بسم الله الرحمن الرحمن الرحيم

السلام عليكم ورحمة الله وبركاته ،،،،

تحيه طيبة وبعد لك الحاضرين والزائرين ،،،،

لي موضوع هنا كتبته عنوانه ( ليش المرأة اطول نفس من الرجل اذا تخاصموا )
انا ماجبت الكلام هذا من فراغ لاني انا والمدام متخاصمين ولا عندها طاري تراضي .
طيب زعلانه براحتها لا تراضيني ولا اراضيها ، لانها هي الغلطانه وراضيتها ورفضت .
لكن اليوم بالصدفة افتح جوالها احصلها مسجله لقبي ب ( الخواف من خته ...... )
عصبت وتنرفزت مرة وقعدت الجوال -
وانا ماغيرت اسمها وحطلها احسن وصف ولا طاوعني قلبي اغيره حتى لو هي زعلانه او غيرت لقبي .
طبعا ما بنكلم بعض لنا مدة ،
كانت في غرفة اخرى واول ماشتفها ماتمالكت اعصابي وتكلمت عليها بدون سب او غط ,
انها راح تندم ، واني بنتقم منها واقهرها قهر ، وماردت علي ولا بكلمه .
وطلعت من البيت معصب وما بردت حرتي وارسل لها على الجوال رسائل تهديد بالانتقام .
طبعا هي من النوع الي عصبي مرة ، عكسي بالتمام ، وهذا الشي الي يرفع ضغطه مرة .
بالله وش اسوي معها الان مو راضيه ترضى ولا ترضيني وصعب اسوي الي براسها .
الله يهديها بس ، ودي اتزوج او اخطب بس علشان تموت قهر
وش رايكم وش السواة .

__________________
سابقى بالدعاء لكم وفيا ..
فأنتم رفقتي مادمت حيا ..

اخي العزيز تو الناس

انت ماغيرت اسمها ولكن هي غيرت اسمك لمذا ذكرت
لكل شخص طريقته الخاصة بتفريغ غضبه ليس من حقك
ان تفرض عليها طريقتك !

ما وضحت تفاصيل المشكلة كاملة
تقول صعب اسوي الي براسها، هو قد يكون بعينك
صعب لكنه بشكل عام سهل لو انك سهلته على نفسك

عموما شي اقوله لك اتمنى تستفيد منه بحياتك :
اسهل طريقة لحل المشاكل وتصفية الخلافات هي الاعتراف
بالخطا وليس التهرب منه
يعني لك كلامي شي ؟

__________________



احيانا يجب ان نفقد ذواتنا كاملة لكي نستعيدها كاملة ...

اهلا وسهلا بكم .
حلو كلام سليم ( اسهل طريقة لحل المشاكل وتصفية الخلافات هي الاعتراف بالخطا وليس التهرب منه )
اكيد يعني لي الكثير وبناقش بهدوء . طيب انا ما أخطأت علشان اعترف بالخطاء ، لذلك ماتهربت .

بقول المشكله وانتم الحكم هل انا على خطاء ام هي .

المشكله بدأت عندما اتت شقيقتي مع اولادها واكبر مني لزيارة الوالده وطلبت مني ان اوصلها الى محل ملابس قريب من المنزل لشراء بعض حاجات العيد لان الموضوع هذا حصل قبل العيد باسبوع تقريبا .
فقلت لولدي او صل عمتك لاني عجزان اروح ، راح شغل ابني السيارة لتوصيل عمته للسوق .
فاتصلت المدام تسال ليش الولد شغل السيارة رديت ببراءة بانه سوف يوصل عمته .
فجأة صرخت وعصبت وقعدت تتوعد وتنافخ وتزابد ،
رحت للبيت وقلتلها سلامت يام الشباب وش السالفه وش صاير بالدنيا قابة ومولعة نار .
قالت لا ياشيخ كاني مادري ، ليش تخلي ابني يوصل اختك للسوق ليش ما ستأذنت مني مهوب على كيفك هي وكالة من غير بواب يا خوية دهدي - قلبنا فلم مصري ههههها
وتهاوشنا هوشة كبيرة وحضرت بنتنا وفكتنا وقعدت تبكي وحنا متماسكين بالشوش .
اختي بالسوق ماتدري يوم خلصت اتصلت على ابني يجيبها وقالت له امه ماتروح ولا تجيب عمتك .
جيت انا بروح اجيب اختي ورفضت وقالت اختك ماتركب سيارتنا ،
ما طوعتها رحت وجبت اختي لكن ياقلبي اختي كانت حاسة ان فيه شي والوالده سمعت اصواتنا ولجتنا .
وهذي المشكلة الي انا بريئ منها برائة الذيب من دم يوسف . هل انا غلطان ياربي .

__________________
سابقى بالدعاء لكم وفيا ..
فأنتم رفقتي مادمت حيا ..

بعد قراءة القصة ... أرى إنك مو غلطان بردة فعلك ...

