لا تلجأي لهذا الزواج مهما كانت الاسباب ,,

وبعدين في بنات كثير مصابات بالسكر وما اعاقهم عن الزواج

لا تجعلي المرض يقلل من قيمتك لنفسك وتقديرك لذاتك

انتي اغلى من كذا بكثير ,,

ادعي الله يرزقك من واسع فضله

تدرين .. ترى انا قبل مرة كنت متحمسه للمسيار لكن ما تجرأت أناقش فيه اهلي
حتى انا قريت كثير عن المسيار وحبيته لكن المشكله مو في المسيار
المشكله في المجتمع اللي فاهم المسيار غلط ..
ولا تراه زواج وله ضوابط وشرووط بس وين اللي يطبق ..!
ناقشت الموضوع هذا في احد المنتديات وعرفت شلون يفكرون الاخرين وش نظرتهم للمسيار
وكرهته بشده الحمدلله ..
شيلي الفكره من بالك مو عشان سكر واي مرض النصيب ما جا ..
ترى بنات تزوجو وهم فيهم بهاق واللي معاها القلب خلي أملك ربنا كبير
والله يعطيك يارب

__________________

‏
الوعي هو الملاذ ..

أستغفر الله العظيم ؛
( الفردوس غايتي )

تعرفي ايش اللي صدمني بكلاامك

اقتباس:

احتقر نفسي كذا و اموووت غيره واشعر اني بلاقيمه

تحتقري نفسك اذا تزوجتي معدد على سنة الله و رسوله قدام اهلك و قدام الناس
وعايشة مستقرة لك بيت و نفقة و زوجك امام الله و الناس و تنجبي اطفال و تحسي بالامومة

وماراح تحتقري نفسك اذا تزوجتي مسيار .. بالسر تطلعي معاه و كانك عشيقة لاحد الشقق
خفية عن اهلك و عن الناس .. مع زوج يخاف يعلن انك زوجته وانتي تخافي تعلني انه زوجك
لا استقرار و لا حقوق و لا اطفال يعني زواج عشان الرغبة فقط !!! ماراح تسفيدي منه شي .. تدخليه بكر و تطلعي ثيب.. اعطيتي جسمك لشخص يتمتع فيه بدون مايعطيك بالمقاابل اي شي! غير الندم مستقبلا ... و اتخيلي بس شكلك قدام اهلك اذا جيتيهم حامل ؟؟؟؟؟؟ ولا تقولي لي باسوي احتياطاتي .. اذا ربك اراد مافي شي يوقف قدام اراداته..
وفوق هذا كله .. بعد فترة اذا جاك نصيب . شاب طيب متدين حلم لاي فتاة و تطلعي مانتي بكر
ولما تيجي تقول له السبب (اصلا كنت متزوجة مسيار )؟؟؟؟ ايش تتوقعي نظرته لك غير الاحتقار؟؟؟
ايش تتوقعي نظرة اهلك لك ؟؟؟ بس فكري بامك و ابوك ؟؟ اخوانك ؟؟؟؟


اعتقد كلامي اعلاه مووجع و قاسي.. بس انتي محتاجة حد يهزك بقووووووة عشان تعرفي انتي
على ايش مقدمة ... وصدقيني ماقلت لك الكلام الي فوق الا من خوفي عليك و نفس الكلام
بقوله لاي من اخواتي اذا جننت بيوم و فكرت نفس تفكيرك هذا
اشغلي نفسك عن موضوع الزواج ... دوري عمل .. او كملي دراسات عليا او حتى ادخلي دورات
و باذن الله نصيبك جاي فلا تسعجلي و ترمي نفسك في التهلكة ..
الله يوفقك لما فيه خيرك

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

تتزوجين مسيار ليه !

تكونين سلعه للمتعه بين رجال والآخر ليه !

ليه ترضين على نفسك المهانه !

