السلام عليكم و رحمة الله و بركاته

سأبدأ بالموضوع على طول بدون مقدمات

بنتي (اللي في الصوره) صار عمرها 3 سنوات و 8 أشهر و ما شاء الله تتكلم بطلاقه و كلماتها جدا مفهموه و تكون جمل صحيحه من ناحية القواعد يعني

حاليا تعرف تعد و تكتب الأرقام من1 الى 10 بالعربي و الأنجليزي و تعرف كمان حروف الأبجديه العربيه كلها حتى كتابيا ما شاء الله
ما انكر انه صعب عليها كتابة بعض الأحرف مثل ط ي س ش بس ما شاء الله في تحسن يوم بعد يوم
و كمان ما شاء الله بنتي تتكلم 3 لغات العربيه و الأنجليزيه و لغة البلد هنا بحسب سنها طبعا
فا انا شايفه انه بنتي عندها قدره على التعلم و تحفظ الكلمات و الأشياء بسرعه ما شاء الله تبارك الله

فبدأت اعلمها القرآن هي الحين تعرف الفاتحه و الإخلاص و المعوذتين لأني اقراهم عليها كل ليله قبل النوم فحفظتهم تمام
بس حابه اعلمها صغائر السور اول شي و شوي شوي كل جزء عمه ان شاء الله قبل تصير 5 سنوات اذا معقول

بتسألوني وين المشكله.. المشكله انه عدم صبري على اخطائها في النطق و احيانا انشغالها بأشياء ثانيه
يعني هذا قرآن مش لعبه و صراحة ما اتحمل شقاوتها و لعبها لما احاول احفظها القرآن بعكس الأشياء الثانيه مثل الحروف و الكلمات و الأرقام
فهي لاحظت الشي هذا اني حازمه و اني ما اقبل عدم تركيزها و اخطائها فصارت ترفض تتعلمه
و تقولي ماما بعدين قرآن تعالي نلون او تعالي نكتب 1 2 3 يعني اي شي ثاني غير القرآن

و انا اعترف خطأي اني ما طولت بالي عليها و اني المفروض اراعي صغر سنها
بس والله صعب احس انها تتلاعب بكلمات الله استغفر الله العظيم بس
و كمان اخاف اضغط عليها تتحول لعقده تقوم تكره القرآن لأنه عقلها الباطني بيربط حزمي و شدتي و قساوتي مع حفظ القرآن
و انا هذا الي خايفه منه ما ابغى اعقدها من القرآن بالعكس ابغاها تفرح فيه مثل الأشياء الثانيه

طبعا زوجي يقول انها صغيره و خليها تصير 5 او اكبر و تستوعب اكثر و قتها تقدري تنبهيها من ناحية الشقاوه
و أحيانا يقول اانه اول 7 سنوات هي سنوات اللعب و الشقاوه و خليها تعيش طفولتها و لاحقه على تعليمها

فقاعدة زوجي هي:
0-7 سنوات= لعب, شقاوه, طفوله, استكشاف العالم
7-14 سنه= مرحلة التعليم و التربيه و الإرشاد و العقاب
14- 21= مرحلة التنفيذ و مرحلة حصد ثمار السنوات الماضيه
21 + مرحلة الأعتماد على النفس كليا
طبعا كلام زوجي هذا جابه استنادا بما روي عن السلف (( لاعب ابنك سبعاً، وأدبه سبعاً، وآخه سبعاً، ثم ألق حبله على غارب ))

و أنا ابغى استفيد من وقتي الحين بما اني بالبيت و في اجازة الأمومه عندي كمان سنتين و بعدها راح ارجع على الدراسه و يمكن اشتغل كمان

ايش رايكم انتم.... تعتقدوا اني كثرت عليها,, ايش تنصحوني!

اهلين حبيبتي غربه

الحمدلله طمنتيني يعني انا ما كثرت عليها صح?
و اللي اسويه الحين هو اني احفظها سوره معينه خلال اليوم يعني بعد كل صلاه تيجي تجلس جنبي و اعلمها
و أحيانا لما اكون مشغوله بالمطبخ و هي تكون جالسه على الطاوله ارجع اعيد عليها السوره
و كمان احيانا لما نكون برى و نتمشى مثلا ارجع اذكرها بالسوره
و كذا يعني تكون حفظت السوره و ترددها بنفسها لما تكون مشغوله بشي

و كمان انا اعلمها السور عشوائيا من غير ترتيب
لأني مركزه على السور القصيره مثل الكوثر و النصر و تكون اسهل لها يعني
ايش رايك.. كويس كدا

