل معه !!اذا كانت من هرفي او سنكرس اوفيشار تاكله بكل شراهه يعني بختصار ماتحب شي اسمه طبخ بيت تحب كل شي يضر حتى الكوي ماتعرف تكوي
حتا طبعها عصبيه و اذا تنكدت من شي خلاص تقلب فوق تحت لو هو شي تافهه
وانا الحقيقه احس انه ماتصلح ام بالمستقبل مافي اي اهتمام ابد الا في اشيا بايخه

البنت مصابه بكسل بالغده طبعا ما قالو لي الا بعد الملكه الله يهديهم
والا ادري كيف افتح الموضوع معها مابي اقولها اني ماحبيتك حتا مع ابوها مادري وش اقول ؟؟؟

الي فهمته انك تبي تطلق بس ماتبي تقول لابوهااولها على عيوبها

اذا انك فعلا حاسس انك منت مقتنع فيهاصدقني حتكون طول عمرك كذاماراح تقتنع المفروض من ايام الملكه تتخذقرارك...الحب الي يجي بعدالزواج يااخي له شروط وشرطه انه يكون فيه قبول مبدئ واقتناع من البدايه بعدهايجي الحب مع العشره والايام

لكن انت ماتقبلتهامن اول نظره ولااقتنعت فيها المفروض ماتحط امل انك راح تحبها..هداك الله تجي الحين بعدمافات الاوان تتخذقرارالطلاق

عموماانتبه من موضوع الحمل لانه حرام يكون بينكم طفل وانتوا كذا واذا سويت الي في بالك وطلقت اتمنى انك تذكرهابالخيرقدام الناس والي يسال قله( مااتفقنا)

الله يألف بينكم

يااخي بما انو الغدة عندها كسل طبيعي جدااااا كل تصرفاتها الغدة كسلها يسبب خمول وتاثيرات نفسية اخرى
وتسبب السمنة ايضا...
يعني 5 اشهر غير كافية
لان تحدد
واغلب البنات صراحة اول الزواج يكون في من ناحيتهم شوية اهمال في الطبخ والكوي

ومع نصح الزوج والايام بتحملو المسؤولية وبتغيرو صدقني كلنا كنا فينا كسل او تقصير في بعض النواحي والان مافي احلا منا

عالجها الاول من الغدة بعدين انصحها
وانا حسيت من كلامك انو اسلوبك معها لسة ماتبعت كل الممكن من نصح وارشاد وحب وحنان

مسكينة يعني بدها مين يوجهها

والاهم مبدئيا تاجيل الحمل لحين تتضح الصورة معك وتتفاهمو وتتحسن اموركو

__________________

الله يجزاك خير يا Beta2

المشكله انا شايفها مرتين مو مره بس في اشيا داخليه ماتبينت معي الا بعد الزواج يعني زي ترهلات اتوقع صعب علاجها وما اشوف انها مستعده لهشي حتى بالجماع اواجه مشاكل معها مع اني انا وزني كبير شوي
تصدقون بعد الزواج اكتشفت انه موقفه عن العلاج من مده مادري كيف اهلها رضو انه تبطل واحساسي انهم مدلعينها
والي يضيق صدري كل ماجيت من الدوام مافي اي اهتمام لازم انا امرها تسوي الغدا واذا سوت الغدا ما اقدر اكل زين تسد نفسي ماتشجع علا الاكل تلمس مجامله استغرب منها عكسي تماما بالاكل انا من النوع الي يحب المشاركه وبذات بالاكل تنفتح نفسي والله ما اتهنا بالاكل الا مع اهلي والا مع الشباب حماس


ودمتم بحفظ الله

يا أخوي لا تطلق الله يحفظك .. ولا تفكر في الطلاق ..

موضوع الطبخ والكوي .. اصبر ..

بنات الزمن هذا إلا من رحم ربي .. يبيلها سنة أو سنتين .. علشان تتعود على أمور البيت وتحمل المسؤولية ..

أول شيء رووح للمستشفى وشوف مشكلة الغده .. وهل لها علاج .. وعالجها ..

ويوم يكتب لها ربي الشفاء وأسأل الله أن يشفيها عاجلا... ابدأ انصحها ..

وممكن تعمل جدول للأكل الصحي .. لك ولها وتعمل جدول للتخسيس والرياضه لك ولها ..

أنت الآن تزوجت .. لو كان قبل الزواج علموك بالعيوب اللي فيها كان أفضل ..

بس الحين أنت في وسط المشكلة والأمر راجع لك .. مع أني أرى أولاً : أن تساعدها .. بالأمور اللي ذكرتها لك ..

الطلاق ليس حلا للمشكلة .. ..

اغلب بناتنا إلا من رحم الله فيهم الأمور اللي ذكرتها بموضوعك ..

بس يبيلك تصبر وتوجه وتدعي ربك ..



الله يحفظكم لبعض ويسخركم لبعض ..

تسلمون علا الردود

ما اتخذت القرار ايام الملكه لا اسباب الا وهي قلت مو مشكله هاذا مرض وقدر من الله وقلت في نفسي لو اتركها ايام الملكه وش بيقلون الناس عنها تركها بعد الملكه هاذي مشكله للبنت ومشيت بعض الامور بس بعض تصرفاتها تقهرني تستغفلني وتكذب علي احيانا والوازع الديني عندها مش والا بد مهمله تصدقون سافرنا يوم دينا لمكه قالت مابي اعتمر تعبانه وانا اكتشفت انه مابفيها الا العافيه انصدمت الصراحه من هالموقف والا جبرتها

لو تاركها من الملكه احسن لها
من لقب مطلقه بعد 5 شهور زواج

كان التمسو لك الناس مئه عذر انهم اخفو عنك مرضها و هذا تدليس و غش

اما الان و انت بعد ما ضمكم بيت واحد وقد أفضى بعضكم إلى بعض بتتركها و تصير مطلقه

هنا الناس وش يقوون عنها

و حتزيد مرضها امراض

__________________

بحثت بالانترنت عن سلبيات هاذا المرض واتضح انه مزمن الا من رحم ربي ويسبب بعض المشاكل الي عندها بس ما اتوقع انه ينزل وزنها لانه السمنه الي تسببها الغده تورم فقط مع استخدام العلاج تروح بس فيه ترهولات من الوزن السابق لها لانه كانت اسمن من الحين وبالنسبه للكل حاولت مها بس تقول ما احبه وما تقدر تجبر احد علا شي مايحبه احس انه صعبه شوي

تبي الجد يابو لسع في حاجه هي الي اتوقع ما تعالج مثل يوم تغسل الدجاجه وتقرفت منها عقبها كرهت الدجاج ومره جت علا اصبعها نقطت زيت من القلي وهاذا شي طبيعي يحصل مع الحريم تنكدت وما كملت شغلها تركته عشان نقطه يعني شغل دلع