لاتضغط عليها في الروحة لأمها اكيد حصل لها مضايقات في البيت

لما تشوفها مروقه حاول تسألها وقول لها اذا تحبين بابا جاوبيني في احد مضايقك في بيت أمك ؟

،،
بالنسبة للمكياج بنتي عمرها اربع سنوات تموت فيه واذا شافتني حاطه لازم تحط نفس اللي حطيته

واشترت المكياج اللي يجي لعبة

لكن انا سمعت معلومة انه المكياج يأثر على الأطفال وعلى بشرتهم بعدها مااخلي بنتي تحط حتى لو بكت .


الله يحفظ لك بنتك .

سألتها اكثر من مره كتووومه ماتتكلم
والمشكله لاسألتها بوقت هي رايقه فيه ماترضى تقول لي وينقلب مزاجها
تصير معصبه ولا تروح غرفتها انا احس انها تروح غرفتها عشان تبكي


الله يحفظ لك بنتك ...

طيب لا تسألها مباشرة حاول تسحب الكلام منها

ولا تضغط عليها بالروحة لهم

واذا أمها سألت ، قول لها ليش البنت متضايقة منكم ، طبعاً إذا كانت الأم متفهمة .

ابداً مو متفهمين
اخاف بسؤالي اخلق فجوه بين الام وبنتها
واكيد بتخاصم بنتي وبتحسب انها اشتكت لي

* انا فتحت هالموضوع
لأن ما ادري هل مفروض اتدخل او لا
انا يهمني بنتي ونفسيتها كثير
هي حساسه ورقيقه جداً وتتأثر بالكلام حيل

هل أمها متزوجه؟

هل ساكن أحد من عيال خوالها معهم؟ أو عيال زوج أمها لو كانت متزوجه

ماأدري أخاف بنتك تتعرض لشي في بيت أمها عشان كذا ماتبي تروح

المفروض ماسكت وسألت الأم أو الجده أو أي أحد حتى لو الشغاله لازم تعرف بنتك وش فيها

أما سالفة المكياج أشتري لها أنت أفضل روح معها وأسأل وشوف إللي يناسب بنت بهالعمر

متزوجه ارمل
وعند زوجها اولاد وبنات اكبر من بنتي

انا توقعت امها مضايقتها بكلام
واللي ببالك ماجا ببالي لأن بنتي لو تعرضت لشي من هالناحيه مابتسكت

لا لا تقول مابتسكت والله التحرش يكتم البنت خاصه لو انه المتحرش هددها
( مجربه)😭😭😭😭😭😭😭😭
الي خلاني اشك انها ممكن تكون تعرضت ولو لنظره خبيثه هو اصرارها بوجودك قريب منها وتكلمك. كل ربع ساعه لانها لاتششعر بالامان ...

وربما ان ابنتك خوافه بزياده وتعتقد ان احدا سيؤذيها ...لذلك ليس لديها اجابه لك لكن تغير مزاجها عند فتح الموضوع مريب ارجوك ابحث في الامر

والافضل ان تحضنها وتقول لها صغيرتي لا يستطيع احدا ان يؤذيك مادمت حياً لو علمت ان احدا يريد قطع شعره من صغيرتي فإنه قد جنى على نفسه ولن ارحمه ابدا..
ربما التلميحات تفيدك ..

اللهم اجعلها قره عين لوالدها

قرأت مقالات لمستشاريين نفسيين قديماً
تتكلم فيه عن نسبة التحرش في مجتمعنا السعودي وبذات عن نسبة التحرش من المحارم
لمن كانت بالتمهيدي واول ابتدائي ناقشت مدرستها قضية التحرش بوجود الاباء والامهات
انا كنت معاها علموها هي وباقي الاطفال ايش التحرش
وطرق الدفاع بطرق قتاليه بسيطه وشاركة بنتي في فترة تدريباها عليها
بطريقه مناسبه لهم وماتخدش حيائهم
واعطوهم ارقام في حال لو كان التحرش من الاهل
كان البرنامج مدته اسبوعين بوجود الاهل
وانا كنت اقولها كل فتره عن بعض قصص التحرش وكل مره بطريقه غير
وكيف الاب ساعد بنته وانتقم من المتحرش

انا لمن قلت بتقول لي ومابتسكت مو من فراغ
لأني كسرت حاجز العيب والخوف عند بنتي من هالموضوع


وعمومن انا مو خسران بألمح لها

ياحبيبتي هالبنت والله عيوني تزغللت يوم قريت السالفة

بصراحة اول مره أشوف بنت ما تبي أمها ولا تكلمها!
يعني أن تعرف مالسبب هو الافضل لها
حاول أن تجلس معها وواسألها ماهو الامر طبعا أعطها الامان أن لن يعرف أحد بذلك
وأنك ستساعدها واصدق أيضا معها ..

بلنسبة للمكياج أجد ان هذا اهتمام جميل جدا من ابنتك
وهذا شيء جيد ماشاء الله تبارك الله ,افضل لها من أن تتخذ مظاهر البويات وغيره..
المشكلة الخشية من ان تدمر مثل هذه المستحضرات بشرتها

لذلك مثلا كريم الاساس انصح ان تنصحها بأن تأخذ لها
ببي كريم ماركةGARNIER
تجده في الصيدليات فهو بالاضافة الى كونه يصفي البشرة أيضا يغذيها واسأل عنه الصيدلاني ايضا ولعلة يفيدك أكثر

بالنسبة للماسكرا فليس من الجيد أن تستخدمها بكثرة يعني كل يوم مثلا اذا حبث تكون رموشها كثيفه تحط فازلين
الايرلاينر(الكحل الخارجي) لا انصح له بمن هم في سنها يكبرها بزود
اكحل الداخل اللي جوا العين مافي مشكله منه والاكتفاء بالمسكره اجمل لها ولطفولتها
أيضا يجب أن تنبهها عن الالوان التي تتناسب مع سنها وهي غلبا الالوان الفاتحه (مشمشي,وردي فاتح ,لحمي )ولابأس من الاحمر في بعض المرات لتشبع شيء بداخلها..
ماشاء الله اجد ابنتك تميل لك وتأخذ وتعطي معك وتقبل منك فتبادل معها مثل هذه الامور

و لأجل الحفاظ على بشرتها فلتحرص بعد وضع المكياج وقبل ان تنام مثلا او بعد عودتها من المشوار ان تزيل المكياج( تستخدم المناديل المعطرة لإزالته بسهوله)..

الله يحفظها لك ويحفظك لها..