السلام عليكم ورحمة الله وبركاته~

نظرآ لما رأيته في هذا الصرح من عقول حكيمه.. وأراء سديده.. أردت أن أستشيركم في موضوع يخص أغلى صديقاتي..فأنتم أهل لهذه الأستشاره..

لصديقتي( أبن عم) سافر للخارج لأكمال دراسته..

وقد أبدى رغبته تلميحآ وتصريحآ بالأرتباط بصديقتي من قبل السفر ومن بعد..

لكن صديقتي كانت دائمة التردد والخوف من هذا الأرتباط.. فأٌجل الموضوع لحين أتمام دراسته والعوده لأحضان الوطن..

عاد وهَمَّ بخطبتها خطبه رسميه لكن مازال ذلك الخوف والتردد يسيطر على صديقتي..

عندما أحاورها لكي أعرف سبب ترددها لاأجد أجابه ..

سألتها عن خلقه ودينه فتذكر أن أخوانها يثنون عليه.. ويحثونها على الموافقه عليه..

فبدوري أخذت أذكرها أن المعيار الحقيقي لأختيار الزوج هو الخلق والدين كما ذكر رسولنا الحبيب عليه الصلاة والسلام..وهذه متوفره في ابن عمها فلماذا التردد؟؟

فتقول:أنا استخرت وماحسيت بشي؟
فذكرت لها أن الأستخاره ليست مجرد شعور أو حلم يأتي بالمنام كما يعتقد البعض،،الأستخاره هي توكيل الأمرلله ..وهو سبحانه الخبير ان كان فيه خير جلبه وان كان فيه شر صرفه..


لكن بما انها صدقيتي ومقربه جدآ إلي.. أشعر ان السبب هو الخوووف..
وسبق وبينت لها ان هذا شعور طبيعي يختلج قلب كل فتاه فهذا موضوع مصيري وبقية حياتك.. لكن لو كل فتاه استسلمت لذلك الشعور فلن يتزوج احد؟؟

فأجدها تجيبيني بأجابتها المعهوده مدري مدري؟؟

اتمنى ان تدلون بأرائكم وسأجعلها تتطلع على الردود.

في أنتــــظــــاركم..

اذا هو عاجبها ومرتاحة له توافق عليه بعد الاستخارة
استغرب من اللي يقولون استخرت ولاارتحت ماقد حسيت بأي شعور
طريقتي هي اذا عزمت على شيء سواء موافقة او رفض او اي شي آخر استخير فية واكمل طريقي وانا موكلة الموضوع لربي عاد يااما ان الموضوع يتعرقل ومايتم او يتسهل ويصير

الله يوفقها ويسهل امورها مهما احتارت مصيرها تحسم الموضوع وبيصير اللي كاتبة ربي

صدقتي يابنت أطيب انسان الأستخاره سبب نبذله وتوكيل أمرنا لله،، لكن الباقي يكون دور تحكيم عقولنا ودراسة معطيات الموضوع..

واقولك ياعزيزتي هي مو محدده موقفها لاهي رافضه ولاهي موافقه أنا صديقتها عجزت لأعرف وش تبي..

أمين يارب واياك..وصحيح بالأخير لابد لنصيب والقدر ان ياخذ طريقه.

مشكوره وتسلمين،،

مئة مشاهده ورد واحد ؟اتمنى مزيد من التفاعل..

ومضة امل يمكن هي ماتبي قريب ويمكن فيه السبب في اهله انهم قويين وكذا
بس انتي قولي لها الاستخاره احيان تساعد في تيسير الامور
وهي خليها تتوكل ع ربي وتبعد الخوف
تري الخوف شي طبيعي
وخليها تفكر زين دام انها شاريها ويبيها
والله يوفقها يارب *

حياك أختي فعلآ هي خايفه من أمه يٌقال أنها قويه بس ماصرحتلي ان هذا سبب ترددهاالرئيسي..

واكيد الأستخاره أول شيء تسويه وحثيتها عليه.. أما من ناحية شاريها فهو شاريها بقوه وصرح برغبته بالزواج منها أكثر من مره..

