|
|
28-10-2013, 01:47 AM
حركات حريم
28-10-2013, 02:27 AM
28-10-2013, 04:32 AM
|
المشاركة الأصلية كتبت بواسطة مسز داني
الرجال على العموم أكثر ثقة و اعتزاز بجنسهم ,,على العموم
يتعاملون بأريحية مع مميزاتهم و عيوبهم كما ذكرت حتى عندما يتحدثون عن غرائزهم و ميلهم للمرأة يتحدثون بثقة وواقعية و ايجاد حلول واقعية وبعض النساء الله يخلف عليها تبحث عن فتات من ضمن حلوله لنفسه لتقتات عليها و تقنع نفسها بالرضا قد تسمي بحثها عن ما يرضيها نفسيا و جسديا ,,ندية هذا يؤدي لردة عكسية , إما أنها فعلا تصبح ندية حتى تثبت اعتزازها بنفسها بطريقة مغلوطة و منافية لفطرتها أو تكون سلبية و تبخص حق نفسها ,,, يا أختي تعود المجتمع على لفظ ناقصات عقل و دين كتعقيب سلبي على كل فعل خاطئ حقا او من وجهة نظر المتحدث ,,صادر من المرأة\ فعلا المضحك يصدر من نساء عن نساء ,,,يعني طالعين منها |
28-10-2013, 04:42 AM
28-10-2013, 08:25 PM
|
المشاركة الأصلية كتبت بواسطة مبتعثة متفائلة
دايم اقولها المراه عدوة المراه
|
28-10-2013, 05:57 AM
28-10-2013, 08:34 PM
|
المشاركة الأصلية كتبت بواسطة مبتعثة سعودية
مقدمة :::
تذكرت قبل كم يوم أتكلم مع وحدة في توتر عن قيادة المرأة قالت مرة ومسكتيها سيارة لا والله ضعنا المرة قاصرة والمرة ماتنفع لشي والمرأة تحركها عواطفها.. شوفي أم خالد عبر عن رأيها ماعندي مشكلة مع أو ضد هذا راجع لها.. لكن تقلل من شأن المرأة لا وألف لا... عاد ابشرك ماقصرت صكيتها بلوك يحبه قلبك الخاتمة:: والله لو تحكين من اليوم إلي مايتخرج خالد من الجامعة هذي النوعية من الحريم ماينفع بهن .. على قولتك القربة مشقوقة |
29-10-2013, 02:00 AM
|
المشاركة الأصلية كتبت بواسطة أم خالد.
اهلين مبتعثة ..
بعض الفهيمات لما تقلل من شأن المرأة على بالها ان كذا صح و انها قالت كلمة حق بتغرير من بعض العقول السقيمة اللي تستدل بأننا ناقصات عقل و دين و اننا من ضلع اعوج عوجوا مخك يا متخلفه ادري ياشيخه اني ما راح اغير الوضع لانه تربينا عليه للاسف بس المقصد اني الفت الانتباه لبعض النماذج اللي مثل كذا .. جد عقليات ترفع الضغط مير الله يهدينا و اياهم > بالمناسبة لن أقود لو طيروا كل الهنود سعدت بمشاركتك مبتعثة .. |
29-10-2013, 03:01 PM
|
المشاركة الأصلية كتبت بواسطة مبتعثة سعودية
راح تسوقين وأنت مرأة وانا اللي بعلمك وبسيارتي البورش اللي بيشترها ابوي ان ربي هداه
وأنا راجعة تذكرت شي ما تطرقتي له بموضوعك وهو الخلط بين الأمور كثير من النساء عندنا تعتقد أن الغباء وقل السنع نوع من أنواع الأنوثة وتعتقد أن الشخصية الإدارية والمطلعة والمثقفة أنها خالية من الأنوثة ان لم تكن رجل.. ويمقتونها بشدة ! أعرف وحدة تقول لزميلتي بس بلبسك شماغ وتصيرين رجل .. وزميلتي يافيها رقة وزين وصوتها ماشاء الله تبارك الله.. بس فيه نساء عندهم آنه من تسافر آوتكمل تعليمها أو تقود أو لوعندها رأي أنها تجردت من أنوثتها وحيائها.. نقطة ثانية فيه نسبة من النساء تحب الاضطهاد وتستمتع بلعب دور الضحية.. تحب الناس يستحقرونها .. الصراحة مادري وش السبب الحقيقي واحتاج اني افكر فيه جد.. لكن فيه سبب واعتقد انه صحيح لأنها بنظرتها أنها اذا استحقروها هذا بيجذب لها الكل وخصوصا الرجل وانه بيدعمها على كافة الاصعدة المعنوية و المادية والعاطفية وتحت العاطفية ثلاث الاف خط نقطة ثالثة برجع بعدين .. عندي شغلات بخلصهن |
28-10-2013, 07:17 AM
|
المشاركة الأصلية كتبت بواسطة أم خالد.
