السلام عليكم
مدري وش فيني احس عندي حاله من كثر الضغط النفسي وابتعاد زوجي واهماله لي وهجره حتى الشغل بالبيت اشتغل ليل ونهار حتى النوم ماتهناه من بنتي الصغيره يقول لي ماعندك ولا شغل (ماعندي شغاله)احس صرت شغاله بالبيت بس اشتغل واربي ولما يجي وقت النوم انام
حرام والله حرام
رجعت للاغاني بعد ماتركتها وشوي استغفر الله واتوب بس ارجع واحاول امسك نفسي واجاهدها
للاسف حطيت بروكسي وصرت ادخل للمواقع المحجوبه والكارثه اني لاابحث الا عن مقاطع الفتيات وصورهن
صرت اعلي صوت الاغاني لاخر شي وارقص ..
رجعت امارس العاده السريه بعد ماتركتها خوف من الله
احس جواتي بقهر بغضب بحزن انتقام
احس اني بارجع لنفس حالتي لما رجعت لزوجي من قهر الاهل وقهر الزوج واهماله وخيانته لدرجه اني صرت ادخن
ارجوكم لاتستهزءو فيني والله اني اكتب وانا ابكي
استغفر الله العظيم

الله يهديك ويفتح على قلبك ،،
الله يسخر زوجك لك ويسعدكم ،،،
اختى اقرائي قران وخاصه سورة البقرة وخلي القران صديقك وانيسك وان شاء الله تتحسن كل امورك باذن الله ،
الله يحفظك يارب،،

__________________
سَلام عَلَى الدّنْيَا إذَا لَم يَكُن بهَا صَدِيقٌ صَدُوقٌ صَادِقُ الْوَعدِ مُنْصِفَا

أسأل الله أن يربط على قلبك...
لعل أعمال البيت والإجهاد تلهيك لهذا اندمجي فيها تماماً حتى ينشغل ذهنك عن غيرها...
شغّلي سورة البقرة بصوتٍ عالٍ في البيت...
أكثر من الاستغفار باستخدام أصابع يدك اليمنى...
احذفي البروكسي، وكلمة السر، وارميها بعيداً...
قزمي بزيارة أهلك أو صديقاتك...
:::
إن شعرتِ أنك مخطئة في حقه أو على الأقل هناك أمل في ليونته معك قومي بما يلي:
اجلسي مع زوجك، وضعي أيديكِ على مكان الخلل وأصلحيه، ثم احتوي زوجك بأنوثتك...
:::
التزمي الدعاء بأن يرقّق الله قلب زوجك...

آمين جزاك الله خير
هذا اللي اسويه مااحب اجلس بدون شغل واذا مليت رحت اشتغلت اي شغل في البيت وطبعا احتسب الاجر لان بنظره ماعندي شغل بس وبعدين انا في النهايه انسانه وزوجه لي حقوق
البروكسي من زمان حاولت احذفه لاني مااحب اخلي عندي مجال لشي حرام بس يقول البرنامج قيد الاستخدام قم بالغاء اي برنامج ثم اعد المحاوله اتمنى تساعدني اذا تعرف لاني عجزت احذفه ( سبحان الله حطيته اصلا عشان افتح موقع الساحات بس خطوات الشيطان اوقعتني اعوذ بالله منه )
بالنسبه للخطأ طبعا انا اخطيت بطريقتي في ابلاغه بالايميل اللي شفته وحاولت اني اقوله انه انا وكذا بس قطع علي الحوار وهو اصلا عمره ماجا ناقشني باي مشكله تصير هو طريقته على طوووول الصمت والتطنيش الين يطيح اللي في راسه استغفر الله بس