وزوجتك (( ربما )) يكون بينها وبين أختك مشاكل حريم ... ومناقر ...
لكن مالها حق تخلي مناقرها مع أختك يؤثر على علاقتك مع أختك أو علاقة إبنها بعمته !!
المفروض تفصل بين مشاكلها مع أختك وبين حياتها معك ...

الله يهدي سركم .... الله يوفقكم ويسعدكم ...
لازم تقعد معها وتفهم منها ليش ماتبيكم تودون العمة !!
ولازم تفهما مهما كانت بينها وبين أختك مشاكل لازم يكون هناك فاااصل ..
تحياتي ...

__________________
الدراسة مقبلة دعواتكم

اهلا وسهلا بك مرة اخرى
صحيح فيه مشكلة قديمة شرحتها لك ولا هي مشكلة كلمة على الطاير ولا تظر ، تحياتي .

__________________
سابقى بالدعاء لكم وفيا ..
فأنتم رفقتي مادمت حيا ..

أكيد في سبب يخلي زوجتك متضايقة من أختك لهالدرجة ؟؟ موقفها مو طبيعي

يا ليت تقول القصة كاملة مرة واحده ... مو ضروري حلقات

__________________

تنافخ عليك وتسب وتبي تتحكم فيك وتمنعك من خدمة اختك الي كانت مضطره انك احد يوصلها السوق ...<<على فكره ترى فيه بعض الحريم حتى لو مافيه شي بينهما وبين خوات زوجها تكرهم كذا من لاشيء يعني نفسيات خبيثه ماتبي زوجها يخدم اهله وتعتبر هالشي خوف منه ماكانهم اهله قبل لاتكون حضرتها زوجته..وحتى لو خلافات بينها وبين اهله المفروض ماتصارخ وتنافخ على زوجها ..

ان كان اختك قبل 17 سنه رمت كلمه على زوجتك طيب وش السبب اكيد زوجتك متعرضتلها بكلمه او اخطات في حقها..بما انها كانت تغار من امك وخواتك

واستغرب اغلب الاعضاء يتلمسون لها الاعذار باي طريقه..يعني يقلكم تقول له لما اتكلم انت تسكت بلله عليكم هذي اخلاق...زوجه تقول لزوجها لما اتكلم انت تسكت سبحان الله كانه اصغر عيالها..يعني منجد تبي تلغي شخصيته بالقوه...والسالفه اساسا مو بس سالفة اسمه في الجوال في اشياء كثير ذكرها بس محد منتبهلها وبس ركزتوا على الاسم في الجوال وقمتواوا تتلموسون لها الاعذار....وتغاضيتوا عن اسلوبها معه وطريقتها ورفع صوتها على زوجها وغير المواقف الي ماذكرهاوهو واضح انه انسان محترم ومايستاهل هذا التعامل

اذا هي كذا ومثل ماوصفت...تستاهل تجيب على راسها الثانيه عشان تحترمك وماترفع صوتها عليك وانت محترمها..بعض الحريم تستبعد ان زوجها يتزوج عليها

انا مدري ليش دايما الانسان الطيب الي قلبه ابيض تجيه وحده قشرا...والبنت الطيبه الضعيفه يجيها واحد اعوذ بلله مايتعاشر...لكن الي متأكده منه انه مستحيل اثنين الاحترام معدوم عند واحد فيهم ويستمرون مع بعض لابد يجي يوم ويفترقون...

.الطيبون للطيبات والخبيثون للخبيثات...صدق الله العظيم

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

,,,,

زوجتك عندها تراكمات كثيييييرة من أختك مسبب لها أزمة أكبر من ما تتخيلها
اعذروها صراحة لأنها ما فضفضت ولا طلعت اللي ف خاطرها
وأخذتها العزة ,, ما تبي تفضفض وما تبي تحسس زوجها إنها ضعيفة
النتيجة { الموقف اللي صار }

المناقر اللي بين الحريم يسبب هالأمر خصوصاً اذا هي ما تبي تعبر عن اللي داخلها

الله يعينها على عمرها ويعينك عليها

__________________
جزيتم خيرا ع المنتدى الرائع واخوة رائعين، فترة جميلة جدا كانت معاكم، دعواتكم

اخوي الفاضل .. حياك ربي ..
والله لو بين زوجتك وما بين أختك جبل أحد ..
تبقى أختك أختك ..
صحيح لست مسؤلاً عنها مباشر .. ولكن تبقى أختك ..
وزوجتك ليس لها الحق في أن تمنع حتى ابنها من ذلك الذي هو ابنك ..
الزوجه لها حق والأخت لها حق وكلٌ له حق ..
والآن الحمد لله أن الموضوع انتهى والصلح قد حضر والحمد لله .. لكن يجب أن تفهم الزوجه أن مثل
هذه الأمور ليس لها علاقه بها إطلاقاً ..
وفقك الله .

__________________
كيف اقاوم الهم والألم. بالسجود راحة واطمئنان.

نهاية نوال..!

__________________