ومين قالك ان مريضة السكري منبوذه

تفكيرك عقيم مع احترامي الشديد لك


نظرتك للزواج نظرة شهوه فقط

الزواج استقرار وراحه وحنان ورحمه وابناء وأيضاً من ضمنها المتعه الجنسيه


مرض السكري لايبرر لك ان تتزوجين مسيار


ومثل ما قال احد الاخوه فرقي بين زواج المسيار وزواج المتعه

زواج المتعه عند الشيعه وهو محرم بإجماع أهل السنه والجماعه

أما المسيار هو زواج عادي مكتمل الشروط لكنه لايلزم فيه الرجل بالمصرف فقط !

ياليت تفهمون الحياة الزوجيه وشروط الزواج وانواع الزواج وووو

قبل ما تخوضون في تجربه


الله يوفقك يارب

__________________
استغفر الله الذي لا إله إلا هو الحي القيوم وأتوب إليه

تتكلم عن زواج متعه البنت

لانها تقول في آخر كلامها اكررها مره ثانيه


السنه مايتزوجون متعه ابد

المتعه عند الشيعه فقط

:*

لنفرض أنك تزوجتِي مسيار لفترة 4 أشهر
وجاء بعده ثاني وثالث ورابع وصرتي بس للمسيار
مع أحترامي لك

ما خطر ببالك أن كل هالعدد إلي راضي بالمهانة
لبنت الناس وحرمان الحقوق ممكن يكون بينهم واحدوإلا
إثنين راعين سفريات وخراب في الخارج والداخل وينقل
لك مرض خطير مثل الإيدز أو غيره


أختي الزواج مو بس بسط ومتعه ووناسة وقضاء وطر
الزواج إستقرار بالدرجة الأولى

ونصيحة مني
لاتستعجلي على رزقك وألحي لله بالدعاء لساتك
صغيرة والفرص أمامك فلاتضيعي نفسك وترخصيها
بزواج كهذا فيه إهانة لكِ

:*

__________________

:*

هذا الزواج للأسف يانور
منتشر عندنا وفي مناطق بعينها
وبعلم الأهل
وهو زواج بالسر عن الزوجة الأولى
تتزوج الفتاة الرجل وبعلم أهلها وحضورهم
وموافقتهم وبعقد شرعي سليم لكن تتنازل عن حقها
في النفقة والمبيت حسب الفضاوة يجي ويأخذها ويقضي وطره
أو يجيها ببيتها إذا هي أرملة أو ببيت أهلها وماهو ملزوم بشيء
تجاهها وكثير منهم يشترط عليها عدم الحمل


شايفه كيف
والله لما حكوا لي عنه شعرت أنه مافي فرق بينه وبين المتعه
إلا أنه متعه بعقد شرعي

المهم فيه أن زوجته الأولى ماتدري عنه
يعني يلجأ له الجبناء



:*

__________________

أحسني الظن بالله سبحانه وتعالى

واسألي الله من فضله

__________________

يَا ذِكْرَيَاتِ الصِّبَا عُودِي لِذاكِرَتِي

فَقَدْ يَجِدٌّ إِلَى لُقْيَاهُمُ أَمَلُ

مع احترامي للجميع

بوضح لكم / زواج المسيار غير المتعه و الفرق انه لا يحدد بالعقد مده الزواج حتى لو كانت معروفه
مثل اللي يسافروا بالاجازة و يتزوجوا من برا وبانتهاء الإجازة يطلق ..
و الشروط تختلف من شخص لآخر ..

واللي يقول زواج قصده متعة يكون لعلمكم كل الزواجات اصلها الأساسي المتعة

ولا كل متزوجة اخذه حقوقها بالعكس بعضهم اشوفها خدامه ولا تاخذ شيء ..

واللي يقول تزوجي معدد لك حقوق / اقول ما يضيع الحقوق شيء قد التعدد

ولو ايش ما كانت الظروف ما تزوج معدد مهما كان ...

و الله لا يكتبها عليه ولا على اي اخت مثلي / كل يوم مشاكل مع المعدد او زوجته اوعياله

و الله ماحنا اخذين منه شيء الا حرقة الأعصاب و الأسر ليل نهار باسم انك متزوجة !!