هلا بنورا
و الله فكرة المسجل بصوت القارئ يكون بطيئ راحت عن بالي,,
عندنا صوت القارئ سعد الغامدي طول اليوم شغال و ما شاء الله اطفالي لما اشغلهم يهدوا يعني يطرد شياطينهم
اتذكر لما كنت صغيره و كنت اروح تحفيظ القرآن كان بابا يشغلي المسجل على القارئ عبد الباسط عبد الصمد
و ما شاء الله كنت اردد وراه و احفظ بسرعه لأنه كان بطيئ بالقراءه فكنت جدا مستفيده منه
مشكوره على الفكره و ان شاء الله بجربها

اما عن سؤالك يا نورا
فهو شي يعتمد على الطفل نفسه اولا و مدى تقبله للتعلم,,
لأنه ابن اخو زوجي اكبر من بنتي بسنه يعني عمره قريب من 5 سنوات و توه بدأ يتكلم بوضوح و جمل مفهومه
و امه دائما تشتكي من شقاوته و انه ما يحب يجلس و يكتب او يلون... احب ما عنده يجري و ينط و يلعب بسياراته و الكوره
فما ادري عن صحة الكلام اللي يقول انه البنات اسرع في الكلام و التعلم من الأولاد

بس انتي لا تستسلمي اشتريله الوان و اقعدي لوني معاه و قوليله عن اسم اللون عشان يتعلم
اكتبيله الأرقام من 1-5 و خليه يتعلم كيف شكلهم و بعدين راح يحفظهم و ارجعي علميه من5-10
خليه يقول أسماء الأشياء, مثلا لما يقولك ماما عطشان اخذيه على المطبخ و اسأليه تبغى تشرب المويه في الصحن ولا الكاسه
هو يمكن ما راح يقولها و بس يأشر بس عيدي عليه صحن ولا كاسه الين يقول كاسه و بعدين اعطيه
و نفس الشي لما يبغى ينام مثلا اسئليه تنام على الصوفا و لا السرير و كدا يعني
اعطيه خيارات منها يتعلم الكلمات و منها يحس انه ياخذ القرارات بنفسه

من ناحية القرآن زي ما قلتيلي شغليله المسجل و حتى لو بدأ يلحن من غير حروف لأنه بنتي كمان كانت تسوي كدا راح يتعلم شوي شوي
و كمان لازم يشوفك انتي تقرأي القرآن بصوت عالي عشان يسمعك و يبدأ يقلدك لأنه العيال يحبوا يقلدوا كل شي
لو حسيتي انه صعب عليه وقفي و ارجعي حاولي بعد كم يوم,, كمان فيكي تعلميه الأذكار و الأدعيه
مثلا اذا عطس يقول الحمدلله, قبل الأكل بسم الله, و بعد الأكل الحمدلله, و كدا الأذكار القصيره اليوميه
و اعيد لازم يشوفكم انتم كمان تقولها لأنه ما راح يتجاوب يتعلم و يردد لحاله

يوميا سويله برنامج تعليمي في البيت
يوم تعليم الحروف و يوم الأرقام و يوم اسماء الأشياء و يوم قرآن و يوم ادعيه يعني نوعي عشان ما يمل
و يكون احسن من انه يقعد يلعب طول اليوم لأنه راح يمل و يبدأ بأزعاجه و الحنه فوق راسك و انتي اللي فيكي من حمل كافيكي

الله يحفظه و تفرحوا فيه متخرج و بأعلى الدرجات

ايه صح يا غربه قصة الأناشيد مره محببه للأطفال

فيه نشيد بنتي تحبه مره اسمه Glory be to Allah
يردد (( سبحان الله و الحمدلله و لا اله الا الله و الله اكبر و لا حول و لا قوة الا بالله العلي العظيم)) و بنتي اتعلمت منه و طول اليوم تردد

مره كنا في باص و الباص مره مليان و بدأت بنتي تنشدها و بصوت عالي و الكل يطالع عليها
طبعا هما اجانب و مش فاهمين شي الا انهم ابتسموا لها و وحده عجوزه جالسه جنبي قالت بنتي تغني بصوت حلو على بالها اغنيه هههه

اتحفينا بخبرتك يا غربه بما إننا بغربه فأحنا نفهم بعض و احتياجات اطفالنا

ما شاء الله يؤبر ألبي حبيبي هادي طالع لأمه
طبعا ما راح يكون لك نفس تلعبي معه مثل أول و يوم بعد يوم راح تثقلي و تتعبي اكثر
بس مش مشكله نص ساعه كفايه و شجعيه يلعب لحاله بعد النص الساعه
ان شاء الله قريب راح يتونس بأخت ولا أخ يلعب معاه/ا

الحمدلله الحين مسؤليتي صارت اني اعلمها و بس اما اللعب متكفل فيه اخوها
ما شاء الله عليهم منظر جدا جميل لما اشوفهم يلعبو سوا و البيت كله يتحول لدوشه و ضحك هههه

ان شاء الله انتي كمان تستمتعي بلعبهم سوا و فعلا تحسي انه مسؤلية طفلين اسهل من طفل واحد
ما كنت اصدق الين شفت بنفسي