صاحبتك خوافه بس مافيها الا خوف من المجتمع اللي يصك على البنت طول عمرها واخر شيء يسلمها لواحد يكون متوقع منها انها تكون حبيبته من اول يوم

انا صراحه مااوؤيد زواج الاقارب بعد تجربتي خاصه اذا كانوا عيال عم ولاكن من طرف اخر زواجات كثيره نجحت بين ابناء العمومه

انا اشوف انها تتوكل على الله وتستخير زياده وتساأل عنه ويسأل عنها ولايتصنعون عند بعض

الله يوفقهم

((صاحبتك خوافه بس مافيها ألا خوف من المجتمع اللي يصك على البنت طول عمرها))

أخي وضعت يدك على مربط الفرس ..أنا شخصيآ لما أنخطبت أول مره قلبي قام يرقع من الخوووف..وتوالى خوفي في خطبي التاليه وان خفت وتيرته..
لأن فيه مجموعه من الأفكار تسيطر علينا يالبنات..

بس صديقتي بـــــزووود وياما عملت معها جلسات احاول ابعد عنها ذا الخوف بس شكلها ماجابت نتيجه..مسويه دكتوره عليها هههه

ورأيك في زواج الأقارب صدقت ومثل ماذكرت في نماذج من زيجات الأقارب تكللت بنجاح.. مثلآ أخوه ترى متزوج أختها ونقول أمورهم زينه..

ومن ناحية سؤالهم عنه هو ولد عمهم وأخوانها عارفينه عز المعرفه وحريصين بزواجها منه.

أميــــــن وأيـــــاك
كــــل الشــــكر..

بسم الله الرحمن الرحيم
يسعد مساك اختي الفاضله
اسمحي لي ولتسمح لي صديقتك الفاضله بهذه المداخله البسيطه
الحمد لله هذا نموذج طيب
يبدو ان عائلة صديقتك مترابطه مع بعضها البعض ويتمتعون بعلاقه وثيقه وخاصة الأبناء فلا تدعوا اي شئ يشوب هذا الترابط العائلي الطيب فهذا الأخ متزوج اخت صديقتك وغدا اذا كتب الله نصيبا" لصديقتك
ستكون زوجة اخيه الله كم هو جميل هذا الترابط العائلي.

اختي الفاضله هل صديقتك خايفه ومتردده هل توافق ام لا ؟
اذا كانت متردده من الموافقه والرجل معروف وصاحب دين وخلق ويريدها فهي غلطانه 100%
وماذا تريد المرأة بهذه الحياه غير رجل يحبها ويريدها ؟
ولعل معظم البنات المتزوجات يعرفن الرجل اذا حب زوجته ماذا سيقدم لها !

اذا كانوا يعرفونه عز المعرفه وحريصين على زواجها منه فل تتوكل على الله عمر اخوتها مايغشونها
هذا زواج مو لعبة عيال !!!

لدي سؤال اختي الفاضله كم هو عمر صديقتك ؟

اسأل الله لك ولصديقتك حياه" طيبه" مباركة

أخي الكريم،،صدقت في تحليلك هم عائلة تنعم بالتكاتف ماشاء الله والله يديمها عليهم من نعمـــه..

وهي فعلآ غلطانه رجل فيه سمات جميله تحفز على الأرتباط به..

بس أخوي عندي تعقيب مانقول الأمر حــب لكن رغبه جامحه في ان تكون زوجته،،لأن صديقتي ولا أزكي على الله احد فيها مواصفات رائعه تستحق ان يتردد مرارآ لخطبتها..

وكلامك عن ثناء خوانها عليه صحيح وسبق وقلت لها أخوانــــك ادرى منك وهم معاشرين الرجال وخابرينه،،واكيد يبون لك الخير وحريصين على ذا الشي..

عمرها اربعه وعشرين اطال الله عمرها على طاعته..

اللهم امين ولك بالمثل الله يجزاك خــــير..

رغبه جامحه ؟ هذا شي ايجابي
اكيد الرجال يعشقها ويتمنى قربها ولاتنسي بأنك ذكرتي انه صرح بالموضوع ولمح
وسافر ورجع وربما قطع سنه او سنتين ثم عاد وتقدم لها ماذا يعني هذا ؟
اليس حب بها ؟

نعم الأخوان اكيد وبلا شك ادرى واعرف بالرجل المناسب عمرهم مايرموا اختهم على شخص لا يستحقها
طبعا كلامي اذا كانوا اخوتها عقلاء وليسوا صغار بالسن
اختي الفاضله ماذا عن والدها ووالدها مارأيهم بالموضوع ؟ لماذا لايقدموا النصح لصديقتك ؟

اللهم آمين
الآن الزمن يركض ولا نشعر به وعمرها الآن مناسب جدا للزواج يالله خليها تلحق عمرها وتخلف
صبي صبيين وتتمتع بشبابها مع من يريدها ولديه رغبه جامحه للإرتباط بها

اذا" ماذا تريد اقول وجب العصفر هههههههههه بس هااااااه انا مش مسؤول عن النتائج ههههه

ههههههه لا بأذن الله راح نستغني عن العصفرهههههه،، تكلمت معها بعد ماقرأت الموضوع،،وأبدت ارتياحآ عندما قرأت حروفكم الراقيه،،ولامست منها تغير ملحــــوظ..

وهي تثني عليكم جميعآ وممتنه لكم،، وتقول ابصرتو لي امور كنت غافله عنها وخاصة كلامك ياأبو شنان،،

وان كانت لم تحسم أمرها إلى الآن لكنه تقدم جميل>ياويلي منها الله يستر لاتنتكس. وراح أوافيكم بالتطورات..


أما تعقيبي على ردك ترى مو أنا الي اقول هي الي تقول هو مايعرفني كيف يحبني؟! ههههه

وأخوانها ثقاة وراشدين وأعمارهم في سن الرشد والتعقل..
ورأي والديها من رأي أخوتها..

الله يجزاك خـــــير..