وفوق هذا كله الاحساس بالدونية والإهانة لأن التعدد مرفوووض عند كل انثى ..

واللي تقبل فيه مضطره لا اكثر ..ما اتخيل اني اشوف وحده انا وهي متزوجين شخص واحد !!!

يجيني غثيان من مجرد تخيل الوضع كيف لو عشته ؟!! انتحر كان ..

و اللي يقول اتزوجي شايب اقوله هل ممكن انت تتزوج عجوووز ؟!!!

ترى نفس الوضع مع الشايب لا نفس تقبله ولا راحة ولا حق مهما كان ..

واللي ينتقد زواج المسيار ترى نفسه الزواج العادي وافضل من كثير من الزوجات العادية خاصة لو كانت الشروط انتي اللي تحدديها

ولو كان فترة محدده ..

افضل من اني اتزوج معدد طووول العمر بحقوق ناقصه و اهانة وتنازل واطفال / و غيرة قاتلة ما يتحملها رجل فكيف بانثى ...!!

والنفقه الله والنفقه اللي يدفعوها عاد !! اشوف اغلب المتزوجات يصرفون على بيوتهم واللي يصرف عليها زوجها

دائما مستوها متدني وبالحسرة تاخذ اللي تبغى ( طبعا نستثني المحظوظات ) ..

و الأستقرار العاطفي نكذب على انفسنا احنا ؟!! يعني كل المتزوجين مستقرين عاطفياً !

واللي تقول تطيحي بواحد راعي سفريات / اقول لها يا كثر المتزوجين راعين سفريات وزنا و الزوجة متحمله وصابرة

---

واللي يقولي صغيرة واحسني الظن بالله واصبري ووو

الى متى ؟! مو لأني صغيرة بتزوج قبل الثلاثين لأني لو وصلتها اقبالي النفسي راح يختفي !!

صبرنا ودعينا سنين وكل مرة تضيييق / ولا فيه نماذج مشجعة !!

كنا نتمني شخص سوي لكن ماعاد فيه اشخاص اسوياء !! و لا حياة كريمة !!

و الدليل الردود هنا الكل يؤيد التعدد ؟!! يعني قمة الإحبااااط و الرضوخ ...

انا خالطت المجتمع و شفت افكار الناس كيف مريضة وعدت على مواقف الله لا يعديها على اخت مسلمه

انا انسانه اكره اللي يتشرط علي او اللي يحاول اذلالي كمعدد و امثاله ..

و بعدين ما تتزوج البنت المتربية و الخلوقة بالعكس الجرئية و اللي عندها مكر وكيد سواء هي او امها هي المرغوبة

فانا بتزوج حلالاً و باخلاقي دون طرق ملتويه !! وعارفه انا وضع المجتمع و وضعي فليش انكر او ندعي المثالية !

و اللي تقول شقق مفروشه تراك فاهمة غلط ! ببيتي بتزوج

واللي يقول معددين اللي يتزوجوا مسيار اقوله مو كلهم ! اعرف واحد اعزب متزوج مسيار و غييره كثير

وحتى لو معدد فيه فرق بين المسيار و الزواج العادي من معدد

و اللي تسب الهندي تراه انسان مثله مثلنا ويمكن افضل مننا بكثير وافضل من كثيير من الرجال اللي عندنا

__________________
اللهمـ ارحم أمي فَ إنها كانت بي رحيمهــ
آآآمينــــ ِِِ

طيب مادام عندك هالقناعه بالمسيار وتشوفينه يحفظ حقوقك ومافيه أهانه ولاتنازل ولاأسر كالتعدد والزواج العادي

ليش جايه تفتحين موضوع طويل عريض

عادي لو أتزوج مسيار ؟

سألتي ورديتي على نفسك !!

ولاعجبك أي رد من من ردود الأعضاء اللي ردوا واللي ردوا بكل أخلاص وخوف عليك

خلاص ياستي تزوجي مسيار والله يهني سعيد بسعيده !!

عجبي !!