نزولا من مرجيحتي و هبوطا في قسم المتزوجين بناء على اقتراح حكيمة المنتدى
شكرا يا حلوه  وانا اقول بسم الله وين اختفى الموضوع فجأة فيه شي من زماان ودي اتكلم فيه فينا طبع يا حوائيات ما يعجبني ابدا و راح اصيغه بداية بمثال و على الله افلح بالتعبير فايزة و سميرة مع اخوانهم بنقاش عام قال الاخ : دخلت البارح الاستقرام لقيته كله صور طبخ و مكياج سميرة : اييه هذا موقعي المفضل دايم ادخله فايزة : يععع احسه كله حق حريم يدخلونه و ينزلون صور طبخات..! موقف ثاني ... سميرة : بنزل السوق فيه اغراض نقصت علي بجيبها الاخ : هيا فايزة تمشين معنا فايزة : يا سميرة بطلي حركات حريم كل شوي نازلة السوق خليك شاطرة و جيبيها مرة وحده ( على أساس الشطارة انها تتخلى عن كونها حرمة لان الحريم مو شاطرات ) موقف اخيير ... الاخ يشتكي من زوجته زعﻻن معها تكون اخت مؤيدة لردة فعله و الثانية تكون مع الحق و اللي معه أبسط كلمة تقولها الحريم ما ينعطن وجه ﻻ تدلعها خلص المثال ..يارب احد فهمني ليش احنا يالحريم كذا ....؟ قسم بالله شي يقهر لما اسمع حرمة تنتقد الحريم كلهم و كأنها من الرجال تتكلمين معها باي موضوع تقول لاااا حركات حريم طيب انتي ايش الله يعافيك ..! نفسي نتدارك هذا الغلط و لما نجي نتكلم ما ندرج كلمة حريم و ننسبها و كأن اي شي يسوونه غلط او قلة عقل و هذا الشي اكثر اكثر ما اشوفه بالمنتديات على وجه العموم يوقفون البنات بصف الرجال و يكبرون راسه بس عشانه رجال مشكلتنا كبرنا و الرجل بحياتنا اخذ اكبر من قدره هذا اللي تربينا عليه وتعلمناه من يوم واحنا باللفه حتى الثقه نكتسبها من الرجل متناسين وجودنا و تاثيرنا عليهم و على أيا كان ترى مو بكل شي الرجل صح و ﻻ هو مﻻك عشان ما نقول ييييع حركات رجاجيل . ما عمري سمعت رجال يقول ﻻ حركات رجاجيل مااحب كذا هالفكرة انتشرت بعقول الحريم اننا عقولنا ناقصه مستدلين بالحديث الشريف و ياليتنا نستوعبه صح معتقدين اعتقاد كامل ان الرجل كل قراراته صح غلط غلللط الرجال فيهم عاهات زي ما الحريم فيهم عاهات و من قوة اعتزازهم بنفسهم ما فيهم واحد ينتقد جنسه حتى شهوتهم يتكلمون عنها انها غريزة و فطرة و سيكلوجية و مدري ايش لكن حنا الله يخلف بس غلطة صغيرة من الانثى ما نغفر لها حتى لو كان العقاب عند الله واحد بين الذكر و الأنثى وهذي مشكلة لحالها .. كثير أحيانا نغلب عاداتنا على تعاليم الدين اقرب مثال الخيانة و نظرة المجتمع لخيانة الرجل و المرأة الدين يقول عقابهم مثل بعض بس شي ناقز لنا اسمه مجتمع مكبر حجم غلط المرأة و مصغر حجم الرجل ليش ما نعذر المرأة مثل ما نعدي للرجل ..؟ لاننا انضحك علينا من قبل المجتمع و البيئة بان غلطة المراة مو مثل الرجل و كبرنا و احنا نقول يييع حركات حريم خلونا ننظر لنفسنا اننا شي حلو و نعتز بانوثتنا تكفووون لازم ثقة بالنفس بالأول .. وهذي من وين نجيبها ؟؟ صعب صار مرة كﻻم بيني و بين اخوي بالمزح قال لي وعد رجال تسوين هالشي ؟ قلت ﻻ وعد حريم يا حبيبي قال بس خلاص عرفت ان السالفه قاضية قلت وعد الحرمة اصدق من وعد الرجال ماسكها علي بكل هرجة ام خالد تقول وعد حريم ماهو مالي عينه وعد الحريم ما ينلامون اذا حنا نتكلم عن نفسنا و نقول لااا حركات بنات ما احبها |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض المتطور