آمين
سبحان الله ردك كالبلسم الله يجزاك خير

طيب ياااختي اجلسي مع زوجك تصارحوا وتفاهموا
شوفي انتي ايش اللي مقصره فيه وكمليه
وبرضه وضحيله الشئ اللي مقصر فيه ويكمله
ان شاء الله بالحوار الهادئ توصلون الى حل
وبعدين من قالك ان الاغاني بتزيح همك وتريحك الا بتجيب لك الهم
والغم واستبدليها بالاناشيد
وطفله واحده ان شاء الله امرها بيتسهل
انتي حاولي تنظمين نومها
يعني ماتخلينها تقيل لو يصير اللي يصير
واذا قيلت خليها شوي مو كثير عشان تنام لك بالليل
واما شغل البيت الله المستعان
العمر يخلص والشغل مايخلص
بقولك شغله سويلك لسته باعمال المنزل
ورقمي كل شغله
وانجزي منها كل يوم اللي تقدرين عليه
ثنين ثلاثه المهم ماترهقين نفسك
وحاولي تخصصين لك في كل يوم كم وجه من القران
عشان لاتطوى صحيفة يومك دون تلاوة هذا الكتاب العظيم
وبرضه حاولي تخصصين وقت وتمارسين هواياتك المفضله
همسه
اذا كان عندكم في الحي مركز لتحفيظ االقران
سجلي فيه انتي وبنوتك
وصدقيني راح تنبسطين كثير هذا غير الاجر والثواب ان شاء الله
الله يوفقك

__________________
اللهم صلي على نبينا محمد وعلى اله وصحبه اجمعين

كلامك جميل الله يجزاك خير
بس للاسف زوجي ماعنده شي اسمه تفاهم على طوووول تطنيش الله لايوفق من عطاه هالنصايح اللي دمرتنا
بالنسبه للاولاد انا عندي اكثر من طفل وماعندي مشكله من هالناحيه بالعكس مرتبه كل شي بس بنتي نومها قلق كل شوي تصحى تخيلي القلق بس تنام 10 دقايق وتقومني بصياحها وتنام وتصحى احس اعصابي تتعب من قلق النوم
اما بيتي دور وكله سيراميك وماعليه ممشيه اموري ومرتبتها

الله يهديك أختي ,لما تلجأين للمعااصي وش تستفيدن , بتكثر الهموم وضيقة الصدر والطفش .
أكثري من الإستغفاار وإلجأي إلى الله هوالقادر سبحاانه يغير الحاال , ومن ترك شيئا لله عوضه الله خيرا منه .
والله كل الرجاال يقولون نفس الكلام ماعندك شغل , وهم نص الهم والشغل .
وصدقيني لوقاالك كلمة حلمة أو مدحك رااح ترتفع معنوياتك وتشتغلين بنفس, الحريم الوقود الي يشحن طااقتهم الكلام الحلو من أزواجهم .

__________________

كلامك صح الله يجزاك خير فعلا والله اني بس امس فقط عملت كل هذه الاشياء والله اني وجدت بعدها الم وندم وحسره ورجعت لله سبحانه مسرعه والله ماتحملت البعد عنه الله يتوب علي ويغفر لي ولك وللمسلمين

حبيبتي الله يعينك على ماابتلاك من اهمال زوجك لك ولكن أخيتي لا تقابلي الابتلاء بالجحود والمعاصي
حبيبتي لكل منا ظروفه الخاصة من ضغوط وقهر وما الى ذلك ولكن بابه كبير تضرعي اليه التمسي رضاه سبحانة اشكرية على نعمة العظيمة فالدنيا لم تقف عند عتبة زوجك
حبيبتي
لا تعيني الشيطان على نفسك كوني قوية بإيمانك
استغفري الله الجئ الية توكلي علية رددي من دعاء اللهم تولني فيمن توليت فمن تولاه الله لن يخسر ابد
استغفري غفار الذنوب توبي اليه عودي اليه عندها ستجدين ابواب الخير فتحت اليك وزوجك عاد اليك عودي اى الله فحياتنا بدون طاعتة لا تساوي شيئا
مع ودي

__________________
تراب كلنا حتى لو إختلفت بنا الصور