عادي لو اتزوج مسيار وانا عمري 26 سنة
ومو مده طويلة نقول ثلاث اربع اشهر

انا الحمدلله جميلة جدا و جامعية و متدينه انخطبت كثيييير كثيير من مختلف الفئات العمرية شباب وشياب
و عزاب ومعددين اخر مرة قبل يومين ..
لكن انا ما ابغى معدد اعيش معاه بشكل دائم لأني ما اتحمل ادري بنفسي
و لا اتخيل نفسي مع معدد بحياة روتينيه مره عندي ومره عند الثانيه مستحييييييل
احتقر نفسي كذا و اموووت غيره واشعر اني بلاقيمه
ولا ابغى شايب عاجز يتزوج عشان يثبت لنفسه انه قادر و فوق هذا يبغاني الثالثة
واصير ممرضه له
والعزاب اللي تخطبني له يا امه او اخته او من معارفه مره من زواج ومرة من صالون تجميل ومره
من مسجد وهكذا لكن من يدروا اني مريضة سكر يبطلوا وهذا فوق التجريح والكلام اللي ماله داعي
والشروط التعسفية اللي يقول افكر مده واعطيكم خبر و اللي يقول كل شيء فيك كامل بس لو ماكنتي مريضه
واللي تقول جمالك ما ينفع وانتي راح تجيبي لولدي عيال مرضى واللي يشرط شروط مثل وجهه
و مره خطبتني صديقتي الهندية ممرضه بالمشفى لكني خفت اتزوج هندي اصلا ابوي ما بيوافق
مع ان اخوها مغري ومب ناقصه شيء طبيب وعازب ومقيم هنا ومعجبين فيني لكن مب متقبله الفكرة
انا عندي رغبه اتزوج واجرب وا ستانس فترةمب شرط طويلة ففكرت بالمسيار
خاصة اني مازال عندي اقبال على الحياة و طاقه وحيويه اخاف اوصل ثلاثين ويختفي هالشيء
فالمسيار احسه مناسب لي وافضل من زواجات الشياب والمعددين الدائمة
واذا نجحت تجربتي اعيدها مرة ثانية
شو رايكم

__________________
اللهمـ ارحم أمي فَ إنها كانت بي رحيمهــ
آآآمينــــ ِِِ

والله انا ماعندي خلفيه كبيره عن الزواج ووو
بس اللي اعرفه انه اذا تم تحديد مده الزواج مو يعتبر زواج متعه؟ومو يعتبر باطلا؟؟؟؟ولا كيف؟؟مو عارفه اذا فهمت عليكي او لا بس لكن لا يجوز لك أن تزوجي نفسكي فإنّ زواج المرأة بغير ولي زواج باطل، فلا يصح زواجكي إلا أن يزوجكي وليكي....وانتي صغيره وكلي امركي للرحمن حتي ان شاءالله لو شو مافيكي اتركي امركي لله ولا تستعجلي الزواج نصيب الله بيكتبه للكل ولا احد راح يقدر يأخذه منكي إإإإصبري
واكيد الاخوه الاعضاء ممكن يفيدوكي اكثر

حرام عليك أختي تقبري نفسك بزواج عشان عذر بسيط عشان معاك سكر خلاص مسيار على طول أختي صدقيني اللي
بيتزوجك مسيار يريد متعه فقط ولا أعمم وبعدين كثير اللي معاهم مرض السكر ومتزوجين ومبسوطين ومنجبين بعد أولاد
وحاب أقول شيء والله مالنا مفر عن المكتوب في الأول والأخير ولاكن الشخص مايحطم نفسه وربي ماأخر لك الزواج إلا
فيه أمر لايعلم به إلا هو سبحانه وتعالى أسئل الله العظيم أن يرزقك بزوج صالح تقي نقي ....شااااب

__________________
لا تكن عبد مملوك كن حر حتى ولو كان الثمن روحك

كـلـآم يُـكْتَب بـِ مآء آلـذهَب علـى ـآ قولَـة أخويّ شآب دآيمًآ = )

__________________
إلى من تحدثه نفسه بترويض مهرة برية حرة
نوّآرة ( .. لا تروّض أبدًا .. !

مافائدة زواااااج بدون استقرار !

تزوجي معدد خير لكِ من مسيااااااار

اسأل الله ان يرزقك من فضله

__________________

مافهمت شلون مسيار ثلاث اربع شهور؟؟

,,,
لساتك في سن الزواج و في فرص كثيرة ا شاء الله
ليش مستعجلة و قررت خلاص راحت الفرص ما بقى إلا المسيار
هل تريدين الأستقرار و الأمومة و الأحصان و العاطفة
أم تريدين فقط أن تعفي نفسك ,
حاولي أن تشغلي نفسك بعمل او نشاط اجتماعي
و نشاطك و حيويتك ماراح تقل بالثلاثين و لا فوقها شيلي هالفكرة اللي لاعبين علينا فيها بعض الرجال
انتظري قليلا ,,,و سيأتي رزقك بأحسن مما تتوقعين
لو ((أحسنت الظن بالله))
موفقة

__________________

ماهو الحكم الشرعي ؟؟؟


للزواج اللي تحدد فترة البقاء فيه ؟؟


الا يعتبر زواج متعه !


إسألي شيخ بارك الله فيك

تتكلم عن زواج متعه البنت

لانها تقول في آخر كلامها اكررها مره ثانيه


السنه مايتزوجون متعه ابد

المتعه عند الشيعه فقط

لا حول ولا قوة الا بالله كيف صارت الناس تفكر الحين وتتعدى حدود الله سبحاانه

من اجل ارضاء النفس باي طرريقة

مشكوور اخوووي على توضيحك لي هالنقطة ,,وجزاك الله خير

والله يهدي الجمييييييع ان شاء الله

وانتي يا حبيبتي لا ترخصين نفسك عشان مرض

ما تدرين الحكمة من هالمرض اللي ربي ابتلاك فيه ترى احوال المؤمن كلها خير

وكلها تكفير ذنوب ان شاء الله الله يسخر لك الخير

غير كل ما ذكر
انتي كتبتيها بيدك وكلامك
انك ما تبين تعيشين مع معدد وتحتقرين نفسك
وتحسين انك بلا قيمه
حطي تحتها مية خط
يا عسل اذا انك شفتي بزواجك من معدد امام الكل
ولك حقوقك كامله انه فيه انتقاص لقدرك
فما بالك بالمسيار لا يكون ملزم بك ولا شي وما اتوقع حتى اهلك يوافقونك الراي
وانتي باقي صغيره والفرص قدامك
والمرض مو عيب واللي بيرفضك عشان مرض ماعليه حسوفه
افرضي ما فيك شي حلو تزوجتي شخص هاذي نظريته واصبتي بالسكر يطلقك
ابوي عمي خالتي كلهم عندهم سكر وكملو حياتهم
وياكثرهم وتزوجوا وعاشوا طبيعي
والله يرزقك الزوج الصالح اللي يصونك ويقدرك

__________________
... هذا المستخدم لم يعد موجودًا...~ حللونا ~

همسھٓ ....
إن مرت ذكرايےّ علےّ قلوبكم فاذكرونيےّ بدعوھٓ فيےّ ظهر الغيب..