السلام عليكم

هاذي اول مشاركة لي في المنتدى اللي استفدت منه كثيير ، حابه استشيركم وبالذات الازواج في تصرفي مع زوجي .
زوجي امس قال لي أنه حجز ورح يسافر لدولة في شرق آسيا مع اصحابه .
طبعا ما قال لي الا بعد ما حجز و قرر قرار نهائي .
هو كان متوتر من ردة فعلي ومتوقع اني رح ازعل واتضايق ..
ردة فعلي صدممته قلت له تروح وترجع بالسلامة وبالعكس شجعته قلت وسع صدرك وغير جو ..
قال اكيد انك زعلانة قلت ابددا ما زعلت بالعكس اللي يسعدك يسعدني .
هو جددا انصدم و مو بس هو اللي انصدم
لما قلت لامي انه بيسافر للدولة الفلانية قالت امي وانتي وش قلتي ؟ قلت لها ردة فعلي و جددا زعلت وقالت لي رح تندمين انتي كذا تعطينه مجال يصير يسافر كل مره مع اصحابه خلتني اندم على تصرفي
انا كنت واثقة فيه بس بعد كلام الناس مرره كرهت سفرته وتمنيت اني زعلت لما قال لي ..
سؤالي للازواج لو قررت تسافر وزوجتك كانت ردة فعلها كذا هل هذا الشي رح يسعدك او العكس رح يخليك تتمادى في سفراتك ؟

برضو ترجع للزوج ..
يعني لو كان بنيته شيء موب زين او يعني بينساق خلف الناس الي خارج معاهم ..
بيتطمن ويقول زوجتي واو ماتعرف بهالامور وتوافق على طول ومافي اي مشكله اكرر الموضوع مره ثانيه ..

ولو كان بصراحه مجرد رايح مكان جديد ( وترا مو شرط الدول المشهوره بالفساد مايكون فيها إلا الفساد ! )
ممكن الطبيعه ممكن حاب يروح مكان مايكلف عليه شيء كثير " مصاريف "
بهالحاله هالزوج حينبسط من ثقة زوجته فيه

هذا رايي ولي عوده ..

اولا اشكرك اخوي ابو عقيل على مرورك وردك .
لكن انا بينت لزوجي اني عارفة الامور هاذي وقلت له انا عارفة ان الدولة اللي رح تسافر لها مشهورة بالدعارة غير شهرتها بالطبيعة بس انا واثقة فيك وعارفة انك مستحيل تخون ثقتي وتسوي شي يغضب رب العالمين .
وفعلا انا كنت واثقة فيه وما ابغى اقيد حريته وانكد عليه بس جتني ضغووط من امي وخواتي اللي اكبر مني خلتني اندم على كل كلمة قلتها .
حتى وحده من صاحباتي لما درت قالت مفروض تقولين يا انا يا هالسفرة !
انا كنت ماخذه الموضوع ببساطة بس حسسوني الناس ان الموضوع عظيم !

شايف انه رد راقي وتفكيرك ماينفر زوجك ويصارحك بكل حياته ..
وشايف انك احتويتيه وعززتي ثقتك فيه ..
وبيتذكر كلامك كثير ..
بيتذكر ربي اولا .. بعدين كلامك وثقتك فيه ..
وبيقدر كلامك كثير ..

بجد قلتي كلام من وجهة نظري يتمناه اي زوج ..

لا ابدا خطا التفكير ان الدول الفاسده للفساد والدعاره ..
على العموم الي يبغى يفسد في كل مكان .. مايحتاج يسافر اساسا ..

انا مؤيد لكلامك .. وامك من خوفها عليك وحرصها قالت لك هالاشياء ..
ربي يسعدك ان شاء الله ..

شكرا جزيلا لك كلامك اسعدني لاني للحظة حسيت اني غلطت بتصرفي مع اني كنت في البداية مقتنعة فيه ..
اللهم آميين وياك يارب

اختي الكريمة
نصيحة لا تدخلي احد ولا تخبري احد عن امورك التي بينك و بين زوجك
لا امك ولا ابيك ولا صديقاتك
انصحك لكي تسلمي من القيل و القال ولكي لا تفتحي على نفسك باب انتي بغنى عنه ولو عرف زوجك انك اخبرتي احد لأنزعج و زعل عليك

و هذه النصيحة اوجهها للجنسين

__________________




كل مشكلة ولها حل
**باب بيتك هو باب خزنة اسرارك الزوجية**

بـــاريـــس... تــقــريــر رحلتي الــى مــديــنــة الــنــور
.
.

خلاص خليك على موقفك لانه زي ماقلتي قص التذاكر وحزم اموره اذا جا يسافر استودعيه الله وقوليله احفظني في غيابك وكرريها عليه هم كذا اغلب الشباب وخاصه حديثي الزواج يحنون للعزوبيه والحريه اذا رفضتي مشكله واذا وافقتي بعد مشكله بس ان شاء الله ربي يحفظه لك ويرده سالم وشباب المسلمين

اختي الحبيبة تصرفك ممتاز وبالعكس وبسبب كلامك له راح يأنبه ضميره لو خطى نص خطوة للامور الغلط ...
عليك الحين بالدعاء له ولعائلتك بان الله يبعد عنكم كل سر ومكروه او مكر ان شاء الله ،، اما والدتك فمن خوفها وسماعها عن هالمناطق وشنو يصير فيها ولكن ثقي ان الشخص المستقيم يبقى مستقيم وربي يحميه ويعميه ان شاء الله عن هالامور ومايصير نعمم الفساد على الجميع فمثلا فيه مناطق معينة بهالدولة نفسها تكون فيها مسلمين وياماشاء الله وممكن زوجك يكون فيها وفيه مناطق مختلطة وهكذا ... واما كلام خواتك وصديقاتك فايضا بسببب ما يوصل لهم ولكن لاتخلي ثقتك بزوجك تهتز وتصرفك ممتاز معاه وبيخليه يحاسب ويحترمك ويتذكرك هناك ..

ويرجع لك بالسلامة ان شاء الله ويرتاح بالك ويصرف عنكم كل شر ومكر ،،

فعلا معك حق وهاذي كانت وجهة نظري بالبداية

اللهم آممممين الله يجزاك خير ويسعدك

غلط ومليون غلط وامك معاها حق
بالله ما انقهرتي انه حجز وحطك امام الامر الواقع ؟؟؟
على الاقل كان تكلمتي عن النقطة هذي
الله يعينك