بأختصار العريس لؤطه وأنا مابيها تضيعه الخبله»عادي نمون على بعض هههههه

لأني بخليها تقرى كلامكم..

اللهم آمــــيـــــن وأيــــــاك
شاكره نصيحتك تسلمين أختي..

صاحبتك خوافه بس مافيها الا خوف من المجتمع اللي يصك على البنت طول عمرها واخر شيء يسلمها لواحد يكون متوقع منها انها تكون حبيبته من اول يوم

انا صراحه مااوؤيد زواج الاقارب بعد تجربتي خاصه اذا كانوا عيال عم ولاكن من طرف اخر زواجات كثيره نجحت بين ابناء العمومه

انا اشوف انها تتوكل على الله وتستخير زياده وتساأل عنه ويسأل عنها ولايتصنعون عند بعض

الله يوفقهم

((صاحبتك خوافه بس مافيها ألا خوف من المجتمع اللي يصك على البنت طول عمرها))

أخي وضعت يدك على مربط الفرس ..أنا شخصيآ لما أنخطبت أول مره قلبي قام يرقع من الخوووف..وتوالى خوفي في خطبي التاليه وان خفت وتيرته..
لأن فيه مجموعه من الأفكار تسيطر علينا يالبنات..

بس صديقتي بـــــزووود وياما عملت معها جلسات احاول ابعد عنها ذا الخوف بس شكلها ماجابت نتيجه..مسويه دكتوره عليها هههه

ورأيك في زواج الأقارب صدقت ومثل ماذكرت في نماذج من زيجات الأقارب تكللت بنجاح.. مثلآ أخوه ترى متزوج أختها ونقول أمورهم زينه..

ومن ناحية سؤالهم عنه هو ولد عمهم وأخوانها عارفينه عز المعرفه وحريصين بزواجها منه.

أميــــــن وأيـــــاك
كــــل الشــــكر..

بسم الله الرحمن الرحيم
يسعد مساك اختي الفاضله
اسمحي لي ولتسمح لي صديقتك الفاضله بهذه المداخله البسيطه
الحمد لله هذا نموذج طيب
يبدو ان عائلة صديقتك مترابطه مع بعضها البعض ويتمتعون بعلاقه وثيقه وخاصة الأبناء فلا تدعوا اي شئ يشوب هذا الترابط العائلي الطيب فهذا الأخ متزوج اخت صديقتك وغدا اذا كتب الله نصيبا" لصديقتك
ستكون زوجة اخيه الله كم هو جميل هذا الترابط العائلي.

اختي الفاضله هل صديقتك خايفه ومتردده هل توافق ام لا ؟
اذا كانت متردده من الموافقه والرجل معروف وصاحب دين وخلق ويريدها فهي غلطانه 100%
وماذا تريد المرأة بهذه الحياه غير رجل يحبها ويريدها ؟
ولعل معظم البنات المتزوجات يعرفن الرجل اذا حب زوجته ماذا سيقدم لها !

اذا كانوا يعرفونه عز المعرفه وحريصين على زواجها منه فل تتوكل على الله عمر اخوتها مايغشونها
هذا زواج مو لعبة عيال !!!

لدي سؤال اختي الفاضله كم هو عمر صديقتك ؟

اسأل الله لك ولصديقتك حياه" طيبه" مباركة

أخي الكريم،،صدقت في تحليلك هم عائلة تنعم بالتكاتف ماشاء الله والله يديمها عليهم من نعمـــه..

وهي فعلآ غلطانه رجل فيه سمات جميله تحفز على الأرتباط به..

بس أخوي عندي تعقيب مانقول الأمر حــب لكن رغبه جامحه في ان تكون زوجته،،لأن صديقتي ولا أزكي على الله احد فيها مواصفات رائعه تستحق ان يتردد مرارآ لخطبتها..

وكلامك عن ثناء خوانها عليه صحيح وسبق وقلت لها أخوانــــك ادرى منك وهم معاشرين الرجال وخابرينه،،واكيد يبون لك الخير وحريصين على ذا الشي..

عمرها اربعه وعشرين اطال الله عمرها على طاعته..

اللهم امين ولك بالمثل الله يجزاك خــــير..