|
|
29-12-2011, 03:43 PM
|
بسم الله الرحمن الرحيم السلام عليكم ورحمة الله .. انا محتاره مع نفسي ..وابي احد اقدر اثق فيه واخذ بكلامه ..راح اشرح وضعي من بدايته واتمنى المساعده يتعلق موضوعي بالزواج وعلاقتي بزوجي وحياتنا .. انا في العشرينات..متزوجه ..وحامل بالاول .. مر على زواجي سنه تقريبا وضعي قبل الزواج كنت بنت بين اخوة ذكور..علاقتي ما كانت قريبه من اي احد منهم كنت احب العزله واستحي كثير ولا عندي ثقه بنفسي ..واسكت عن حقي ولا ارد ارضى باي شئ كان الكل يقول عني بارده احساسيس مافي تفاعل مافي وانا من داخلي احس اني غير حساسه بس اسكت وما اعرف اسولف اغلب وقتي مستمعه وان بدا احد معي بالكلام تكلمت او ابقى مثل ما انا ساكته وجالسه ما ابادر .. وكلها هاذي حسيتها اثرت علي بعد الزواج .. زوجي جاد يحب الرسميه واثق بنفسه بقوه ذكي مثقف ملم بكل شئ ودقيق وملاحظته قويه يشوف انه قائد كبير وعقليته كبيره ..وانا الفاهم وانا ما ينضحك علي وافهم كل تحركاك ونفسيتك حتى من مشيتك مره قال لو مب الخوف من الله قال قلت اني اعلم بكل شئ وانه احساسه وحدسه قوي .. وافهم الي قدامي واعرف نقاط ضعفهم من اقل من 3 جلسات ووووووو يا كثر الي قاله مرات افكر اقول يحق له هو فيه هالمواصفات تقريبا ومرات احس انه مريض .. المهم هو من كلامه هذا ممكن كان يتوقع اني اعجب فيه ولا استهين فيه ..لكن احس صرت معه شخصيه غير شخصيتي الاصل يعني ما اتكلم عشان ما ينتقد كلامي او يفهم منه غير الي قصدته ما اتصرف بطبيعتي ابدا اذا هو كلمني رديت وخلص هو الي لازم يبادر بكل شئ ..حتى ما اتحرك من مكاني اجلس عالكنبه لين يقوم والا يطلع .. وما اصدق على الله يطلع احس اني اتنفس مو كره فيه بس راحه احس وكنه يراقبني بكل شئ وهو في الاساس كذا من غير ما يبين واذا سويت شئ يقول تحسبيني ما اعرف والا ما كنت ارافقب تصرفك اي بمعنى تراني فاهم .. انا خلص ركبت في راسي انه يراقبني وانه ما يحب الهباله ولازم اصير رسميه مو اي كلام اقوله وتعقدت منه ما اعرف اسولف ولا اعرف اضحك من قلب ..كله كذب كني امثل اذا جلست فتره ما طلعت تنقلب نفسيتي تصير دمار مخنوووووووقه ..حت الاكل ما اكل زين نحفت بعد الزواج . وغير كذا ما عندي ثقه بنفسي يعني ما كان طبخي حلو كان عندي مشكله في ريحة النفس وما قالي عنها الا هو محد لاحظ علي من قبل سببتلي عقده بصراحه صار يقول او يلمح ان البيت ريحته من نفسي والاكل وكل شئ ..وقال انه ساكت من زمان وتوه قالي والي جرحني كمان ..يقولي اصلن ابوك غشني كان المفروض يقولي على الاقل قبل واصلن ابويه ما يدري بس امي مرات كانت تلاحظ ورحت المستشفى قبل الزواج الاسنان تمام مافي تسوس ..والانف والحنجره تمام ..بس المعده الي ما كشفت .. وخفت ما عاد قالت شئ امي ..يعني تزوج زوجه مغشوشه ..وعلى قولته خلاص صرتي بوجهي ولازم اعالجك امري على الله .. وكثير يتكلم وكنه يهيني وينتقص مني وكانه كنت اساهل احسن منك وهذا الي احس فيه دايمن معه ..حتى لو جاء وتكلم معي باسلوب حلو .. وانا احس الريحه نفسيه بس لما اكون معه لكن عند اهلي والبنات وفيه وحده قريبه مني سالتها قالت لا بس لاني من بدايتة الزواج وانا مو مرتاحه في على طبيعتي مكبوته ..انا احبه ولاهو الي تعامله زفت بس فيه شئ ما يخليني احس بالراحه والامان معه .. وصرت اجلس بعيد عنه واذا جلس جنبي قرب مني اعرف انه بس لانه يبغى ينام معي بس وهذا الي يصير .. احس لو بتكلم بكل شئ ما راح اخلص بكتب كتاب  لكن الوضع الي عليه الحين اني كرهت الرجاااااااااااااااااااااااال حقدت عليهم ..صرت احس انكم تضحكون علينا تهينونا واحنا الي خليناكم كذا لو اني كنت ارد عليه وواثقه بنفسي وانسى سالفه اني احن عليه والا اضحي بشئ عشانه هذا مستحيل ما عاد ابغى افكر بقلبي معه لا بعقلي وبس .. بقوله احبك بدلعه لكن مو لانه محبه فيه زايده لا عشان نفسي اكون اعطيته كل شئ وان بغيت اطلب والا اخذ شئ اخذه غصب ...وماله عذر ...مو معنات اني دلعتك ولينت شوي وشفت اني حنيت تستغل هالشغله لصالحك ومن غير ما نحس احنا .. يعني مثلا يجلس يتشكى من اهله يطالبوه فلوس عشان احن عليه ولا اطلب ..تحملت كثيييييير وسكت لكن فيه اشياء كثير تنقصني صار لا قلت له قال انتي انانيه انتي ما تحسين وانتي صرتي مثلهم وانا ما طلبت الا اشياء اساسيه واجبه عليه ولا فيه حد غيره يقوم فيها. يعني يا ما اطلب شئ ولا يا اصير انانيه مو مراعيه .. ابغى اثق بنفسي واكون جريئه معه وما اتنازل عن حقي ..وبنفس الوقت ما تكون علاقتنا حاده غير انه طلعني مريضه نفسيا لاني ما اتكلم كثير ومو اجتماعيه على قولته وانا كذا بس معه ومع اهله بس عند اهلي وصاحباتي بالعكس اجتماعيه وكلهم يقولوا كذا .. وكمان ما اقدر اخذ رايه في شئ .في مثلا لبس لي او اكتسوار او اييييي شئ اسويه هو لو سالته عادي يعطيني رايه لازم على اخر شئ يحسسني باهانه كيف يعني ما تعرفين وما تدرين ..صرت ما استشيره بشئ ولا اخذ رايه بشئ .. كرهت فكرة انتي تبعيه له ما صرت ابغى اخذ رايه ابغى اسوي الي على كيفي اشتري الي ابغى اقرا بالنت يقولون دلعيه وسويله وجيبيله ووووو ..لكن صراحه ما يتساهل ..لان ادري انه لا شافني دلعته بيكبر راسه علي لان فكرة الدلع والخضوع له كني اهنتي نفسه له وميته عليه ومالي غنا عنه فيتجبر علي وويا كثير الي الكلام الي في بالي ..لكن اكتفي بكذا مع اني مدري احس كتابتي كانت مشتته بس ان شاء الله تفهمون وضعي وتنصحوني .. انتظر مشورتكم .. |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض المتطور